ஐக்கிய நாடுகள் சபை

Please Login to view full dashboard.

Author : Admin

42
Topic updated on 02/15/2019 12:10pm

ஆரம்பம்
மனித வரலாறும் எங்கும் சமூக, பொருளாதார, அரசியல் காரணங்களினால் உலகில் ஆங்காங்கே, காலத்திற்குக் காலம், யுத்தங்கள் ஏற்பட்டன. மேலும் அவற்றைத் தவிர்க்க மனிதன் பல்வேறு முயற்சிகளில் ஈடுபட்டான். இதனை நோக்காகக் கொண்ட பல்வேறு நிறுவனங்களும் நிறுவப்பட்டன. 1914 – 1918 காலப்பகுதியினுள் நடைபெற்ற முதலாம் உலக மகா யுத்தத்தின் விளைவாக அவ்வாறான அமைப்பொன்று உருவாக்கப்படுவதன் தேவை வலுவாக ஏற்பட்டது. இதன் பயனாக 1920 இல் 27 அங்கத்தவர்களைக் கொண்ட சர்வதேச சங்கம் உருவாக்கப்பட்டது.

இதன் அடிப்படை நோக்கம் உலக சமாதானத்தை ஏற்படுத்துவதாக இருந்தபோதிலும் 1939 – 1945 ஆண்டுகளில் இரண்டாம் உலகப் போர் நடைபெற்றது. இதன்போது அளவிட முடியாத பௌதிக, மானிட வளங்கள் அழிந்து போயின. இதன் காரணமாக ஐக்கிய நாடுகள் சபை உருவாகியது. 1945 ஆம் ஆண்டு ஏப்ரல் 25 ஆம் திகதியிலிருந்து யூன் 26 ஆம் திகதி வரை சென் பிரான்சிஸ்கோவில் நடைபெற்ற மாநாட்டில் ஐக்கிய நாடுகளின் பிரகடனம் தயாரிக்கப்பட்டது. பிரகடனத்தின் முன்னுரையில் ஐக்கிய நாடுகளின் அமைப்பை நிறுவுவதன் நோக்கம் வெளியிடப்பட்டுள்ளது.

மூன்றாம் உலக யுத்தத்தை தடுத்தல்.
அடிப்படை மனித உரிமைகளைப் பாதுகாக்கும் மனித நேயத்தை கௌரவிக்கும், சமுதாயமுறையொன்றை உருவாக்குவதாகும்.
ஒப்பந்தங்களுக்கும் சர்வதேச சட்டதிட்டங்களுக்கும் ஆவணங்களுக்கும் ஏற்ப செயற்பட வழிவகுக்கும் நிபந்தனைகளை உள்ளடக்குதல். மேற்படி நிபந்தனைகளை நிறைவேற்றி வாழ்க்கை நிலையை மேம்படுத்தி அதிக சுதந்திரமுள்ள சூழலில் செயற்படுவதற்குள்ள ஆற்றலை வலியுறுத்தல்.
அவரவர் கருத்துக்களுக்கு மதிப்பளித்து சமாதானமாக வாழச் செயற்படுத்தல்.
சர்வதேச சமாதானம், பாதுகாப்பு ஆகியவற்றை உறுதிப்படுத்துவதற்காக, எல்லா சக்திகளையும் அதிகாரங்களையும் ஒன்றிணைத்தல். பொதுநன்மை கருதியல்லாது வேறு காரணங்களுக்காக ஆயுதப் பலத்தை பயன்படுத்தும் கொள்கையை நிராகரித்தல்.
எல்லா இனங்களினதும் பொருளாதார, சமூக அபிவிருத்திக்காக சர்வதேச மட்டத்திலான ஏற்பாடுகளைச் செய்தல்.
இதன்படி ஐக்கிய நாடுகள் சபையை நிறுவுவதன் அடிப்படை நோக்கம் சர்வதேச சமாதானத்தைப் பேணலாகும். உருவாக்கிய சில வருடங்களில் பொருளாதார, சமூக துறைகளின் வளர்ச்சி தொடர்பாகவும் கவனம் செலுத்தப்பட்டது.

