• உலோகங்கள் வளி தொடர்பாக உள்ள போது eⁿ களை இழந்து உலோக அயன்களாக மாறுதல் “உலோக அரிப்பு” எனப்படும்.
• இரும்பு துருப்பிடித்தல் ஒரு உலோக அரிப்பாகும். இரும்பு வளி தொடர்பாக உள்ளபோது அரிக்கப்படுதல் துருப் பிடித்தல் எனப்படும்.
• துரு என்பது கபில நிறமான நீரெறிய பெரிக் ஒக்சைட்டு ஆகும்.

இரும்பு துருப்பிடித்தலின் போது நடைபெறும் தாக்கங்கள்

Fe(s) →  Fe²⁺(aq) + 2e
O₂(g) + 2H₂O(l) + 4e  →  4OH^–(aq)
Fe²⁺(aq) + 2OH^–(aq) → Fe(OH)₂(s)
4Fe(OH)₂(s) + O₂(g) + 2H₂O(l) →  4Fe (OH)₃(s)
2Fe(OH)₃(s) → Fe₂O₃ . 3H₂O  (துரு)

• துருப்பிடித்தலை தூண்டும் காரணிகள் :
  • ஒட்சிசன் (O₂)
  • நீர் (H₂O)
• துருப்பிடித்தலை தூண்டும் காரணிகள் :
  • அமில, நடுநிலை உப்புக்கள்
  • அமிலங்கள், அமில வாயுக்கள்.
  • தகைப்பு
• துருப்பிடித்தலை குறைக்கும் காரணிகள் :
  • காரங்கள்
  • கார வாயு – NH₃(g)
  • கார உப்புக்கள் – Na₂CO₃
  • கல்வனைசுப்படுத்தல்
  • கதோட்டு பாதுகாப்பு
  • நிறப்பூச்சி, எண்ணெய், க்ரீஸ் பூசுதல்
  • கலப்புலோகமாக்குதல் – கரையில் உருக்கு

ஒட்சிசன் செறிவு வேறுபாடும் இரும்பின் அரிப்பும்

• துலக்கப்பட்ட  இரும்புக் கோலின் மேல் ஒரு துளி  நீரையும் சில துளிகள்  NaCl ஐயும் இடுக.
• காட்டியாக  K₃[Fe(CN)₆], பினோப்தலீன் என்பவற்றை  சேர்க்குக.

• ஒட்சிசன் செறிவு கூடிய இடம் கதோட்டாகவும், ஒட்சிசன் செறிவு குறைந்த இடம் அனோட்டாகவும் தொழிற்படும்.
• கதோட்டில் OH^– உருவாவதனால் மென்சிவப்பு நிறம் தோன்றும்.
• அனோட்டில் Fe²⁺ உருவாவதனால் நீலநிறம் தோன்றும்.
• அனோட்டு தாக்கம் : Fe(s) → Fe²⁺(aq) + 2e
• கதோட்டு தாக்கம் : O₂(g) + 2H₂O(l) + 4e →  4OH^–(aq)

கதோட்டுப் பாதுகாப்பு

• உலோகமொன்றினை மின்னிரசாயனக்கலமொன்றின் கதோட்டாக மாற்றுவதன் மூலம் அதனை அரிப்பிலிருந்து பாதுகாக்கும் முறையே கதோட்டுப் பாதுகாப்பு  எனப்படும்.
• பாதுகாக்க வேண்டிய உலோகத்தை மின்னிரசாயனக் கலத்தின் அனோட்டாகத் தொழிற்படுகின்ற, மேலும் கூடுதலான தாக்கமுடைய (இலகுவாக அரிப்புக்கு உள்ளாகத்தக்க) உலோகமொன்றுடன் தொடுகையடையுமாறு வைப்பதன் மூலமே இது நடத்தப்படும்.
• பெரும்பாலும் உருக்கு நீர்க்குழாய்கள், எரிபொருள் குழாய்கள், களஞ்சியத் தொட்டிகள், சாக்கு மேடைகளிலுள்ள உருக்குப் பாலங்கள், கப்பல்கள், கடலில் இருந்து எண்ணெய் பெறும் இடங்களில் அமைக்கப்பட்டுள்ள மேடைகள், தரையில் அமைந்துள்ள எண்ணெய் கிணறுகள் போன்றவற்றில் கதோட்டுப் பாதுகாப்புத் தொகுதி பயன்படுத்தப்படும்.

