• பாத்திரமொன்றினுள்  தூயதிரவம் காணப்படும்போது திரவ அவத்தையில் அசைந்து திரியும் மூலக்கூறுகள்  திரவமேற்பரப்புக்கு வரும்போது  இயக்கச் சக்தியானது நிலைச்சக்தியான மூலக்கூற்றிடை கவர்ச்சி விசையை  விஞ்சக்கூடியதாக  இருப்பின்  திரவ மேற்பரப்பை விட்டு வெளியேறும்.  இது ‘ ஆவியாதல்’ எனப்படும்.
• ஆரம்பத்தில் ஆவியாதல் வீதம் உயர்வாகக் இருக்கும். நேரத்துடன் அது குறைந்து செல்லும்.
• ஆவிமூலக்கூறுகள்  பாத்திரத்தின் சுவருடனும் தமக்குள்ளும் மோதுவதால் சக்தியை இழக்கும். எனவே அவை மீண்டும் திரவ நிலைக்கு மீளும். இது ‘ ஒடுங்கல் ‘ எனப்படும்.
• ஆரம்பத்தில் ஒழுங்கல் வீதம் தாழ்வாகக் இருக்கும். நேரத்துடன் இது அதிகரித்துச் செல்லும்
• ஒரு நிலையில் ஆவியாதல் வீதமும் ஒடுங்கல் வீதமும் சமனாகக் காணப்படும். இதுவோர் இயக்கச் சமநிலையாகும். இச்சமநிலை குறித்தவொரு பதார்த்தத்தின் வெவ்வேறு பௌதீக அவத்தையில் இடம்பெறுவதால் அவத்தைச் சமநிலை எனப்படும்.
• அவத்தைச் சமநிலையில் ஆவிமூலக்கூறுகளால் திரவமேற்பரப்பில் உஞற்றப்படும் அமுக்கம் அவ்வெப்பநிலையில் அத்திரவத்தின் ‘ நிரம்பலாவி அமுக்கம் ‘ எனப்படும்.
  நிரம்பலாவி அமுக்கம் வெளி அமுக்கத்திற்குச் சமனாகும் போது திரவம் கொதிக்கும்.
  வெளி அமுக்கத்தை அதிகரிக்கும்போது திரவத்தின் கொதிநிலை அதிகரிக்கும். வெளி அமுக்கத்தை குழைக்கும்போது திரவகொதிநிலை குறையும்.

• இரண்டு ஆவிப்பறப்புடைய திரவங்களின் துவிதக் கரைசலில் ஆவியில் இருகூறுகளினதும் ஆவி காணப்படும்.
• இக்கூறுகளின் ஆவியினால் திரவ அவத்தையில் உஞற்றப்படும் அமுக்கம், அக்கூறுகளின் ‘ பகுதி ஆவி அமுக்கம் ‘ எனப்படும்.
• பகுதி ஆவி அமுக்கம் நிரம்பலாவி அமுக்கத்திலும் பார்க்க குறைவாகக் காணப்படும்.

• குறித்த வெப்பநிலையில் துவித இலட்சிய கரைசல் ஒன்று அதன் ஆவியுடன் சமநிலையில் உள்ளபோது கூறு ஒன்றின் ஆவி அமுக்க சார்பிறக்கம் திரவ அவத்தையில் மற்றைய கூறின் மூல்பின்னத்திற்குச் சமனாகும்.

• துவித இலட்சிய கரைசல் ஒன்று ஆவியுடன் சமனிலையில் உள்ள போது கூறு ஒன்றின் பகுதி ஆவி அமுக்கம் திரவ அவத்தையில் அக்கூறின் மூல்பின்னத்திற்கு நேர்விகித சமனாகும்.
  PA α xA

துவித கரைசல் ஒன்று எந்தவொரு அமைப்பிலும் இரவோற்றின் விதிக்கு முற்றாக இசைந்து நடக்குமாயின்  இலட்சியகரைசல்  எனப்படும்.

இலட்சிய கரைசல்களின் இயல்புகள் 

• தூயநிலையில் ஒவ்வொரு கூறுகளினதும் மூலக்கூறுகளுக்கிடையேயான கவர்ச்சி விசை, கரைசலின் இரண்டு மூலக்கூறுகளுக்கிடையிலான கவர்ச்சி விசைக்கு சமனாகக் காணப்படும்.
  FA – A = FB – B = EA – B
• இலட்சிய கரைசல் ஆக்கத்தின் போது வெப்ப உள்ளுறை மாற்றம் நிகழாது.
  ΔHmix = o
• இலட்சிய கரைசல் ஆக்கத்தில் கனவளவு மாற்றம் நிகழாது.
  ΔVmix = o
• இலட்சிய கரைசல்களின் பௌதீக, இரசாயன இயல்புகள் பெருமளவில் ஒத்ததாகக் காணப்படும்.
  உதாரணம் :
• H₂O & D₂O
• CH₂CH₂OH & CH₃OH
• n Hexane &  n Heptane

இலட்சிய கரைசல் ஒன்றின் ஆவிஅமுக்க வரைபு 

இலட்சிய கரைசல் ஒன்றின் கொதிநிலை வரைபு

•  கொதிநிலை அமைப்பு வரைபில் எப்பொழுதும் திரவ அமைப்பு வரைபுக்கு மேலே ஆவி அவத்தை வரைபு காணப்படும்.