ஐக்கிய நாடுகள் சபையின் பிரதான குறிகோள்கள்

உலகம் பூராவும் சமாதானத்தைப் பேணல்.
இனங்களுக்கிடையே நட்புறவைப் பேணல்.
ஏழ்மையில் வாடும் மக்களின் வாழ்க்கை நிலையை மேம்படுத்தல். பட்டினி, நோய்கள், அறியாமை ஆகியற்றை இல்லாதொழித்தல். ஒவ்வொருவரினதும் உரிமைகளுக்கும்
நானாவித சுதந்திரத்திற்கும் மதிப்பளித்தல், ஊக்குவித்தலுக்காக ஒற்றுமையாகச் செயற்படல்.
மேற்படி குறிக்கோள்களை அடைவதற்காக நாடுகளுக்கு உதவுதல்

மேற்படி நோக்கங்களை அடைந்துகொள்வதற்காக நாடுகளுக்கு உதவும் உரையாடல் குழு போல் செயற்படல்.

ஐக்கிய நாடுகள் சபையின் கோட்பாடுகள்

எல்லா அங்கத்துவ நாடுகளுக்கும் சமமான தன்னாதிக்க அதிகாரம் உள்ளது.
எல்லா அரசுகளும் பிரகடனத்திற்கு கட்டுப்படுவதை பிரயோக ரீதியாக்கல்
சர்வதேச ரீதியிலான மோதல்களை சமாதான ரீதியில் தீர்த்துக்கொள்ளல்.
ஒரு நாடு மற்றொரு நாட்டுக்கு எதிராக படைப்பலத்தை உபயோகிக்காதிருத்தலும் அவ்வாறு படைப்பலம் செலுத்துவதாக அச்சுறுத்தாதிருத்தலும்.
ஐக்கிய நாடுகளின் சபையை வலுவுள்ளதாக்கல், தீர்வு காணும் செயற்பாட்டுக்கு எதிராக நாடுகளுக்கு ஒத்துழைப்பு வழங்காமையும் பிரகடனத்திற்கு ஏற்ப எடுக்கும் எந்தவொரு செயற்பாட்டுக்கும் எல்லாவித ஒத்துழைப்பையும் வழங்கலும்.
நாடுகளின் உள்நாட்டு நீதி, நிர்வாகத்தில் தலையிடும் அதிகாரத்தை பிரகடனத்தின் மூலம் பெற்றுத் தராதிருத்தல்.

மேற்படி குறிக்கோள்களையும் கோட்பாடுகளையும் உள்ளடக்கி வரையப்பட்ட ஐக்கிய நாடுகளின் பிரகடனத்தின் சட்டத்தை ஏற்று 1945 ஆம் ஆண்டு யூன் மாதம் 26 ஆம் திகதி நடத்தப்பட்ட சம்மேளனத்தில் பங்குபற்றிய 50 நாடுகளின் பிரதிநிதிகள் ஒப்பமிட்டனர்.

ஏழ்மை நோய் மற்றும் சூழலை நோக்கமாக கொண்ட புத்தாயிரமாம் ஆண்டின் பிரகடனம்

2000 ஆம் ஆண்டு செப்டெம்பர் மாதம் நடத்தப்பட்ட புத்தாயிரமாம் ஆண்டின் சம்மேளனத்தின் போது உலகத் தலைவர்கள் பின்வரும் இலக்குகளை அடைய ஒப்புக்கொண்டனர்.