கல்வனைசுப்படுத்தல்

• Fe க்கு  Zn  ஐ  பூசுவதன்  மூலம்  இரும்பை  அரிப்பிலிருந்து பாதுகாத்தல் கல்வனைசுப்படுத்தல் எனப்படும்.
• உருகிய  Zn ஐ  கொண்ட  தொட்டியினுள்  Fe தகடுகளை செலுத்துவதன் மூலம் இருப்பின் மேற்பரப்பில் Zn பூசப்படும்.
• இரும்பின் மேல் உருவாகும்  Zn படலம்  வளியினால் ஒட்சியேற்றப்பட்டு  ZnO படலத்தை  தோற்றுவிக்கும்.
• இப்படலம் Zn, Fe இரண்டையும் அரிப்பிலிருந்து பாதுகாக்கும்.
• Sn பூசப்பட்ட இரும்பில், Fe உலோகத்தை Sn  இனால் முற்றாக முலாமிடும் போது Fe க்கும் சூழலுக்கும் இடையிலுள்ள தொடுகை துண்டிக்கப்படுவதால் Fe அரிப்புக்குள்ளாகாது. இங்கு Fe அனோட்டாக இருந்தும் பாதுகாக்கப்படுகின்றது.
• ஆனால் Sn  மேற்பரப்பில்  கீறல்கள்  ஏற்பட்டு  Fe வெளித்தெரியுமாயின்  Fe  அரிப்படைந்து  Sn பாதுகாக்கப்படும்.

தகைப்பு

• இரும்பு  ஆணியொன்று  தகைப்பிற்கு  உட்படும்  போது ஆணியின் கூர்பகுதியும், தலைப்பகுதியும் அரிப்புக்குட்படுவதுடன் அனோட்டாக தொழிற்படும்.
• ஆணியின் உடல்பகுதி கதோட்டாக தொழிற்படும்.
• ஏனெனில் இரும்பாணியை தயாரிக்கும் போது  அதிகளவு தகைப்புக்குள்ளாவது  தலைப்பகுதியும்  கூர்பகுதியுமாகும்.

இங்கு A, C  என்பன அனோட்டு. B  கதோட்டு.

• அனோட்டில்  நீலநிறம்  தோன்றும்.
• கதோட்டில்  மென்சிவப்பு  நிறம்  தோன்றும்.

உயிர்ப்பற்ற  தாக்கம்  

• இரசாயன முறைகள் மூலம் உலோக மேற்பரப்பை இரசாயன  ரீதியில்  உயிர்ப்பற்ற  நிலையை  அடையச் செய்வதன் மூலம் அவ்வுலோகத்தைப் பாதுகாத்தலானது உயிர்ப்பற்றதாக்கம் (Passivation) எனப்படும்.
• இங்கு உலோகத்தின் மீது அது மேலும் அரிப்படைவது தவிர்க்கப்படும் வகையில் வலிமையான உயிர்ப்பற்ற மேற்பரப்பு  படலமொன்று தானாகவே தோன்றச்செய்யப்படும்.
• பொதுவாக  இது  ஒரு சில மூலக்கூறுகள் அளவு தடிப்படைந்த  ஒட்சைட்டு அல்லது  நைத்திரைட்டுப் படலமாகும்.
• மேற்பரப்பிலுள்ள பிறபொருள்கள் நீக்கப்பட்டு பாதுகாப்பு ஒட்சைட்டுப் படலமொன்று அதன் மீது படியச்செய்யப்படும்.
• கறையில் உருக்கை உயிர்ப்பற்றதாக்குவதற்காக நைத்திரிக் அமிலத்தைப் பயன்படுத்தலாம்.
• புளோரீன்  தொடர்பான  செயல்களுக்காக  நிக்கல் உலோகத்தைப் பயன்படுத்தலாம். இங்கு கிடைக்கும் நிக்கல் புளோரைட்டுப் படலம் காரணமாக உலோகம் உயிர்ப்பற்ற நிலையை அடையும்.

