சூழலமைப்பு

வளிமண்டலத்தின் அமைப்பு

கூறு	கனவளவு
N2	78.08%
O2	20.99%
Ar	0.94%
CO2	0.03%

• சிறிய அளவுகளில் Ne, He, CH₄, Kr, H₂ ஆகியனவும் மாறுபடும் சிறிய அளவுகளில் மாசாக்கிகள் NH₃, SO₂, CO, NO₂, O₃ , H₂S  போன்றவையும் காணப்படும். வளிமண்டலத்தில் 4% வரையில் காணப்படும் நீராவி எங்கும் சீராக வியாபித்திருப்பதில்லை (நேரத்துக்கு நேரம் மாறுபடலாம்). ஆனால் சமுத்திரங்களுக்கு அண்மையிலும் , நீர்நிலைகளுக்கு அண்மையிலும் செறிவுற்றிருக்கும்.
• வளிமண்டலத்தில் N₂  இன் அளவு உயர்வானது. ஏனெனில் அதில் காணப்படும் வன்மையான N≡N பிணைப்பினால் அவை சடத்துவத் தன்மை உடையதாக உள்ளது.O₂ இன் தாக்குதிறன் N₂ வை விட உயர்வு.
• O₂ உள்ளதால் வளிமண்டலம் உயிர்ப்பானதாகக் காணப்படுவதோடு உயிரினங்கள் நிலைத்திருக்கவும் உதவும்.
• H₂O ,CO₂ என்பன ஒளித்தொகுப்பின் பிரதான மூலப்பொருள்களாகும்.

நீர் கோளத்தின் அமைப்பு

• புவியின் 70% மேற்பரப்பு நீரினால் மூடப்பட்டுள்ளது.

மூலகங்களின் அமைப்பு

மூலகம்	புவி ஓட்டின் % அமைப்பு	முழு பூமியின் % அமைப்பு
ஒட்சிசன் (O)	46.71 %	29.3 %
சிலிக்கன் (Si)	27.60 %	14.9 %
அலுமினியம் (Al)	8.07 %	2.4%
இரும்பு (Fe)	5.05 %	36.9 %
கல்சியம் (Ca)	3.65 %	3.0%
சோடியம் (Na)	2.75 %	0.6 %
பொற்றாசியம் (K)	2.58 %	–
மக்னீசியம் (Mg)	2.08 %	7.4 %
ஏனையவை	1.14 %	1.0 %

காபன் வட்டம்

• காபனானது சூழற்தொகுதியை சென்றடைவதற்கு ஒரேயொரு வழி ஒளித்தொகுப்பாகும்.
• விலங்குகள் அவற்றின் உணவின் மூலமே காபனை உள்ளெடுக்கும்.
• பிரிகையாக்கிகள் இறந்த உயிரினங்களை (உக்கல்களை) சமிபாடடையச் செய்வதன் மூலம் பெறுகின்றன.
• எல்லா உயிரினங்களும் காபனை வளிக்கு காபனீரொட்சைட்டு வடிவத்தில் சுவாசத்தின் மூலம் கொடுக்கின்றன.
• பிரிகையாக்கிகள் இல்லாத இடங்களில் தாவரங்களோ அல்லது விலங்குகளோ இறக்கும் போது (உ-ம் ஆழமான சமுத்திரம்) அவற்றில் காணப்படும் காபன் மில்லியன் ஆண்டுகளுக்கு பின் உயிர்சுவட்டு எரிபொருளாக மாறுகின்றது.
• உயிர்சுவட்டு எரிபொருட்கள் எரிக்கப்படும்பொழுது அவற்றிலிருந்து காபன் வெளிவிடப்படுகின்றது.
• நுண்ணுயிர்கள் இவ்வட்டத்தில் முக்கிய பங்கு வகிக்கின்றன. ஏனெனில் அவை விரைவாக இறந்தழிந்த பதார்த்தங்களிலிருந்து காபன் வளிமண்டலத்தை அடைவதற்கு வழிவகுக்கின்றன.