2015 ஆம் ஆண்டளவில் ஒரு நாளைக்கு ஒரு அமெரிக்க டொலருக்குக் குறைவாகவருமானம் பெறுபவர்களின் தொகையை பாதியாகக் குறைத்தலும் தூய குடிநீரைப் பெறமுடியாத மக்கள் தொகையைக் குறைத்தலும்.
2015 ஆண்டளவில் உலகிலுள்ள எல்லா ஆண் – பெண்பி ள்ளைகளுக்கும் கட்டாயமாக ஆரம்பக் கல்வியை வழங்கல். எல்லா மட்டங்களிலும் கல்வியில் சம வாய்ப்பளித்தல்.
தாய் மரண விகிதத்தை 3/4 ஆக குறைத்தலும், 5 வயதிற்குட்பட்ட சிறுவர் இறப்பு எண்ணிக்கையை 2/3 ஆல் குறைத்தலும்.
HIV/AIDS ஏனைய நோய்கள் பரவுதலைத் தடுத்தல்.
அநாதைப் பிள்ளைகளை HIV/AIDS இலிருந்து பாதுகாப்பதற்கு விசேட நிவாரணமளித்தல்.
2020 ஆண்டாகும்போது குறைந்தது 100 மில்லியன் சேரிவாசிகளின் வாழ்வில் திட்டவட்டமான வளர்ச்சியை ஏற்படுத்தல்.
ஆண் – பெண் சமத்துவத்தைப் பேணல். ஏழ்மைக்கும் பட்டினிக்கும் நோய்கள், துன்பங்களுக்கும் எதிராக செயற்பட பெண்களைத் தூண்டுதல்.
எல்லா பிரதேசங்களிலும் வாழும் யுவதிகளுக்கும் கௌரவமான தொழில்வாய்ப்பை பெற்றுக்கொடுக்கும் வழிமுறைகளை செயற்படுத்தலும் அபிவிருத்தி செய்தலும்.
அபிவிருத்தி அடைந்துவரும் நாடுகளுக்குத் தேவையான மருந்து வகைகளைப் பெற்றுக் கொடுக்க தேவையான மருத்துவ உற்பத்தி சாலைகளை ஆரம்பித்தலும் ஊக்குவித்தலும்.
ஏழ்மையை இல்லாதொழிக்கத் தேவையான அபிவிருத்திச் செயற்பாடுகளின்போது தனியார் துறைக்கும் சமூக அமைப்புக்களுக்கும் இடையிலான தொடர்பை வளர்த்தல்.
புதிய தொழினுட்ப வசதி வாய்ப்புக்களை (விசேடமாக தகவல் மற்றும் தொடர்பாடல் தொழினுட்பம்) உறுதிசெய்தல்.

அங்கத்துவம்

ஐக்கிய நாடுகளின் பிரகடனத்தில் குறிப்பிடப்படும் நிபந்தனைகளை ஏற்றுக்கொள்ளக் கூடியவரும்
அங்கு அளிக்கப்படும் பொறுப்புக்களை ஏற்று செயற்பட விருப்பமுடையவர் மற்றும் திறமையுடையவர் என அமைப்பு தீர்மானிக்கும்
சமாதான நோக்குடைய எல்லா நாடுகளுக்கும் அங்கத்துவம் உரித்தாகும்.

பாதுகாப்புச் சபையின் விதந்துரையின் அடிப்படையில் பொதுச் சபை அங்கத்துவம் வழங்கும். ஒருநாட்டின் அங்கத்துவத்தை இடைநிறுத்தும் அல்லது அங்கத்துவத்தை நீக்கும் அதிகாரம்
பிரகடனத்தில் தரப்பட்டுள்ளபோதிலும், இதுவரை அவ்வாறு செய்யப்படவில்லை.

ஐக்கிய நாடுகள் சபையில் தற்போது 192 நாடுகள் அங்கம் வகிக்கின்றன. 1945 ஆம் ஆண்டில் பிரகடனம் வெளியிடப்பட்ட சமயத்தில் அதில் ஒப்பமிட்ட 54 நாடுகளும் ஆரம்ப அங்கத்தவர்கள் எனப்படுவர். போலாந்து சம்மேளனத்தில் பங்குபற்றாத போதிலும் முதலில் ஒப்பமிட்டது. அதன் பின்னர் ஒப்பமிட்ட நாடுகள் இரண்டாம் வகையினராகக் கருதப்படுவர்.

எந்தவொரு அங்கத்துவ நாடும் இன்றுவரை ஐக்கிய நாடுகள் சபையிலிருந்து விலகவில்லை. மலேசியாவுடன் ஏற்பட்ட பிணக்கு காரணமாக இந்தோனேசியா 1965 இல் ஐக்கிய நாடுகளிலிருந்து தற்காலிகமாக வெளியெறிய போதிலும் 1966 இல் மீண்டும் இணைந்து கொண்டது.