• விழுமிய  உலோகமொன்றுடன்  அல்லது  உலோகம் அல்லாத கடத்தியொன்றுடன் (கதோட்டு) உள்ளபோது ஏற்படும் மின்தொடுகையின் (பௌதிக தொடுகை உட்பட) விளைவாக  மின்பகுபொருளொன்றில்  உலோகம் வேகமாக அரிப்படைதல் ஆகும். அதாவது, வேறுபட்ட இரண்டு உலோகங்கள் நேரடியாகவோ / மின்கடத்தி ஒன்றின் மூலமாகவோ அரிப்புக்குரிய சூழலில் தொடுகையில் உள்ள போது அரிப்படைதல் கல்வானி அரிப்பு எனப்படும்.
• கதோட்டுப் பாதுகாப்பு விளைவு காரணமாக சோடியில் குறைந்த அரிப்பு எதிர்ப்புடைய அதாவது உயிர்ப்பான உலோகம் அதிக அளவிலும், அதிக அரிப்பு எதிர்ப்புடைய அதாவது  விழுமிய  உலோகம்  குறைந்த  அளவிலும் அரிப்புக்கு உள்ளாகும்.
• உலோகச் சோடி தொடுகையுறும் சந்தியிலேயே அதிக சேதம் ஏற்படும்.
• ஈருலோக சந்தியிலிருந்து அப்பாற் செல்லும் போதும் அரிப்பின் வீதம் குறைவடையும்.
• கல்வானி அரிப்பை பாதிக்கும் காரணிகள் :
  • தொடுகையுறும் உலோகங்களின் தன்மை.
  • ஊடகத்தின் கடத்துதிறன்.
    • ஊடகத்தின் கடத்துதிறன் கூடும்போது அரிப்படையும் வீதம் கூடும்.
  • உலோகக்கோல்கள் தொடுகையுறும் மேற்பரப்பினளவு
    • உலோகக்கோல்கள் தொடுகையுறும் மேற்பரப்பினளவு கூடவாகவும் அழுத்தமற்றதாகவும் காணப்படும் போது அரிப்படையும் வீதம் கூடும்.

• மின்னிரசாயனத் தொடரின்  மேலுள்ள மூலகங்கள் அவற்றின்  உருகிய குளோரைட்டுக்களை  மின்பகுப்பு செய்வதன்  மூலம் பிரித்தெடுக்கப்படும்.
  (உ-ம்) : Al,  உருகிய  Al₂O₃ ஐ  மின்பகுப்பு  செய்வதன் மூலம் பிரித்தெடுக்கப்படும்.
• மின்னிரசாயனத் தொடரில் மத்தியிலுள்ள மூலகங்கள் உயர் வெப்பநிலையில் அவற்றின் ஒட்சைட்டுகளை காபனினால் தாழ்த்துவதன் மூலம் பிரித்தெடுக்கப்படும்.
• மின்னிரசாயனத் தொடரில் கீழுள்ள மூலகங்கள் KCN / NaCN இனால்  பிரித்தெடுக்கப்பட்டு  Zn இனால் தாழ்த்துவதன் மூலம் பெறப்படும்.
  (உ-ம்) Ag, Au போன்ற உலோகங்கள்.