உருகிய  அல்லது  பொருத்தமான  கரைப்பானில்  கரைக்கப்பட்ட  பதார்த்தமொன்றின்  ஊடாக நேர்மின்னோட்டத்தைச்  செலுத்தும்போது  மின்வாய்களில்  இரசாயனத்தாக்கங்களை விளைவாக்கி கலவையை  பிரிக்கும்  செயற்பாடு  மின்பகுப்பு  எனப்படும்.

• நேர் மின்வாய் : மின்கலத்தின் நேர் முனைவுக்கு இணைக்கப்பட்ட மின்வாய் நேர் மின்வாய் ஆகும். இதுவே, அனோட்டு ஆகும். அனோட்டில் எப்போதும் ஒட்சியேற்றமே நிகழும்.
• எதிர் மின்வாய் : மின்கலத்தின் மறை முனைவுக்கு இணைக்கப்பட்ட மின்வாய் எதிர் மின்வாய் ஆகும். இதுவே, கதோட்டு ஆகும். கதோட்டில் எப்போதும் தாழ்த்தலே நிகழும்.
• மின்பகுப்பின் போது கற்றயன்கள் கதோட்டிலும் அன்னயன்கள் அனோட்டிலும் இறக்கமடையும்.
• மின்பகுப்பின் விளைவுகளை தீர்மானிக்கும் காரணிகள்,
  • இறக்க அழுத்தம்
  • மின்வாயின் தன்மை
  • கரைசலிலுள்ள அயன்களின் செறிவு
• இறக்க அழுத்தம்
  • குறித்தவொரு அயனை மூலகமாக / எளிய மூலக்கூறாக இறக்கடையச் செய்வதற்கு பிரயோகிக்க வேண்டிய ஆகக் குறைந்த  அழுத்தவேறுபாடு  ” இறக்க அழுத்தம் ” ஆகும்.
• மின்வாயின் தன்மை
  • அனோட்டாக  C / Pt  மின்வாய்  பயன்படுத்தப்பட்டால்  இறக்க அழுத்தம்  குறைந்த அன்னயன்கள்  இறக்கமடையும்.  அனோட்டாக  C / Pt  தவிர்ந்த  வேறு  ஏதாவது  உலோகம்  பயன்படுத்தப்பட்டால் அனோட்டு கரையும்.
  • கதோட்டாக  Hg  தவிர்ந்த  வேறு  ஏதாவது  மூலகம்  பயன்படுத்தப்பட்டால்  கதோட்டில் இறக்க அழுத்தம்  குறைந்த கற்றயன்கள் முதலில் இறக்கமடையும். ஆனால் கதோட்டாக Hg  பயன்படுத்தப்பட்டால்  இறக்க அழுத்தம்  கூடிய கற்றயன்களே  முதலில் இறக்கமடையும்.
• கரைசலிலுள்ள அயன்களின் செறிவு
  • கரைசலிலுள்ள கற்றயன்களின் செறிவு
    • சம செறிவுடைய  Zn²⁺, Cu²⁺  அயன்கள்  உள்ள  போது  இறக்க அழுத்தம்  குறைந்த Cu²⁺ அயன்களே  முதலில் இறக்கமடையும்.  ஆனால் Zn²⁺ இன்  செறிவு  உயர்வாக  உள்ள போது  Zn²⁺, Cu²⁺  இரண்டும்  ஒரே நேரத்தில்  இறக்கமடையும். இம்முறையை பயன்படுத்தியே  கலப்புலோகங்கள்  தயாரிக்கப்படும்.
  • கரைசலிலுள்ள அன்னயன்களின் செறிவு
    • ஒரு  கரைசலில்  சம செறிவுடைய  Cl^–, OH^– அயன்கள்  இருப்பின்  இறக்க  அழுத்தம் குறைந்த  OH^–  அயன்களே முதலில் இறக்கமடையும்.  ஆனால்  OH^–  இன் செறிவு குறைவாகவும்  Cl^–  இன் செறிவு  கூடவாகவும்  இருப்பின்  Cl^– அயனே முதலில் இறக்கமடையும்.