ஐக்கிய நாடுகள் சபையின் நிறுவன ரீதியான அமைப்பு

ஐக்கிய நாடுகள் சபை 6 பிரதான நிறுவனங்களின் கீழ் ஒழுங்கமைந்துள்ளது. ஆரம்ப பிரகடனத்தின் மூலம் இது குறிப்பிடப்பட்டுள்ளது.

பொதுச்சபை
பாதுகாப்புச் சபை
பொருளாதார சமூக சபை
நம்பிக்கை பொறுப்பாளர் சபை
சர்வதேச நீதிமன்றம்
செயலாளர் நாயகம்

பொதுச்சபை

ஐக்கிய நாடுகளின் அங்கத்துவ நாடுகள் கலந்துரையாடும் பிரதான சபை பொதுச்சபையாகும். எல்லா அங்கத்துவ நாடுகளது பிரதிநிதிகள் அதில் கலந்துகொள்வார்கள். ஒரு அங்கத்தவருக்கு ஒரு வாக்கு உரித்தாகின்றது. இன்று இங்கு 192 அங்கத்துவ
நாடுகள் உள.

பொதுச் சபையின் பணிகளை இலகுபடுத்துவதற்காக 6 குழுக்கள் நிறுவப்பட்டுள்ளன.
நிராயுதபாணியாக்கல், சர்வதேச பாதுகாப்பு, அரசியல் பணிகள் தொடர்பான குழு.
பொருளாதார நிதிக்குழு.
சமூக, மனிதநேய, கலாசார விடயங்கள் தொடர்பான குழு.
குடியேற்றவாதத்திற்கு எதிரான குழு.
சட்ட ரீதியான விடயங்கள் தொடர்பான குழு.

எந்தவொரு அங்கத்துவ நாட்டுக்கும் மேற்படி குழுவில் அங்கத்துவம் பெறலாம். எல்லா குழுவிற்கும் தலைவர் ஒருவரும் செயலாளர் ஒருவரும் இருக்கின்றனர்.

பாதுகாப்புச் சபை

பாதுகாப்புச் சபை சீனா, பிரான்சு, ரஷ்யா, பிரித்தானியா, ஐக்கிய அமெரிக்கா ஆகிய ஐந்து நிரந்தர அங்கத்தவர்களைக் கொண்டது. மேலும் இரண்டு வருட பதவிக் காலத்துக்கு பொதுச் சபையினால் தேர்ந்தெடுக்கப்படும் 10 உறுப்பினர்களையும் கொண்டது. ஐக்கிய நாடுகள் சபையின்பிரகடனத்தின்படி பாதுகாப்புச் சபையின் பிரதான பணி சர்வதேச நாடுகளின் சமாதானத்தையும் பாதுகாப்பையும் பேணுவதாகும்.

பொருளாதார, சமூக சபை

ஐக்கிய நாடுகளின் பொருளாதார மற்றும் சமூக சபை “ஐக்கிய நாடுகள் சபை” என அழைக்கப்படும். இங்கு 54 அங்கத்தவர்கள் உள்ளனர். 3 ஆண்டு பதவிக்காலம் உள்ளது. ஒரு வருடத்திற்கு 1/3 அங்கத்தவர்கள் நியமிக்கப்படுவார்கள். ஒரு அங்கத்தவருக்கு ஒரு வாக்கு உரித்தாகும். பொதுவான பெரும்பான்மை வாக்கு பெறும் முறையில் அங்கத்துவர் தேர்ந்தெடுக்கப்படுவார்.

நம்பிக்கையாளர் பொறுப்புச் சபை

இச்சபைக்கு ஒப்படைத்துள்ள பிரதான பணி பொறுப்பளிக்கப்பட்ட பிரதேசத்தை நிர்வகிப்பதை மேற்பார்வை செய்தலாகும்.
பொறுப்பளிக்கப்பட்ட பிரதேசத்தின் :

மக்களின் அபிவிருத்தியை ஏற்படுத்தல்.
சுய நிர்வாக ஆற்றலைப் பயிற்றுவித்தல்.
சுயாதிபத்தியத்தை அண்மிக்க படிப்படியாக பயிலுதல்.

