• யாதேனும் ஒரு சமூகத்தில் வாழும் ஒட்டுமொத்த மக்களின் நம்பிக்கை, விருப்பு,நட்புறவு, ஒத்துழைப்பு ஆகியவற்றை அறிந்து கொண்டு முன்னெடுக்கப்படும் ஓர் ஆட்சியே நல்லாட்சி எனப்படும்.
• மேலும் ஆளப்படுவோர் குறித்த ஆள்வோரின் தொடர்ச்சியான பொறுப்பு என்றும் தமது உறவுகளை ஒரு ஒழுக்க நெறிசார் முறையில் அமைத்துக் கொள்வதையும் ஆளப்படுவோரின் மிக சிறந்த நலன் கருதி தீர்மானங்கள்மேற்கொள்வதையும் நடைமுறைப்படுத்துவதையும் உறுதி செய்தல் நல்லாட்சி எனப்படும்.
• 1980தசாப்த காலப்பகுதியில் இடம்பெற்ற கலந்துரையாடல்கள் மூலம் எழுந்த ஒன்றே நல்லாட்சி எனும் எண்ணக்கருவாகும்.

நல்லாட்சி பற்றி அறிஞர்களினதும் நிறுவனங்களினதும் கருத்துக்கள்:

• மைக்கல் கொப்பேஜ் : நல்லாட்சியானது ஆட்சி ஸ்திரத்தன்மை, குறைவான வன்முறைகள்,ஊழலின்மை, பொறுப்புடைய அரசாங்கம், குறித்த நேரத்தில் தீர்மானம் எடுத்தல் என்பவற்றைக் கொண்டிருத்தல் வேண்டும்.
• Vivek chopra :நல்லாட்சி என்பது தெளிவான திட்டமிட்ட வகையில் சமூகத்தின் அடிப்படை குறிக்கோளை அடையாளப்படுத்தல் மற்றும் அதனை பின்தொடர்வதைக் குறிக்கின்றது.
• உலக வங்கி: நல்லாட்சிக்கு அரசியல் நம்பகத்தன்மை, சங்கமாக கூடுவதற்கான உரிமை, பங்கேற்றல் மற்றும் பணியகத்தின் பொறுப்புடைமை, உறுதியான நிருவாக முறைமை,அரசாங்கத்திற்கும் சிவில் சமூக நிறுவனத்திற்குமிடையிலான ஒத்துழைப்பு போன்றன அத்தியாவசியமானது.
• பொருளாதார கூட்டுறவு மற்றும் அபிவிருத்திக்கான நிறுவனம்: நல்லாட்சி மூலம் சட்டத்தின் ஆட்சியின் பிரகாரம் ஊழல்கள் மீதான துஷ்பிரயோகங்களை தவிர்த்து சிவில் பொருளாதார, அரசியல், சமூக உரிமைகளுக்கான உத்தரவாதத்தினை வழங்குகின்ற ஒன்றாக அமைந்திருக்க வேண்டும்.
• ஒக்ஸ்பேர்ட்: அரசாட்சி என்பது ஆட்சி நடத்தை, அதன் தொழிற்பாடு, அதிகாரத்தின் மூலம் கட்டுப்படுத்தும் தன்மை மற்றும் கொள்கை உருவாக்கம் என்பவற்றுடன் சிறப்பாகவும் ஒழுங்காகவும் நடைமுறைப்படுத்தலே நல்லாட்சி.

நல்லாட்சி பற்றிய எண்ணக்கருவை முன்வைப்பதில் ஈடுபட்ட நிறுவனங்கள்:

• உலக வங்கி
• ஆசிய அபிவிருத்தி வங்கி
• ட்ரான்ஸ்பேரன்சி இன்டர்நெஷனல்

நல்லாட்சியின் பண்புகள்:

• பங்குபற்றுதல்
• சட்டவாட்சியும் நீதித்துறை சுதந்திரமும்
• பொறுப்புக் கூறும் தன்மை
• திறந்த தன்மை
• பொது உடன்பாடு ஒன்றினை ஏற்படுத்தல்
• சமத்துவம் மற்றும் உள்வாங்கப்பட்டிருத்தல்
• துலங்கு தன்மை அல்லது பதிலிறுத்தல்
• செயற்திறன் மற்றும் விளைதிறன்

நல்லாட்சியில் எதிர்பார்க்கப்படும் அம்சங்கள் :

• சமூக நடவடிக்கையில் மக்களின் பங்குபற்றல்
• நிலையான அபிவிருத்தி
• சமூகச் செல்வம் நியாயமான முறையில் சகலருக்கும் பங்கீடு செய்யப்படுதல்
• சட்டத்தின் ஆட்சி உறுதிப்படுத்தல்
• வறுமை ஒழிப்பு
• இலஞ்சம்,ஊழல் ஒழித்தல்
• வலுவூட்டல்
• பலவீனமான குழுக்களைப் பாதுகாத்தல்
• பல்லின ஏற்புடைமை
• சிறுபான்மையினர் மற்றும் ஒடுக்கப்பட்ட குழுக்களைப் பாதுகாத்தல்