ஓர்  அலகு நேரத்தில்  தாக்கிகள் / விளைவுகளின் செறிவில் ஏற்படும் மாற்றம்  ‘ தாக்கவீதம் ‘ எனப்படும்.

அலகு –  moldm^-3s^-1

 இரசாயன தாக்கமொன்றின் தாக்கவீதத்தை பாதிக்கும் காரணிகள்

• செறிவு
• அமுக்கம்
• ஊக்கி
• ஒளி
• வெப்பநிலை
• திண்மபொருட்களின் மேற்பரப்பு
• செலுத்தப்பட்ட ஏற்றம்
• கலக்குதல், குலுக்குதல்
• கதிர் தொழிற்பாடு

• இரசாயன தாக்கமொன்றில் தாக்கவீதமானது தாக்கிகளின் செறிவுகள் சார்பாக குறிப்பிடப்படும் தொடர்பு அத்தாக்கத்தின் தாக்கவீதவிதி எனப்படும்.

உதாரணம் :  x – தாக்கி  A சார்பான தாக்கவரிசை
y – தாக்கி  B சார்பான தாக்கவரிசை
தாக்கத்தின் மொத்த தாக்கவரிசை = x+y
k – தாக்கவீத மாறிலி

• தாக்கமொன்றின் தாக்க வரிசையை பரிசோதனை ரீதியாக மட்டுமே துணிய முடியும்.
• தாக்கமொன்றில் குறித்த தாக்கி சார்பான தாக்க வரிசைக்கும் அத்தாக்கியின் பீசமான குணகத்திற்கும் பொதுத் தொடர்பு ஏதும் கிடையாது.
• தாக்கமொன்றில் தாக்கவரிசையானது முழு எண்ணாகவோ /பூச்சியமாகவோ / பின்னமாகவோ இருக்கமுடியும். சில சிக்கலான தாக்கங்களில் தாக்கவரிசை மறைப்பெறுமானமாக இருக்கும்.

• தாக்கவீத மாறிலியின் அலகு தாக்கத்தின் மொத்த தாக்கவரிசையில் தங்கியிருக்கும்.

மொத்த தாக்க வரிசை                  தாக்கவீதமாறிலியின் அலகு         

0                                                                moldm^-3s^-1

1                                                                 s^-1

2                                                                mol^-1dm³s^-1

3                                                                mol^-2dm⁶s^-1

தாக்கவீத மாறிலிகள் தங்கியுள்ள காரணிகள்  

வெப்பநிலை   

• தாக்கமொன்றில் தாக்கிகளின் செறிவுகளை மாறாது பேணிக்கொண்டு வெப்பநிலையை அதிகரிக்கும் போது தாக்வீதம் அதிகரிக்கும்.
• தாக்கவரிசை வெப்பநிலையில் தங்காது. ஆகவே, வெப்பநிலையுடன் தாக்கவீதம் அதிகரிக்க தாக்கவீதமாறிலி (k) அதிகரிக்க வேண்டும்.

 ஏவற்சக்தி 

• தாக்கமொன்றில் ஊக்கியானது ஏவற்சக்தியை குறித்து தாக்கவீதத்தை அதிகரிக்கச் செய்யும்.
• ஏவற்சக்தி குறையும் போது தாக்கத்தின் வீதமாறிலி அதிகரிக்க வேண்டும்.

ஓரலகு நேரத்தில் இடம்பெறும் தாக்கமூலக்கூறுகளுக்கிடையேயான மோதுகை  

• ஓரலகு நேரத்தில் இடம்பெறும் தாக்கமூலக்கூறுகளுக்கிடையெயான மோதுகை அதிகரிக்கும் போது  தாக்கவீதமும் அதிகரிக்கும்.                          
• ஓரலகு நேரத்தில் இடம்பெறும்  தாக்க மூலக்கூறுகளின் மோதுகை அதிகரிக்கும் போது வீதமாறிலியும் அதிகரிக்கும். 