நம்பிக்கை நிதிய சபையின் பிரதான குறிக்கோள்கள் பின்வருமாறு :

பொதுச் சபையின் கீழ் இயங்கும் ஒரு அமைப்பு இதுவாகும்.
உபாய ரீதியான முக்கிய விடயங்கள் பாதுகாப்பு சபையின் கீழ் இயங்கும்.

சர்வதேச நீதீமன்றம்

பொதுச் சபையினதும் பாதுகாப்புச் சபையினதும் சுதந்திர வாக்குகளினால் தேர்ந்தெடுக்கப்பட்ட 15 நீதிபதிகளினால் நீதிமன்றம் அமைந்துள்ளது. உலகின் பிரதான நீதிமுறைகளை பிரதிநிதிப்படுத்தும் வகையில் இந்நீதிமன்றத்தை அமைக்க நடவடிக்கை எடுக்கப்பட்டுள்ளது. ஒரு நாட்டிலிருந்து இரண்டு அங்கத்தவர்களை நியமிக்க முடியாது. ஒரு நீதிபதியின் சேவைக்காலம் 9 ஆண்டுகளாகும்.

ஐக்கிய நாடுகள் சபையின் பிரதான நீதி அமைப்பு சர்வதேச நீதிமன்றமாகும். நீதிமன்றமானது அதன் யாப்பின் எல்லாப் பகுதியினருக்கும் திறந்ததாகும். ஐக்கிய நாடுகள் சபையின் அங்கத்துவம் பெறாத நாடொன்றுக்கும், பாதுகாப்பு சபையின் விதந்துரைப்பின் பேரில் பொதுச் சபைகளால் நிச்சயிக்கும் விசேட நிபந்தனைகளின் கீழ் யாப்பின் பங்குதாரராக முடியும்.

செயலாளர் காரியாலயம்

ஐக்கிய நாடுகளின் பிரதான காரியாலயம் இதுவாகும். இதன் தலைவர் பாதுகாப்புச் சபையின், பரிந்துரையின் கீழ் ஐந்தாண்டு கால பதவிக் காலத்துக்கு பொதுச்சபையினால் நியமிக்கப்படுவார். ஐக்கிய நாடுகளின் பிரகடனத்தின்படி இவரை பிரதான நிருவாக அதிகாரி என அழைப்பர்.

சர்வதேச பாதுகாப்பிற்கு அச்சுறுத்தலாக அமையும் என செயலாளர் கருதும் யாதொன்றையும் பாதுகாப்பு சபையின் கவனத்திற்குக் கொண்டுவரல்.
பாதுகாப்பு சபை, பொதுச்சபை அமைப்பின் ஏனைய நிறுவனங்கள் மூலம் அவருக்கு
பொறுப்பு வழங்கும் பணிகளை நிறைவேற்றுதல்.
சர்வதேச நெருக்கடி உருவாகியுள்ள, மேற்படி நிலைகள் தீவிரமடைந்துள்ள மற்றும் பரவியுள்ள சந்தர்ப்பங்களில் அவற்றை தவிர்ப்பதற்காக வெளிப்படையாகவும் தனிப்பட்ட
ரீதியிலும் நேரடி நடவடிக்கை எடுத்தல். ஆகியன செயலாளர் நாயகத்தின் பணிகளாகும்.

பணிகள்

ஐக்கிய நாடுகள் சபையின் பரந்த பணிகளை 5 பிரதான புலங்களினூடாக தொகுப்பார்.

சர்வதேச பாதுகாப்பும் சமாதானத்திற்குமான வேலைகள்.
பொருளாதார மற்றும் சமூக அபிவிருத்திக்கான பணிகள்.
மனித உரிமைகளுக்கான பணிகள்.
குடியேற்ற வாதக் கொள்கையைத் தவிர்ப்பதற்கான நடவடிக்கைகள்.
சர்வதேச சட்டங்களுக்கான பணிகள்.

ஐக்கிய நாடுகள் சபையும் இலங்கையும்

ஐக்கிய நாடுகள் சபையும் அதனோடு இணைந்த நிறுவனங்களும் ஒரு நாட்டில் செயற்படுவது அந்த நாட்டினதும் தேசிய நிறுவனங்களினதும் கோரிக்கைகளை அனுசரித்தாகும்.