மின்பகுப்பின்  பிரயோகங்கள்

• மின்முலாமிடல்.
• தூய உலோகங்களை  பிரித்தெடுத்தல்.
• பொருளாதார முக்கியத்துவம் வாய்ந்த  இரசாயன பொருள்களின் தயாரிப்பு. – NaOH, Na, Cl₂

 

• ஒவ்வொரு  மின்வாயிலும்  ஒரு அயன்  இலத்திரன் அரைத்தாக்கம் நடைபெறும்.  இங்கு      நிகர தாக்கம் ஒரு  தாழ்த்தேற்று தாக்கமாகும்.
• ஒட்சியேற்றம் நடைபெறும் முனை அனோட்டு. தாழ்த்தல் நடைபெறும் முனை கதோட்டு.
• மின்னை வழங்கும் மின்முதலின் நேர்முனைவுடன் தொடுக்கப்பட்ட மின்வாய், நேர்மின்வாய். எதிர்முனைவுடன் தொடுக்கப்பட்ட மின்வாய், எதிர்மின்வாய்.
• கரைசலில்  உள்ள  நேரயன்களாவன எதிர்மின்வாயால் கவரப்படும். எதிரயன்களாவன நேர்மின்வாயால் கவரப்படும்.
• குறித்த நிபந்தனைகளின் கீழ் பொருத்தமான அயன்களின் முன்னுரிமைக்கேற்ப ஊடகத்தில் உள்ள வேறுபட்ட இனங்களாவன ஒட்சியேற்றப்படவோ தாழ்த்தப்படவோ முடியும்.
• நீரை மின்பகுத்தல். (அமிலம் துமிக்கப்பட்ட / மூலம் துமிக்கப்பட்ட)
  • அனோட்டில் :  2H₂O(l)  →  O₂(g) + 4H⁺(aq) + 4e
  • கதோட்டில் :  2H₂O(l) + 2e  →  H₂(g) + 2OH^–(aq)
• செப்பு  மின்வாய்களைப்ப யன்படுத்தி  CuSO₄  நீர்க்கரைசலை  மின்பகுத்தல்.
  • அனோட்டில் :  Cu(s)  →  Cu²⁺(aq) + 2e
  • கதோட்டில் :  Cu²⁺(aq) + 2e  → Cu(s)
• பிளாற்றினம்  மின்வாய்களைப்  பயன்படுத்தி  CuSO₄  நீர்க்கரைசலை மின்பகுத்தல்.
  • அனோட்டில் : 2H₂O(l)  → O₂(g) + 4H⁺(aq)+ 4e
  • கதோட்டில் : Cu²⁺(aq) + 2e →  Cu(s)

விதி – 1  

மின்பகுப்பினால் உருவாக்கப்படும் பதார்த்தத்தின் திணிவானது செலுத்தப்படும் மின்னோட்டத்தின் அளவுக்கு நேர்விகித சமன்.

• இங்கு படிவாகும்  அல்லது  விடுவிக்கப்படும் பதார்த்தத்தின் திணிவானது மின்பகுபொருளின் வெப்பநிலை, செறிவு, மின்வாய்களின் பருமன் என்பவற்றில் தங்கியிராது.
• செலுத்தப்பட்ட மின்கணியத்தில் மட்டுமே தங்கியிருக்கும். (மின்னோட்டம், நேரம் என்பவற்றில் மாத்திரம் தங்கியிருக்கும்)

மின்னிரசாயனச்  சமவலு [e]

• மின்பகுபொருள் கரைசலொன்றினூடாக ஒரு கூலோம் மின்கணியத்தை செலுத்தும் போது மின்வாயொன்றில் படிவாகும் அல்லது  விடுவிக்கப்படும்  திணிவாகும்.