• ஒன்றையொன்று கலக்கும் திரவங்களை தூய கூறுகளாக பிரிக்க பகுதிபடக் காய்ச்சி வடித்தல் பயன்படும்.

• ஓர் இலட்சிய கரைசல் L எனும் அமைப்பை உடையது எனில் இதனை கொதிக்க வைக்கும்போது T வெப்பநிலையில் கொதிக்கும்.
• T1 கொதிநிலையில், திரவத்துடன் சமநிலையில் இருக்கும்.
• ஆவியை ஒடுக்கும்போது அது M அமைப்பை கொண்டிருக்கும்.
• இதனை மீண்டும் கொதிக்க வைக்கும்போது T2 வெப்பநிலையில் கொதிக்கும். இங்கு ஆவியின் அமைப்பு  N ஆக இருக்கும்.
• இச்செயற்பாட்டை தொடர்ந்து மேற்கொள்ளும்போது இறுதியில் ஆவியின் தூய A பெறப்படும். இது  பகுதிபடக் காய்ச்சி வடித்தல் எனப்படும்.
• இவ்வாறு A முழுவதையும் கலவையில் இருந்து முற்றாக பிரித்தெடுப்பதற்கு காய்ச்சி வடித்தலை தொடர்ச்சியாக மேற்கொள்ள வேண்டும். இதற்கு பகுதிபடுத்தும் நிரல் பயன்படும்.
• காய்ச்சி வடிப்பு தொடர்ந்து நிகழும்போது வெப்பமானி, A யின் கொதிநிலையைக் காட்டும்.
• A முழுவதும் வேறாக்கியவுடன் வெப்பமானியின் வாசிப்பு உயரும். உடனே காய்ச்சி வடிப்பைநிறுத்த வேண்டும். குடுவையில் மீதியாக B விடப்படும்.

• இரவோற்றின் விதியிலிரந்து விலகிச் செல்லும் கரைசல்கள் விலகல் கரைசல் எனப்படும்.
• விலகல் கரைசல் 2 வகைப்படும்.
  • எதிர் விலகல் கரைசல்
  • நேர் விலகல் கரைசல்

எதிர் விலகல் கரைசல்

• துவித கரைசல் ஒன்றின் ஆவியமுக்கம் இரவோற்றின் விதியால் கணிக்கப்பட்ட ஆவி அமுக்கத்திலும் குறைவாக இருப்பின் அது எதிர் விலகல் கரைசல் எனப்படும்.
  எதிர் விலகல் கரைசலில் தூய கூறுகளின்
• மூலக்கூற்றிடையேயான கவர்ச்சி விசையிலும் பார்க்க கரைசலில் இரு கூறுகளினது மூலக் கூறுகளுக்கிடையிலான கவர்ச்சி விசை அதிகம்.        A – A, B – B < A – B
• எதிர் விலகல் கரைசலாக்கத்தின் போது நலிவான மூலக்கூற்றிடை கவர்ச்சிவிசை உடையும். அதே நேரம் வலிமையான மூலக்கூற்றிடை கவர்ச்சி விசை உருவாகும்.
  இதனால் வெப்பம் வெளிவிடப்படும். (புறவெப்பத்தாக்கம்)
• எதிர்விலகல் கரைசலாக்கத்தின் போது மூலக்கூறுகளுக்கிடையிலான கவர்ச்சி விசை உயர்வானது. எனவே கனவளவு குறைவு ஏற்படும்.
• உதாரணம் :
  • HNO₃ / H₂O
  • H₂SO₄ / H₂O
  • HCl / H₂O

எதிர்விலகல் கரைசலின் ஆவியமுக்க அமைப்பு வரைபு  

எதிர்விலகல் கரைசலின் கொதிநிலை அமைப்பு வரைபு  

• L எனும் அமைப்புடைய உயர் எதிர்விலகலைக் காட்டும் கரைசல் ஒன்றை பதிகுபட காய்ச்சி வடிக்கும் போது வடிதிரவத்தில் தூய A  பெறப்படும்.
• அதேநேரம் குடுவையில் B யின் அமைப்பு அதிகரித்துச் சென்று அமைப்பு N ஐ அடையும்.
• இங்கு திரவ அமைப்பும், ஆவி அமைப்பும் ஒத்ததாக இருக்கும். எனவே காய்ச்சி வடிப்பை தொடரமுடியாது. இவ்வாறான அமைப்பை உடைய கலவை உயர் கொதிநிலையையுடைய மாறா கொதிநிலைக் கலவை எனப்படும்.
• M எனும் அமைப்பை உடைய கலவையை பகுதிபட காய்ச்சி வடிக்கும் போது வடிதிரவத்தில் தூய B யும் மிகுதியாகக் குடுவையில், N அமைப்பை உடைய மாறா கொதிநிலைக் கலவையும் பெறப்படும்.