ஒட்சிசன் வட்டம்

• வளிமண்டல ஒட்சிசன் எரிதல் (இரசாயன / உயிரியல்) , சுவாசம் ஆகியவற்றால் வளியிலிருந்து அகற்றப்படுகின்றது.
• ஒளித்தொகுப்பின் போது CO₂ உபயோகிக்கப்பட்டு O₂ வளிக்கு சேர்க்கப்படுகின்றது.
• பெரும்பாலான ஒட்சிசன் புவி ஓட்டின் மென்மூடியில் ஒட்சைட்டுக் கனியங்களாக சேகரிக்கப்பட்டுள்ள அதேவேளை பாறைகளுடன் பிணைந்துள்ளதாய் பாவனைக்கு உகந்ததாகக் காணப்படுவதில்லை.
• பெரும்பாலான ஒட்சிசன் ஒளித்தொகுப்பின் மூலம் கிடைக்கப் பெறுவதுடன் சிறிதளவு ஒட்சிசனானது சூரியஒளி , நீரை பகுப்படையச் செய்வதனால் வளிமண்டலத்தில் உருவாக்கப்படுகின்றது.

 நைதரசன் வட்டம்

 

• வளிமண்டல நைதரசன் பக்றீரியாக்களால் பதிக்கப்படுகின்றது.சில பக்றீரியாக்கள் சுயாதீனமாக மண்ணினுள் வசிக்கின்றன. (உதாரணம் : அசற்றோபக்ரர்) றைசோபியம் (Rhizobium) அவரைக் குடும்பத் தாவரங்களின்(leguminous plants) வேர்க்கணுக்களில் காணப்படுகின்றன.
• வளிமண்டல நைதரசன் முதலில் அமோனியாவாக மாற்றப்படும்.
• பின் முறையே நைத்திரைற்று நைத்திரேற்றாக மாற்றப்படுகின்றன. தாவரங்களால் NO_3¯ அகத்துறிஞ்சப்பட்டு , புரதம் தயாரிப்பதற்கு பயன்படுத்தப்படுகின்றது.
• தாவரப் புரதத்திலுள்ள நைதரசன் விலங்குகளுக்கு உணவுச் சங்கிலியினூடாக கடத்தப்படுகின்றது.
• உயிரினங்கள் இறக்கும் பொழுது நைதரசன் மண்ணுக்குள் விடப்படும். நுண்ணுயிர்களின் தொழிற்பாட்டால் , அமோனியம் சேர்வைகளாக மீள விடப்படுகின்றது. விலங்குகளில் மேலதிக அமைனோ அமிலம் ஈரலில் அமீனகற்றப்பட்டு யூரியா, யூரிக்கமிலம் போன்ற பதார்த்தங்களாக மாற்றப்பட்டு கழிவகற்றலின் போது மண்ணுக்குள் விடப்படுகின்றது.
• நைதரசனேற்றும் பற்றீரியாக்களால் அமோனியம் சேர்வைகள் நைத்திரேற்றுக்களாக மாற்றப்படுகின்றன. நைத்திரோசோமானஸ் பக்றீரியாக்களால் அமோனியம் சேர்வைகள் முதலில் நைத்திறைற்றுக்களாக மாற்றப்பட்டு பின் நைத்திரோபக்ரரால் நைத்திரேற்றாக மாற்றப்படும்.
• நைதரசனிறக்கும் பக்றீரியாக்களால் நைத்திரேற்றுக்கள் வளிமண்டல நைதரசனாக மாற்றப்படுகிறது. உதாரணம் :-  சூடோமோனஸ் , தயோபசிலசு.

நீர் வட்டம்

• வளிமண்டலத்தினதும் நீர் மண்டலத்தினதும் பூமியின் மேற்பரப்பினதும் , சிறப்பு அமைப்பு புவி நிலைபேறடைவதற்கான சூழற் சமநிலைக்கு அவசியம் இச்சமநிலை பாதிக்கப்பட்டால் பின்வரும் பிரச்சினைகள் உருவாகும்.

1. மனிதனின் உடல் நலத்தைப் பாதிக்கும் விளைவுகள்.
2. தாவரங்கள் பாதிக்கப்படல். அதனால் வளர்ச்சி தடைப்படல்.
3. சுண்ணாம்பு கட்டடங்கள் , உலோகக் கட்டமைப்புகள் பழுதடைதல்.
4. உவர்திறன் / காரத்திறன் அதிகரித்தல்.
5. பாறைகள் சிதைவடைதல்.
6. காலநிலை மாற்றங்கள் (வறட்சி / வெள்ளப்பெருக்கு உண்டாதல்)