• சில  இரசாயனத் தாக்கங்கள் ஒருபடியில் நிகழக்கூடியவை ஆகும். இங்கு  தாக்கிகளின் பீசமான குணங்கள் அத்தாக்கிகள் சார்பான தாக்க வரிசைக்குச் சமனாகும்.

NO(g) + O₃(g) → NO₂(g) + O₂(g)
R = K [NO(g)] [O₃(g)]

• பெரும்பாலான இரசாயன தாக்கங்கள் பலபடிகளில் நடைபெறும்.
• ஒவ்வொரு படியும் முதன்மைத் தாக்கங்கள் என அழைக்கப்படும்.
• முதன்மைத் தாக்கம் ஒன்றில் தாக்கவீதத்தை நிர்ணயிக்கும்படி அம்முதன்மைத் தாக்கமாகும். ஆனால், பலபடித்தாக்கங்களில்  தாக்க வீதத்தை நிர்ணயிக்கும் படி மெதுவாக நடைபெறும்  படியாகும்.

(உ-ம்)   Cr₂O₇^2-(aq) + 2H⁺(aq) + 4H₂O₂(aq) → 2CrO₅(aq)  [Blue] + 5H₂O(l)
2CrO₅(aq) + 6H⁺(aq)  →  2Cr³⁺(aq) [Green] + 2H₂O(l)+ H₂O₂(aq) +  3O₂(g)

சமன்படுத்திய சமன்பாடு
Cr₂O₇^2-(aq) + 8H⁺(aq) + 3H₂O₂(l) → 2Cr³⁺(aq) + 7H₂O(l) + 3O₂(g)

• இரசாயன தாக்கமொன்றில் யாதேனுமொரு தாக்கி சார்பான தாக்கவரிசை பூச்சியமாக இருப்பின் அது பலபடித்தாக்கமாக இருக்கும். இங்கும் முதன்மைப்படி வேகம் கூடியதாகும்.
• இரசாயன தாக்கமொன்றில் சகல தாக்கு பொருட்களும் வீதிவிதியில் அடங்குமாயின் தாக்கவீதத்தை துணியும் வழியில் எல்லா தாக்கிகளும் பங்குபற்ற வேண்டும்.

• இரசாயன தாக்கத்தில் பதார்த்தம் ஒன்று தாக்கவீதத்தை அதிகரித்து தாக்க முடிவில் சமனிலையில் கணியம் மாறாது மீளபெறப்படும்.
• சமதானிகள் பங்குபற்றும் தாக்கங்களில் சிலவேளை திணிவு மாறகூடும். அத்துடன் பௌதீகமாற்றமும் ஏற்படமுடியும்.
• சமனிலை தாக்கம் ஒன்றின் ஆரம்பத்தில் ஊக்கி சேர்க்கப்படும்போது அது முற்தாக்க வீதத்தையும், பிற்தாக்க வீதத்தையும் ஒரே காரணியால் அதிகரிக்க செய்வதால் சமனிலை விரைவாக கிடைக்கும்.  சமனிலைப் புள்ளியில் எந்தவித மாற்றமும் ஏற்படாது. அத்துடன் பெறப்படும் விளைவினளவில் மாற்றம் இருக்காது.
• ஊக்கி பயன்படுத்தப்படும் போது ஓரலகு நேரத்தில் பெறப்படும் விளைவின் அளவு உயர்வாக இருக்கும்.
• ஊக்கி இரசாயன மாற்றத்தில் பங்குபற்ற முடியும். இது பொறிமுறையை மாற்றுவதன் மூலம் ஏவற்சக்தியை குறைத்து தாக்கவீதத்தை அதிகரிக்கும்.
•  ஊக்கி தாக்கத்தின் ஏவற்சக்தியை குறைத்தாலும் தாக்கத்தின் வெப்பஉள்ளுறையை மாற்றாது.
• ஊக்கி பொறிமுறையை மாற்றுவதன் மூலம் தாக்கப்பாதையை மாற்றி ஏவற்சக்தியை குறைப்பதுடன் தாக்கவீதத்தை அதிகரிக்கச் செய்யும்.