 சராசரி தாக்கவீதம் 

இரசாயன தாக்கமொன்று ஆரம்பித்து சிறிய நேர இடைவெளியின் பின் துணியப்படுவது  சராசரி தாக்கவீதம் ஆகும்.

தாக்கம்  1:  Mg க்கும் HCl இற்கும் இடையிலான தாக்கத்தில் HCl சார்பான தாக்கவரிசையை துணிதல் 

Mg(s) + HCl (ag)  → MgCl₂(aq) + H₂(g)

செய்முறை :

• குறித்த செறிவுடைய HCl கரைசலில் வெவ்வேறு கனவளவுகள் சோதனைக் குழாயில் பெறப்படும். தாக்கத்தில் மொத்த கனவளவு மாறாதிருக்கும் பொருட்டு நீர் சேர்த்தல் வேண்டும்.
• ஒவ்வொரு சோதனைக் குழாயிலும் சமனான நீளம் கொண்ட (2cm) Mg நாடாவை பயன்படுத்த வேண்டும்.
• ஒவ்வொரு சோதனையின் போதும் Mg நாடாவை தக்கையுடன் இணைத்து, சோதனைக் குழாயை மூட வேண்டும்.
• தக்கையால் சோதனைக் குழாயை மூடி விரைவாக நீர்கொண்ட தாழியினுள் தாழ்த்தல் வேண்டும். இதன்போது நிறுத்தற் கடிகாரத்தை ஆரம்பிக்க வேண்டும்.
• இறப்பர் வளையம் வரை ஐதரசன் வாயு பெறப்பட்டதும் நிறுத்தற் கடிகாரம் நிறுத்தி நேரம் அளக்கப்படும்.

 

VHCl / cm3	2	4	6	8	10
VH2O / cm3	18	16	14	12	10
குறித்த கனவளவு H2(g) தோன்ற எடுக்கும் நேரம் / s	t1	t2	t3	t4	t5

கணித்தல் :    

 

 

 

 

 

 

 

t = மாறிலியாயின்;  a = 0 ஆகும்.

 

எதிர் t வரைபு உற்பத்திக் கூடாக செல்லும் நேர்கோடாயின்      a = 1 ஆகும்.

தாக்கம் 2:   Na₂S₂O₃  இற்கு  HCl க்கும் இடையிலான தாக்கத்தில்   Na₂S₂O₃ சார்பான தாக்கவரிசையை துணிதல்

Na₂S₂O₃(aq) + 2HCl(aq) →  2NaCl(aq) + SO₂(g) + S(s) + H₂O(l)

• Na₂S₂O₃ சார்பான தாக்கவரிசையை துணிய குறித்த செறிவான   Na₂S₂O₃ / HCl ஆகிய கரைசல்களை தயாரித்தல் வேண்டும்.
• வெள்ளைத் தாளில் கறுப்பு நிற ‘x’ அடையாளம் இட்டு அதற்கு மேல் தெளிவான முகவையை வைத்து விரைவாக கலத்தல் வேண்டும்.
• இதன்போது நிறுத்தற் கடிகாரத்தை ஆரம்பித்து ‘x’ அடையாளம் மறையும் போது நிறுத்தற் கடிகாரத்தை நிறுத்தி வாசிப்பை பெறல் வேண்டும்.
• தாக்கு பொருட்களை ஒருமிக்க கலக்க இரு முகவையை பயன்படுத்த முடியும். ஒரு முகவையில்   Na₂S₂O₃, H₂O உம் இன்னொரு முகவையில் HCl உம் எடுக்கப்படும்.
  

