• இரு  தனிமின்வாய்கள்  இணைக்கப்பட்ட  அமைப்பு  ஓர்  எளிய  மின்கலம்  ஆகும்.
• ஓர்  எளிய  மின்கலம்  தொழிற்படும்  தொகுதி  சமநிலை  தொகுதியன்று.

• நியம மின்வாய் அழுத்தப் பெறுமானம் / தாழ்த்தல் அழுத்தப் பெறுமானம் கூடியது  கதோட்டு ஆகும். நியம மின்வாய் அழுத்தப் பெறுமானம் / தாழ்த்தல் அழுத்தப் பெறுமானம் கூடியது அனோட்டு ஆகும்.
• எளிய  மின்கலத்தின்  வரிப்படம்  IUPAC  முறையில் வரையப்படுமாயின்  வலது பக்கத்தில் தாழ்த்தல் அழுத்தம்  கூடிய  மின்வாயும்  (கதோட்டு),  இடது  பக்கத்தில்  தாழ்த்தல்   அழுத்தம்  குறைந்த  மின்வாயும் (அனோட்டு)   வரையப்படல்  வேண்டும்.
• கரைசலின்  ஏற்றச்சமநிலையை  பேணும்  பொருட்டு  உப்புப்பாலம்  பயன்படுத்தப்படும்.
• உப்புப்பாலத்தை   தாயாரிப்பதற்கு  செறிந்த  KNO₃, செறிந்த NaNO₃,  செறிந்த NH₄NO₃,  செறிந்த NaCl  களில் தோய்த்த வடிதாள்கள்   பயன்படுத்தப்படும்.
• மின்கலம்  தொழிற்படும்  போது   தாழ்த்தல் அழுத்தம்  கூடிய  மின்வாயில் தாழ்த்தல் தாக்கமும்  தாழ்த்தல்   அழுத்தம்  குறைந்த  மின்வாயில்   ஒட்சியேற்றல்  தாக்கமும்  நிகழும்.
  • H₂(g) மின்வாய் தாக்கம் :   2H⁺(aq)  +  2e  →  H₂(g)
  • Zn(s)  மின்வாய் தாக்கம் :  Zn(s)  →  Zn²⁺(aq) + 2e
  • மின்கலத்தாக்கம் :  2H⁺(aq)  +  Zn(s)  →  H₂(g)  +  Zn²⁺(g)
• இம்மின்கலம்  தொழிற்படும்  போது  வெளிச்சுற்றில் Zn  மின்வாயிலிருந்து  ஐதரசன் மின்வாயை  நோக்கி  eⁿ கள் பாயும்.  எனவே  நியம  ஐதரசன்  மின்வாயுடன்  ஒப்பிடும்  போது   நியம  Zn  மின்வாயில்  eⁿ செறிவு  அதிகம்.

உப்புப்பாலத்தின் பிரயோகங்கள் :

• மின்கலத்தின் மின் நடுநிலையை பேணுதல்.
• அனோட்டு கதோட்டை இணைப்பதன் மூலம் மின்சுற்றை பூர்த்தி செய்தல்.

கலத்தின் மின்னியக்க  விசை

• மின்னோட்டம் கலத்தின் ஊடாகப் பாயாத போது இரண்டு மின்வாய்களுக்கிடையிலான அழுத்த வித்தியாசமானது மின்னியக்க விசை என வரையறுக்கப்படும்.
• மின்னியக்க விசையைப் பாதிக்கும் காரணிகளாவன; வெப்பநிலை, மின்பகுபொருளின் செறிவு, மின்வாயின் தன்மை, மின்பகுபொருளின் தன்மை என்பனவாகும்.
• இது மின்வாய்களுக்கிடையிலான தூரம், மின்வாய்களின் மேற்பரப்பு என்பவற்றில் தங்கியிருப்பதில்லை.
• கலத்தின் மின்னியக்கவிசை  எப்போதும்  நேர் பெறுமானமாக  அமைய வேண்டும்.

கிப்ஸின் சுயாதீன சக்திமாற்றம்