A + B →  AB₂ 

S1              A + B  ↔  AB

S2             AB + B  →  AB₂

• இங்கு ஊக்கி பயன்படுவதால் தாக்கம் 2 படிகளில் நடைபெறும்.
• இங்கு இரண்டாவது தாக்கப்படி மெதுவானது.
• ஊக்கி உள்ள போது தாக்கத்தின் ஏவற்சக்தி  Ea₁ ஆகும். ஏவற்சக்தி  Ea₂  உயர்வானதாகும்.

 

மாறுநிலை கட்டம் 

• இங்கு ஊக்கி பயன்படுத்துவதால் தாக்கம் இருபடிகளில் நிகழும்.
• இடைநிலை சேர்வையும், இடைநிலை சிக்கலும் ஒன்றல்ல.
• விளைவுகள் தோன்றும் வகையில் தாக்கம் நடைபெறும் போது அழுத்தசக்தி உச்சத்திலிருக்கும் சந்தர்ப்பத்தில் தாக்கிகளினதும் அணுக்களினதும் பிணைப்பு அமைவு ஏவற்படுத்தப்பட்ட சிக்கல் எனப்படும்.
• இதுவும் உறுதி குறைவான நிலை. இதனை பிரித்தெடுக்க முடியாது. எனவே இது ‘ மாறுநிலை கட்டம் ‘ எனப்படும்.
• ஊக்கி உள்ளபோது இரண்டாவது படி மெதுவானது ஆகும்.

ஊக்கிகள் பொதுவாக 2 வகைப்படும்

•  ஏகவின ஊக்கி
•  பல்லின ஊக்கி

ஏகவின ஊக்கி  

இரசாயன தாக்கமொன்றில் தாக்கிகளும் ஊக்கியும் ஒரே பௌதீக அவத்தையில் காணப்படின் அவ்ஊக்கி ‘ ஏகவின ஊக்கி ‘ ஆகும்.

• வாயுக்கள் பங்குபற்றும் தாக்கங்களில் வாயுக்கள் ஊக்கியாகப் பயன்படும்

• திரவநிலை / நீர்க்கரைசல் நிலையில் இடம்பெறும் தாக்கங்களில் அமிலம் / காரம் ஊக்கியாகச் செயற்படும்.

• அயன்பரிமாற்றத் தாக்கங்களில் (தாழ்த்தலேற்ற தாக்கம்) சில தாண்டல் உலோகக் கற்றயன்கள் ஏகவின ஊக்கியாகச் செயற்படும்.

 

 

பல்லின ஊக்கி 

இரசாயன தாக்கமொன்றில் தாக்கிகளும் ஊக்கியும் வெவ்வேறு பௌதீக  நிலையில் காணப்படின் அவ்ஊக்கி ‘ பல்லின ஊக்கி’ எனப்படும்.

• வாயுக்கள் பங்குபற்றும் தாக்கங்களில் தாண்டல் உலோகங்கள் /அவற்றின் ஒட்சைட்டுக்கள் பல்லின ஊக்கியாகச் செயற்படும்.

ஊக்கல் கொள்கைகள்

இது பிரதானமாக 2 வகைப்படும்.

1.   இடைநிலைச்சேர்வைக் கொள்கை
2.   புறத்துறிஞ்சற் கொள்கை

இடைநிலைச்சேர்வைக் கொள்கை 

• இங்கு இடைநிலைச்சேர்வை பெறப்படும். இவ் இடைநிலைச் சேர்வையானது ஊக்கியை வெளியேற்றி விளைவைக் கொடுக்கும்.