  பரிசோதனை இல	0.5M V(Na2S2O3(aq))	0.5M V(H2O(l))	V(H2O(l))	தர அடையாளம் மறைய எடுக்கும் நேரம்
  1	5	10	20	t1
  2	10	10	15	t2
  3	15	10	10	t3
  4	20	10	5	t4
  5	25	10	–	t5

 

 

t = மாறிலியாயின்;  x = 0

V Na₂S₂O₃ ∝ t =  மாறிலியாயின்;  x = 1

V[Na₂S₂O₃ (aq)]² ∝ t =  மாறிலியாயின்;  x = 2

 

தாக்கம் 3 : I^– ஒட்சியேற்றுங்கருவி ஒன்றினால் (Fe³⁺) I^– ஆக ஒட்சியேற்றும் தாக்கத்தில் தாக்கி சார்பான தாக்கவரிசையை துணிதல் 

2Fe³⁺(aq) + 2I^–(aq) → I₂(aq) + 2Fe²⁺(aq)
I₂(aq) + 2Na₂S₂O₃(aq) → Na₂S₄O₆(aq) + 2NaI(aq)  

• தாக்கத்தின் போது உருவாகும் I₂ குறித்த அளவு செறிவு தோன்றியவுடன் மாப்பொருளுடன் நீலநிறத்தைக் கொடுக்கும்.
• இதற்கு தேவைப்படும் நேரம் சிறியது. எனவே பரிசோதனை வழு  உயர்வானது.
• இதற்காக ஆரம்பத்தில் தோன்றும் குறித்த அளவு அயடீன்(I₂) Na₂S₂O₃  இனால்  I^–  ஆக தாழ்த்தப்படும்.
• இதற்காக ஒவ்வொரு பரிசோதனையிலும் சமஅளவு  Na₂S₂O₃  ஐ சேர்க்க வேண்டும்.
• பாத்திரத்தில் உள்ள  Na₂S₂O₃  முழுவதும் முடிந்த பின்னர் சுயாதீன அயடீன் உருவாகும்.
• I₂  உருவாகும் தாக்கம் மெதுவாயும்  I_{2 ,}  Na₂S₂O₃  இனால்  I^–  ஆக தாழ்த்தப்படும் தாக்கம் விரைவாகவும் இருக்க வேண்டும்.
• தாக்குபொருட்களை இரு வெவ்வேறு முகவைகளில் எடுத்து இருமுகவையிலும்  உள்ள தாக்குபொருட்களை ஒருமிக்க விரைவாக கலந்து நிறுத்தற் கடிகாரத்தை ஆரம்பிக்க வேண்டும்.
• நீலநிறம் தோன்றும்போது நிறுத்தற் கடிகாரத்தை நிறுத்தி நேரம் அளக்கப்படும்.
•  Na₂S₂O₃   முழுவதும் முடிந்த பின்னரே சுயாதீன அயடீன் தோன்றும். இது மாப்பொருடன் நீலநிறத்தைக் கொடுக்கும்.
  

  பரிசோதனை இல	0.1moldm-3 VFeCl3(aq)	0.1moldm-3 VKI(aq)	0.05moldm-3 VNa2S2O3(aq)	VH2O(aq)	0.1moldm-3   VdillH2SO4(aq)	மாப்பொருள் துளி	நீலநிறம் தோன்ற எடுக்கும் நேரம்
  1	5	10	15	20	5	2	t1
  2	10	10	15	15	5	2	t2
  3	15	10	15	10	5	2	t3
  4	20	10	15	5	5	2	t4
  5	25	10	15	–	5	2	t5

 

 

 

t = மாறிலியாயின்;  x = 0
V[FeCl3(aq)] × t = மாறிலியாயின்;  x = 1 ஆகும்
V[FeCl3(aq)]² × t = மாறிலியாயின்;  x = 2 ஆகும்

இரசாயன தாக்கமொன்றில் குறித்த தாக்கி ஒன்றின் செறிவு அரை மடங்காக குறைய எடுக்கும் காலம் ஆகும்.

பூச்சியவரிசைத் தாக்கம்   

A → R 

R = [ A ]º

 

 

 

 

பூச்சியவரிசைத் தாக்கத்தில் அரைவாழ்வுக்காலம் தாக்கியின் ஆரம்ப செறிவில் தங்கிருக்கும்.