1955 ஆம் ஆண்டு டிசம்பர் மாதம் 14 ஆம் திகதி இலங்கை ஐக்கிய நாடுகள் சபையின் அங்கத்துவம் பெற்றது. இதன் பயனாக இலங்கை சுயாதீனமானதும் சுதந்திரமானதுமான நாடாக சர்வதேச மதிப்பிற்கு ஆளானது. அது மாத்திரமல்லாது ஐக்கிய நாடுகள் சபையின் பல்வேறு உதவிகளும் ஏனைய சிறப்பு சேவைகளும் இலங்கைக்கு உரிமையானது.

ஐக்கிய நாடுகள் சபையின், நிபுணத்துவ அங்கத்துவ சபையான சர்வதேச தொழிலாளர் அமைப்பு, ஐக்கிய நாடுகளின் கல்வி, விஞ்ஞான மற்றும் கலாசார அமைப்புக்கள், சர்வதேச விமான சேவை அமைப்புக்கள், உலக சுகாதார நிறுவனம் ஆகியற்றுடன் 1954 ஆம் ஆண்டு டிசம்பர் மாதம் 16 ஆம் திகதி இலங்கை ஒப்பந்தம் செய்துகொண்டது. இதன் முக்கிய நோக்கம் இலங்கையின் பொருளாதார, சமூக அபிவிருத்திக்காக ஐக்கிய
நாடுகள் சபையின் உதவியைப் பெற்றுககொள்ளலாகும்.

மேற்படி ஒப்பந்தத்தின் முக்கிய குறிக்கோள் இலங்கையின் பொருளாதார மற்றும் சமூக அபிவிருத்திக்காக ஐக்கிய நாடுகள் சபையின் உதவியைப் பெற்றுக்கொள்ளலாகும். இவ்வொப்பந்தத்தின் கீழ் ஒப்புகொண்ட செயற்பாடுகள் பற்றிய வேலைத்திட்டங்களை ஒழுங்குசெய்தல், அதன் அனுமதியின்படி இலங்கை அரசுக்கு ஒத்துழைப்பு வழங்க
வேண்டியதாக இருந்தது. இதன்படி இலங்கைக்கு பின்வரும் வகையிலான உதவிகள் கிடைத்தன.

அரசுக்கு உதவுவதற்கும் அறிவுரை வழங்குவதற்கும் நிபுணத்துவ சேவைகளின் ஒத்தாசையை பெற்றுக்கொடுத்தல்.
தேர்ந்தெடுத்த பிரதேசங்களில், செயலமர்வுகள், பயிற்சிநெறி வேலைத்திட்டங்கள், கண்காட்சிகள் வேலைத்திட்டங்கள் மற்றும் அதற்குத் தேவையான முற்பணிகள் போன்றவற்றை ஒழுங்குசெய்தல்.
புலமைப் பரிசில் பிரதேசங்களில், உயர் புலமைப் பரிசில் வழங்கல்.
தேர்ந்தெடுத்த பிரதேசங்களில் முன்மாதிரி, ஆலோசனைத் திட்டங்கள் போன்றவற்றைக் குறிப்பிடுவார்.
அரசினது ஐக்கிய நாடுகள் சபையினதும் அந்நியோன்ய அங்கீகாரத்துடன் கைத்தொழில் உதவி வழங்கல்.

இதன் பின்னர் இலங்கைக்கு ஐக்கிய நாடுகள் சபையின் பொருளாதார உதவிகளுக்கு மேலதிகமாக நிபுணத்துவ அறிவைப் பெறும் வாய்ப்பும் ஏற்பட்டது.

இன்று ஐக்கிய நாடுகள் நிலையைச் சேர்ந்த 19 நிறுவனங்கள் இலங்கையினுள் செயற்படுகின்றன. அதனுடன் தொடர்புடைய நிறுவனங்களும் அமைப்புக்களும் (யுனெஸ்கோ போன்ற) காரியாலயங்கள் இலங்கையில் இல்லாத போதிலும் அரச நிறுவனங்கள் ஊடாக அல்லது ஐக்கிய நாடுகள் அபிவிருத்தி நிறுவனங்கள் ஊடாக அவற்றின் வேலைத்திட்டங்கள்
செயற்படுத்தப்படுகின்றன.