நேர்விலகல் கரைசல் 

• துவித கரைசல் ஒன்றின் ஆவிஅமுக்கம் இரவோற்றின் விதியால் கணிக்கப்பட்ட ஆவி அமுக்கத்திலும் உயர்வாக இருப்பின் அது நேர்விலகல் கரைசல் எனப்படும்.
• தூயகூறுகளின் மூலக்கூறுகளுக்கு இடையிலான கவர்ச்சி விசையிலும் பார்க்க கரைசலில் அவ்விரு கூறுகளின் மூலக் கூறுகளுக்கிடையில் கவர்ச்சி விசையானது தாழ்வாகக் காணப்படும்.  A – A,  B – B >  A – B
• உதாரணம் :
  • CH₃COCH₃  &  CS₂
  • CH₃CH₂OH  &  H₂O
  • C₂H₅NH₂  &  H₂O
• நேர்விலகல் கரைசலாக்கத்தின் போது வலிமையான தூய கூறுகளில் மூலக்கூற்றிடை கவர்ச்சிவிசை உடையும். அதேநேரம் வலிமை குறைந்த மூலக்கூறுகளுக்கு இடையேயான மூலக்கூற்றிடை கவர்ச்சிவிசை உருவாவதால் வெப்பம் உறிஞ்சப்படும். அதாவது நேர்விலகல் கரைசலாக்கம் அகவெப்பத்திற்குரியது.
• நேர்விலகல் கரைசலாக்கத்தின் போது உருவாகும் மூலக்கூற்றிடை கவர்ச்சி விசை நலிவானது. இதனால் கரைசலின் கனவளவு அதிகரிக்கும்.

நேர்விலகல் கரைசலின் ஆவியமுக்க அமைப்பு வரைபு                     

நேர்விலகல் கரைசலின் கொதிநிலை அமைப்பு வரைபு

• L எனும் அமைப்பை உடைய உயர் நேர்விலகல் கரைசல் ஒன்றை தொடர்ச்சியாக  பகுதிபட காய்ச்சி வடிக்கும்போது ஆவியில் (வடிதிரவத்தில்)  M எனும் அமைப்பை உடைய மாறாக் கொதிநிலைக் கலவை பெறப்படும்.
• குடுவையில் A யின் அமைப்பு உயர்ந்து சென்று இறுதியாக தூய A மிகுதியாக விடப்படும்.

குறித்த வெப்பநிலையில் ஒன்றுடன் ஒன்று கலவாத திரவ கரைப்பான்களில் கரையம் ஒன்று கரைந்து இயக்க சமநிலையில் உள்ளபோது இருபடைகளிலும் கரையம் ஒரே மூலக்கூற்று நிபந்தனையில் இருக்குமாயின், அவ்விருபடைகளிலும் இக்கரையத்தின் செறிவுகளின் விகிதம் மாறிலி ஆகும். இது பங்கீட்டுக் குணகம் / பரவல் குணகம் (K_D) எனப்படும்.

பங்கீட்டுக் குணகம் – K_D

• பங்கீட்டுக் குணகம் என்பது கரையமொன்று ஒன்றுடனொன்று கலக்காத இரண்டு திரவங்களுக்கு இடையில் பரம்பியிருப்பதற்கான சமநிலை மாறிலியாகும்.
• ஒன்று கலங்காத இரண்டு திரவங்களை குலுக்கும் போது தற்காலிகமாக கலக்கின்றதாயினும், இறுதியில் அடர்த்தி கூடிய திரவம் கீழேயும் அடர்த்தி குறைந்த திரவம் மேலேயும் அமையுமாறு பிரியும்.
• மாறா வெப்பநிலையில் ஒன்றுடனொன்று கலக்காத இரண்டு கரைப்பான்களுக்கு இடையே கரையமொன்று பரம்பி சமநிலையை அடைந்துள்ள போது கரைப்பான்களிரண்டும் இடையே கரையத்தின் செறிவுகளின் விகிதம் ஒரு மாறிலி ஆகும்.

பங்கீட்டு விதியின் கட்டுப்பாடுகள்

• வெப்பநிலை மாறிலியாக பேணப்பட வேண்டும்.
• கரைப்பான்கள் ஒன்றுடன் ஒன்று கலக்கும் தகவு அற்றதாகவும் தாக்கமுறாததாகவும் இருக்க வேண்டும்.
• சமநிலை அடைந்த பின்னரே சமநிலைச் செறிவுகளை துணியவேண்டும்.
• இருபடைகளிலும் கரையச் செறிவு தாழ்வாக இருத்தல் வேண்டும்.
• எந்தவொரு படையிலும் கரைப்பான் நிரம்பலடைய கூடாது.
• இருகரைப்பானிலும் கரைய மூலக்கூறு ஒத்த மூலக்கூற்று நிபந்தனையில் இருக்க வேண்டும்.
• கரையம் இணைக்கமோ / கூட்டற்பிரிகையோ அடையக்கூடாது.