அண்மைய ஆண்டுகளில் இலங்கையில் அரசாங்க நடப்புச் செலவீட்டின் ஆகக்கூடிய பங்கினை வகித்தது,

1. வட்டிக் கொடுப்பனவு

2. பாதுகாப்புச் செலவு

3. நுகர்வோர் மானியங்கள்

4. கல்வி

5. சம்பளக் கொடுப்பனவுகள்

வரிகள் கிடையான சமத்துவத்தை (horizontal equality) ஏற்படுத்த வேண்டுமாயின்,

1. வரியிறுப்பாளர்கள் சகலரும் சமமான வரியளவினைச் செலுத்த வேண்டும்.

2. பொருள்கள் மீதான சகல வரிகளும் சமமான வீதத்தில் விதிக்கப்பட வேண்டும்.

3. வரிகள் சாத்தியமானளவு குறைந்த மட்டத்தில் இருத்தல் வேண்டும்.

4. வரிமுறையானது ஒருமுறை மட்டும் செலுத்தப்படும் தொகைவரிகளை (lump sum taxes) கொண்டிருக்க வேண்டும்.

5. சமமான இயலுமை கொண்டுள்ள வரியிறுப்பாளர்கள் சமமான வரியளவினைச் செலுத்த வேண்டும்.

விருத்தி முறை வரியமைப்பினைக் கொண்டுள்ள பொருளாதாரமொன்றில் வரிக்கும் முந்திய வருமானங்களில் அதிகரிப்பொன்று ஏற்படுகிறதாயின், வரிக்குப் பிந்திய வருமானங்களுக்கு யாது நிகழும்?

1. அவை குறைந்த வீதாசாரத்தில் வீழ்ச்சியடையும்.

2. அவை அதிகரித்த வீதாசாரத்தில் வீழ்ச்சியடையும்.

3. அவை குறைந்த வீதாசாரத்தில் அதிகரிக்கும்.

4. அவை அதிகரித்த வீதாசாரத்தில் அதிகரிக்கும்.

5. அவை சமமான வீதாசாரத்தில் வீழ்ச்சியடையும்.

அண்மைய வருடங்களில் இலங்கை மத்திய அரசாங்கத்தின் வரிவருவாய்களின் மிக முக்கிய மூலாதாரமாக விளங்குவது,

1. வருமான வரி

2. பெறுமதிசேர் வரி

3. கலால் வரி

4. இறக்குமதித் தீர்வை

5. பொருளாதாரச் சேவைக் கட்டணங்கள்

குறைந்து செல்லும் வரி (regressive tax) முறையின் வரைவிலக்கணமாக அமைவது,

1. எல்லா வரி இறுப்பாளர்களும் தமது வருமானங்களின் முழுத் தொகையின் சமமான அளவுகளை வரியாகச் செலுத்துகின்றனர்.

2. குறைந்த வருமானம் பெறுபவர்களுடன் ஒப்பிடுகையில் உயர்ந்த வருமானம் பெறுவோர் தமது வருமானத்தின் குறைவான ஒரு சதவீதத்தை வரியாகச் செலுத்துவர்.

3. உயர்ந்த வருமானம் பெறுவோர், குறைந்த வருமானம் பெறுபவர்களை விடக் குறைவான பணத்தொகையை வரியாகச் செலுத்துகின்றனர்.

4. உயர்ந்த வருமானம் பெறுவோர் குறைந்த வருமானம் பெறுவோரை விட அதிகமான பணத்தொகையை வரியாகச் செலுத்துகின்றனர்.

5. வரிச்சுமையானது பின்னோக்கி நகர்த்தப்படலாம்.

தற்போது இலங்கை அரசாங்கத்தின் தனியொரு பெரிய வரி வருவாய் மூலாதாரமாக அமைவது

1. பெறுமதி சேர் வரி

2. கம்பனி வருமான வரிகள்

3. உற்பத்தி மீதான வரிகள்

4. இறக்குமதி வரி

5. உழைக்கும்போது செலுத்தும் வரி (PAYE)

ஒடுங்கு முறை வரி நடைமுறையிலுள்ள போது வறியவர்கள்,

1. செல்வந்தர்களை விட தமது வருமானத்தின் குறைந்த சதவீதங்களை வரியாகச் செலுத்துவர்.

2. செல்வந்தர்களை விட ரூபாய் வடிவில் பெரியளவு தொகையினை வரியாகச் செலுத்துவர்.

3. தமது வருமான மட்டத்திற்கேற்ப சதவீத அடிப்படையில் மாற்றமுறும் வரியினைச் செலுத்துவர்.

4. செல்வந்தர்களை விட ரூபாய் அடிப்படையில் குறைந்த தொகையினை வரியாகச் செலுத்துவர்.

5. செல்வந்தர்களை விட தமது வருமானத்தின் உயர்வான சதவீதத்தை வரியாகச் செலுத்துவர்.