இரசாயனச் சமவலு / சமவலு திணிவு

• மின்பகுபொருள் கரைலொன்றினூடாக 1 பரடே (96500C) மின்கணியம் செலுத்தப்படும் போது படிவாகும் / விடுவிக்கப்படும் பதார்த்தத்தின் திணிவு, அப்பதார்த்தத்தின் இரசாயன சமவலு / சமவலு திணிவு  எனப்படும்.

♦  உலோகக் கற்றயன்களுக்கு ஏற்றம் வலுவளவாகும். (இழக்கின்ற / ஏற்கின்ற eⁿ களின் எண்ணிக்கை)

1 F மின்கணியத்தை செலுத்தும் போது படிவாகும் திணிவு = E

1 C மின்கணியத்தை செலுத்தும் போது படிவாகும் திணிவு = E/F

 விதி – 2

ஒரு மூல் பதார்த்தத்தை தாழ்த்துவதற்குத் தேவையான மின்னோட்டத்தின் அளவு கூலோம்களில் 96,500 இன் எளிய முழு எண் மடங்குகளாகும்.

பரடேயின் மாறிலி (F) = புரோத்தன் ஒன்றின் மூலர் ஏற்றம்
= 1.602 x 10^-19 C x 6.022 x 1023 mol^-1
= 96 484 C mol^-1
= 96 500 C mol^-1

• மின்முலாமிடல் என்பது மின்னோட்டத்தைப் பயன்படுத்தி ஒரு உலோகத்தை இன்னொரு உலோகத்தினால் மேற்பரப்புப் படலமிடல் ஆகும். இது தாக்கம் கூடிய உலோகம் ஒன்றின் மேல் தாக்கம் குறைந்த உலோகமொன்று படிவடைதலை விட வேறுபட்டது.
• மின்முலாமிடலின்  போது முலாமிட  வேண்டிய பொருள் கதோட்டிலும்  முலாமிடும் உலோகம் அனோட்டிலும் இருக்கும்.
• மின்பகுப்பின்போது   தரமான  மேற்பரப்புப் படலமிடலைப் பெறுவதற்கு உலோகத்துடன் படலம் இறுக்கமாகப் பிணைந்திருக்க வேண்டும்.
• அத்துடன்  அது பின்வரும் பண்புகளைக் கொண்டிருக்க வேண்டும்.
  • உறுதி
  • மினுமினுப்பு
  • இரசாயன சடத்துவத் தன்மை
  • சிறந்த பொறியியல் பண்புகள்
  • சீரான தடிப்பும் தோற்றமும்
  • வெடிப்புகள், துளைகள் அற்ற தன்மை
• ஒரு  சிறந்த  மேற்பரப்புப் படலமிடலை பெறுவதற்கு பின்வரும்  காரணிகள்  பொருத்தமான வகையில் கட்டுப்படுத்தப்பட  வேண்டும்.
  • மின்பகுபொருளின் தன்மையும் தூய்மையும்
  • வெப்பநிலை
  • அழுத்த வித்தியாசம்
  • அனோட்டினதும் கதோட்டினதும் தொடர்பான நிலை
  • அயன்களின் செறிவு
  • அனோட்டின் தூய்மை
  • காணப்படும் ஏனைய அயன்களின் தன்மை
  • மின்னோட்ட அடர்த்தி
  • பொருளின் தூய்மையும் அதன் மேற்பரப்பின் தன்மையும்
  • pH பெறுமானம்
• மின்வாய்களில் இரண்டு அல்லது அதற்கு மேற்பட்ட தாக்கங்களும் ஒரே நேரத்தில் நிகழலாம். அவற்றை வெப்பநிலை, செறிவு, அழுத்தம், மின்வாய்களின் தன்மை என்பவற்றினை மாற்றுவதன் மூலம் கட்டுப்படுத்தலாம்.