ஐக்கிய நாடுகளின் தொகுதியானது (The United Nations System) ஐக்கிய நாடுகளின் செயலாளர் காரியாலயம், ஐக்கிய நாடுகளின் வேலைத்திட்டங்களும், நிதியங்களும் மற்றும் விசேட நிறுவனங்கள் ஆகியன ஒன்று சேர்ந்து உருவானதாகும்.

ஐக்கிய நாடுகள் செயலாளர் காரியாலயம்

உள்ளக தாமத மற்றும் குறைபாட்டு சேவைக் காரியாலயம் (OIOS)
சட்ட அலுவலுக்கான பணியகம் (OLA)
அரசியல் செயற்பாடுகளுக்கான திணைக்களம் (DPA)
நிராயுதபாணியாக்கும் செயற்பாடுகளுக்கான திணைக்களம் (DDA)
சமாதான செயற்பாடுகளுக்கான திணைக்களம் (DPKO)
மனிதநேயச் செயற்பாடுகளை ஒருங்கிணைக்கும் காரியாலயம் (OCHA)
பொருளாதார சமூக செயற்பாடுகளுக்கான திணைக்களம் (DESA)
பொதுச்சபை மற்றும் சம்மேளன முகாமைத்துவ திணைக்களம் (DGACM)
பொதுத் தகவல்கள் திணைக்களம் (DPI)
முகாமைத்துவ திணைக்களம்(DM)
ஈராக் வேலைத்திட்ட காரியாலயம்
ஐக்கிய நாடுகள் சபையின் பாதுகாப்பு ஒருங்கிணைப்பு காரியாலயம் (UNSECOORD)

பிராந்திய ஆணைக் குழுக்கள்

ஆபிரிக்கா தொடர்பான பொருளாதார ஆணைக்குழு (ECA)
ஐரோப்பிய பொருளாதார ஆணைக்குழு (ECE)
இலத்தீன் அமெரிக்க மற்றும் கரிபியன் பொருளாதார ஆணைக்குழு (ECLAC)
ஆசிய பசுபிக் பொருளாதார சமூக ஆணைக்குழு (ESCAP)
மேற்காசிய பொருளாதார சமூக ஆணைக்குழு (ESCWA)

ஐக்கிய நாடுகளின் நியாயாதிக்க்கச் சபைகள்

பழைய யூகோஸ்லாவியா தொடர்பான சர்வதேச குற்ற நியாயாதிக்க சபைகள் (ICTY)
ருவாண்டா தொடர்பான சர்வதேச நியாயாதிக்க சபை (ICTR)

ஐக்கிய நாடுகளின் வேலைத் திட்டங்களும் வேறு சபைகளும்

வணிகம் மற்றும் அபிவிருத்தி தொடர்பான ஐக்கிய நாடுகளின் சம்மேளனம். (UNCTAD)
சர்வதேச வணிக மையம். (ITC)
போதைப்பொருள் மற்றும் குற்றங்கள் தொடர்பான ஐக்கிய நாடுகளின் பணிமனை. (UNODC)
ஐக்கிய நாடுகளின் சுற்றாடல் வேலைத்திட்டம் (UNEP)
ஐக்கிய நாடுகளின் அபிவிருத்தி வேலைத்திட்டம். (UNDP)
பெண்களுக்கான ஐக்கிய நாடுகளின் அபிவிருத்தி நிதியம். (UNIFEM)
ஐக்கிய நாடுகளின் ஊழியர்கள் (UNV)
ஐக்கிய நாடுகளின் சனத்தொகை நிதியம் (UNFPA)
அகதிகளுக்கான ஐ. நா. வின் உயர் ஸ்தானிகர் காரியாலயம். (UNHCR)
ஐ.நா. சிறுவர் நிதியம் (UNICEF)
உலக உணவுத்திட்டம் (WFP)
மத்திய கிழக்கு பலஸ்தீன் அகதிகளுக்கான ஐக்கிய நாடுகளின் நிவாரண சேவை மற்றும் வேலை நிறுவனம் (UNRWA)
மனித உரிமைகள் தொடர்பான ஐக்கிய நாடுகளின் உயர் ஸ்தானிகராலயம் (பணிமனை) (OHCHR)
ஐக்கிய நாடுகளின் குடியிருப்பு வேலைத்திட்டம். (UN-Habitat)
ஐக்கிய நாடுகள் செயற்றிட்ட சேவை பணிமனை (UNOPS)
ஐக்கிய நாடுகளின் பல்கலைக்கழகம் (UNU)
பெண்கள் அபிவிருத்திக்கான சர்வதேச ஆராய்ச்சி மற்றும் பயிற்சி தாபனங்கள் (INSTRAW)
ஐக்கிய நாடுகள் பிராந்தியத்தினுள் நடைபெறும் குற்றச் செயல்கள் மற்றும் நியாயாதிக்கங்கள் பற்றிய ஆராய்ச்சி நிலையம். (UNICR)
ஐக்கிய நாடுகளின் பயிற்சி மற்றும் ஆராய்ச்சி நிறுவனம் (UNITAR)
ஐக்கிய நாடுகளின் சமூக அபிவிருத்தி மற்றும் ஆராய்ச்சி நிறுவனம் (UNRIDS)