           இங்கு  இடைநிலை – V₂O₅(s)

புறத்துறிஞ்சற் கொள்கை 

• தாண்டல் உலோகங்களில் வெற்று Orbital காணப்படுவதால், இவை வாயுக்களை புறத்துறிஞ்சக் கூடியவை.
• இதனால் பிணைப்புக்கள் உடைந்து மூலிகங்கள் உருவாகும். அவை அந்த தாண்டல் உலோக மேற்பரப்பில் சுயாதீனமாக காணப்படும்.
• பின் அம்மூலிகம் உடைந்து விளைவு வெளியேறும்.

உயிர் இரசாயன ஊக்கி – நொதியம் 

• நொதியங்கள் பெரிய கோளவடிவ புரத மூலக்கூறாகும்.
• இங்கு நொதியங்கள் தற்சிறப்பான பகுதிகளைக் கொண்டவை.  அப்பகுதியுடன் ஆதாரப்படை இணைந்து ஆதாரப்படைச் சிக்கல் உருவாகும்.
• வெப்பநிலையை அதிகரிக்கும் போது பிணைப்புகள் உடைவதால் நொதியத்தின் உயிர்ப்புத்தானம் விகாரடையும்.
• இதனால் ஆதாரப்படை நொதியத்துடன் இணையமுடியாமல் போகும்.
• இதேபோல் ஆதாரப்படையின் செறிவு அதிகரிக்கும்போது முதலில் தாக்கவீதம் அதிகரித்துச் சென்று பின் ஏவற்படுத்தப்பட்ட இடங்கள் ஆதாரப்படையால் முற்றாக நிரப்பப்படுவதால் தாக்கவீதம் அதிகரிக்காது.
• அத்துடன் உயிர் இரசாயன ஊக்கிகள் சிறப்பான நிபந்தனைகளில் தொழிற்படும். அவை pH பெறுமானத்திற்கு உணர்திறன் உடையது.

சுய ஊக்கி 

• இரசாயன தாக்கங்களில் பெறப்படும் விளைவுகளும் சில சமயங்களில்  ஊக்கியாகத் தொழிற்படக் கூடியது. இவ்வாறான ஊக்கி ‘ சுய ஊக்கி ‘ எனப்படும்.

(உ – ம்)  C₂O₄^2-(s) + 2MnO₄^–(aq) + 16H⁺(aq)  →  2Mn²⁺(aq) + 10CO₂(g) +  8H₂O(l)

• K₂CrO₄ இற்கு அமில ஊடகத்தில் KMnO₄ சேர்க்கும் போது விளைவாக பெறப்படும் Mn²⁺ ஒரு சுய ஊக்கியாகத் தொழிற்படும்.

ஊக்கல் நச்சூட்டல் 

• இரசாயனத் தாக்கங்களில் சில பதார்த்தங்களால் ஊக்கியின் செயற்திறன் குறைவடையும் / செயற்திறன் முற்றாக இல்லாது போகும். இது ‘ ஊக்கல் நச்சூட்டல் ‘ எனப்படும்.

ஊக்கல்  நிலைமாற்றிகள் 

• வாகன எரிபொருள் தகனத்தின் போது வெளியாகும் வளியில் CO(g) , NO(g), NO₂(g) போன்றவையும் எரியாத ஐதரோகாபனும் வெளியேறும்.
• இவை சூழல் மாசுறுத்திகளாகும்.
• இதனை தவிர்க்கும் பொருட்டு வாகன  புகைபோக்கியின் உள்ளே ஊக்கல் நிலைமாற்றிகள் பொருத்தப்படும்.
• இதற்கான முதலாவது அறையில் Pt – Rh வலை காணப்படும். இது NO(g),  NO₂(g) வாயுக்களை N₂(g) வாயுவாக தாழ்த்தும்.
• மிகுதி வாயுக்கள் இரண்டாம் அறையினுள் செல்லும்போது CuO / Cu₂O₃ காணப்படும். அது  CO(g) ஐ   CO₂(g)  ஆகவும் ஐதரோகாபனை   CO₂(g),  H₂O(g) ஆகவும் ஒட்சியேற்றும்.