வெப்பக் கடத்தல்
உறுதி நிலையில்,  

dQ/dt – வெப்பப் பாய்ச்சல் வீதம்
A- சூழலுக்கு வெளிக்காட்டப்படும் பரப்பு
K – பதார்த்தத்தின் தன்மையில் தங்கியுள்ள மாறிலி
(வெப்பக் கடத்தாறு)
(θ1 – θ2 /x) – வெப்பநிலைப் படித்திறன்.

வெப்பக் கடத்தாறு (K)

• உறுதி நிலையில் ஒரு கோலின் ஓரலகுப் பரப்பிற்கு குறுக்கே ஒரு செக்கனில் அக்கோலில் ஓரலகு வெப்பப் படித்திறன் நிலவும் போது செல்லும் வெப்பம் வெப்பக் கடத்தாறு எனப்படும்.
• அலகு : Wm¯¹K¯¹

பரிசோதனை : எளிய வெப்பக் கடத்தியொன்றின் வெப்ப கடத்துதிறனை துணியும் பரிசோதனை (சேளின் முறை)

வெப்ப இயக்கவியல்

அகச் சக்தி

• பதார்த்தமொன்றின் அகச்சக்தி என்பது, அதன் மூலக்கூறுகளின் இயக்க சக்தியினதும், அழுத்த சக்தியினதும் கூட்டுத்தொகை ஆகும்.
• இலட்சிய வாயு ஒன்றைக் கருதினால், அழுத்த சக்தி பூச்சியமாகும். ஆகவே, அகச் சக்தி என்பது தனியே இயக்க சக்தி ஆகும்.

வாயுவொன்று விரியும் போது செய்யப்படும் வேலை

dW = P ×ΔV
ΔV – கனவளவு அதிகரிப்பு
P – வாயுவின் அமுக்கம்

வெப்ப இயக்கவியலின் முதலாம் விதி

• தொகுதி ஒன்றுக்கு வெப்பசக்தியை வழங்கும் போது, அவ் வெப்ப சக்தியானது அதன், அகச் சக்தியை அதிகரிப்பதற்கும் விரியும் போது வெளி விசைகளுக்கு எதிராக வேலை செய்வதற்கும் பயன்படும்.

ΔQ = ΔU + ΔW
ΔQ – வாயுத் தொகுதிக்கு வழங்கப்பட்ட வெப்பசக்தி
ΔU  – அகச்சக்தி அதிகரிப்பு
ΔW – வாயு விரியும் போது வெளி விசைகளுக்கு எதிராக வாயுவால் செய்யப்பட்ட வேலை.

சமவெப்ப மாற்றம்

• வாயுத் தொகுதியொன்று செயன்முறை ஒன்றுக்கு உட்படும் போது, மாறா வெப்பநிலையில் அம்மாற்றம் நடைபெறுமாயின், அது சமவெப்பமாற்றம் ஆகும்.
• வெப்பநிலை மாறிலி ஆகையால்,  ΔU = 0
  ஃ ΔQ = ΔW

சமவெப்ப மாற்றத்தை நிகழ்த்துவதற்கு,

• கொள்கலனின் சுவர் சிறந்த வெப்பக் கடத்தியினால் ஆக்கப்பட்டிருக்க வேண்டும்.
• சுவர் மெல்லியதாக இருக்க வேண்டும்.
• மாற்றம் மெதுவாக நிகழ்த்தப்பட வேண்டும்.

சேறலிலா மாற்றம்

• இவ்வகை மாற்றத்தின் போது, வெப்ப சக்தி உள்ளெடுக்கப்படவோ, வெளிவிடப்படவோ மாட்டாது.
  ΔQ =0
  ஃ ΔU = ΔW

சேறலிலா மாற்றத்தை நிகழ்த்தவதற்கு,

• கொள்கலன் வெப்பக் காவலிப் பதார்த்தத்தால் ஆக்கப்பட்டிருக்க வேண்டும்.
• கொள்கலனின் சுவர் தடித்ததாக இருக்க வேண்டும்.
• மாற்றம் விரைவாக நிகழ்த்தப்பட வேண்டும்.