வேறு சிறப்பு நிறுவனங்கள்

சர்வதேச தொழிலாளர் அமையம் (ILO)
ஐக்கிய நாடுகள் உணவு மற்றும் விவசாய அமையம் (FAO)
ஐக்கிய நாடுகள் கல்வி, விஞ்ஞான மற்றும் கலாசார அமையம் (UNESCO)
உலக சுகாதார தாபனம் (WHO)
உலக வங்கிக் குழு (World Bank Group)
மீளளித்தல் மற்றும் அபிவிருத்திக்கான சர்வதேச வங்கி. (IBRD)
சர்வதேச அபிவிருத்தி சங்கம் (IDA)
சர்வதேச நிதி நிறுவனம் (IFC)
பல்பக்க முதலீட்டுப் பாதுகாப்பு நிறுவனம் (MIGA)
பல்பக்க முதலீட்டு நெருக்கடிகளைத் தீர்க்கும் நிலையம் (ICSID)
சர்வதேச நாணய நிதியம் (IMF)
சர்வதேச சிவில் விமானப் போக்குவரத்து அமைப்பு (ICAO)
சர்வதேச கப்பல் போக்குவரத்து அமைப்பு (IMO)
சர்வதேச மின்னஞ்சல் சேவை சங்கம் (ITU)
அகில தபால் சங்கம் (UPU)
உலக காலநிலை அமையம் (WMO)
உலக அறிவுசார் சொத்துக்களின் அமைப்பு (WIPO)
விவசாய அபிவிருத்திக்கான சர்வதேச நிதியம் (IFAD)
ஐக்கிய நாடுகளின் கைத்தொழில் அபிவிருத்தி அமையம் (UNIDO)
சர்வதேச அணுசக்தி நிறுவனம் (IAEA)
அணு ஆயுத உற்பத்தியை முழுமையாகத் தடைசெய்யும் ஒப்பந்தத்தை ஒழுங்குசெய்யும் ஆரம்ப ஆணைக்குழு. (CTBTO)
இரசாயன ஆயுதத் தடைக்கான அமையம் (OPCW)
உலக உல்லாசப் பயண ஒழுங்கமைப்பு (WTO)
உலக வர்த்தக அமைப்பு (WTO)

RATE CONTENT 0, 0

QBANK (42 QUESTIONS)

Comments Hide Comments(0)

இங்கே உங்கள் எழுத்துக்களை தமிழில் பதிவு செய்ய, நீங்கள் ஆங்கிலத்தில் டைப் செய்யும் எழுத்துக்கள் ‘Space Bar’ ஐ அழுத்தியவுடன் தமிழில் தோன்றும். உங்கள் எழுத்துக்கள் ஆங்கிலத்தில் இருக்க CTRL+G ஐ அழுத்தவும். மறுபடியும் தமிழில் டைப் செய்ய மீண்டும் CTRL+G ஐ அழுத்தவும்