• இரசாயன தாக்கமொன்றின் தாக்கவீதம் 2 பெரும் கொள்கைகள் மூலம் விளக்கப்படும்.                                                                       மோதுகைக் கொள்கை
  தாண்டல் நிலைக் கொள்கை

மோதுகைக் கொள்கை   

• தாக்கமொன்று நிகழ்வதற்கு தாக்க மூலக்கூறுகள் பொருத்தமான திசைமுகத்தில் மோத வேண்டும்.
• பொருத்தமான திசைமுகத்தில் மோதும் மூலக்கூறுகள் தாக்கத்திற்கு தேவையான ஏவற்சக்தியை கொண்டிருக்கும்.

ஏவற்சக்தி   

• தாக்கமொன்று நிகழும்போது பொருத்தமான திசை முகத்தில் மோதிய மூலக்கூறுகள் விளைவை ஏற்படுத்த தேவையான ஆகக் குறைந்த சக்தி ஆகும்.
• பொருத்தமான திசைமுகத்தில் மோதும் மூலக்கூறுகள் ஏவற்படுத்தப்பட்டு சிக்கலை உருவாக்கும். பின்னர் அச்சக்தியை இழந்து விளைவு உருவாகும்.

புறவெப்பத்தாக்கம்

 அகவெப்பத்தாக்கம் 

• அகவெப்பத்தாக்கத்தில் எப்பொழுதும் தாக்க வெப்பஉள்ளுறையிலும் பார்க்க ஏவற்சக்தி உயர்வாகக் காணப்படும்.       

தாண்டல்நிலைக் கொள்கை  

• பொருத்தமான திசைமுகத்துடன் தாக்கமூலக்கூறுகள் மோதும்போது ஒன்றின் இலத்திரன் முகிலை மற்றையதன் இலத்திரன் முகில் ஊடறுத்துச் சென்று மோதுவதற்கு தேவையான இயக்கச்சக்தியை கொண்டிருத்தல் வேண்டும். அவ்வாறு இல்லாவிடின் மோதும் மூலக்கூறுகள் மீளும்.
• இரசாயனத் தாக்கமொன்று நிகழ்வதற்கு திசைமுகத்தில் மோதும் மூலக்கூறுகள் தேவையான அளவு இயக்கச்சக்தியை கொண்டிருக்கும்.
• இதனால் இலத்திரன் முகிலை மற்றையதன் இலத்திரன் முகில் ஊடறுத்துச் சென்று மோதி புதியபிணைப்புக்கள் உருவாகி விளைவு பெறப்படும்.

வெப்பநிலை  

• வெப்பநிலை அதிகரிக்கும்போது மூலக்கூறுகளின் கதி அதிகரிக்கும்.  இதனால் ஓரலகு நேரத்தில் இடம்பெறும் மோதுகைகளின் எண்ணிக்கை அதிகரிக்கும். இதனால் தாக்கவீதம் அதிகரிக்கும்.
• மேலும் வெப்பநிலை அதிகரிக்கும்போது மூலக்கூறுகளின் இயக்கச்சக்தி அதிகரிப்பதால் ஏவற்சக்தியை தாண்டும் மூலக் கூறுகளின் எண்ணிக்கை அதிகரிக்கும். இதனால் தாக்கவீதமும் அதிகரிக்கும்.

செறிவு 

• தாக்கிகளின் செறிவு அதிகரிக்கும்போது  ஓரலகு நேரத்தில் இடம்பெறும் மோதுகையும் அதிகரிக்கும். இதனால் தாக்கவீதமும் அதிகரிக்கும்.

ஊக்கி 

• இரசாயன தாக்கம் ஒன்றிற்கு ஊக்கி இடும்போது அது ஏவற்சக்தியை குறைப்பதன் மூலம் தாக்க வீதத்தை அதிகரிக்கச் செய்யும்.