நான்கு வருடங்களுக்கு முன்னர் திரு. பர்னாந்து, அவரது மனைவி, அவர்களது மகள் ஆகியோரின் சராசரி வயது 25 வருடங்களாக இருந்ததோடு, ஆறு வருடங்களின் முன்னர், திருமதி. பர்னாந்து அவரது மகள் ஆகியோரின் சராசரி வயது 22 வருடங்களாக இருந்தது. திரு. பர்னாந்துவின் தற்போதைய வயது என்ன?

அசித்த, 45 மாணவர்கள் உள்ள அவனது வகுப்பில் கணித பாடச் சோதனையின் சராசரிப்புள்ளி 52
எனக் கணித்தான். எனினும் சராசரிப்புள்ளியைக் கணிப்பதற்காக அசித்த பயன்படுத்திய புள்ளிகளுக்கு இடையே 81, 72, 63 ஆகிய சரியான மூன்று புள்ளிகளுக்குப் பதிலாக முறையே 18, 27, 36 என தவறான மூன்று புள்ளிகள் பதிவு செய்யப்பட்டமையை ஆசிரியர் கண்டறிந்தார். இக்கணித சோதனையின் சரியான
சராசரிப்புள்ளி எவ்வளவு?

பானவகையொன்றை தயாரிப்பதற்கு A வகைச் சாறும் B வகைச் சாறும் முறையே 4 : 3 விகிதத்தில் பாத்திரமொன்றினுள் கலக்கப்பட்டன. அப்பாத்திரத்திலிருந்து, பருகுவதற்காக 7 லீற்றர் பானம் எடுக்கப்பட்ட பின்னர், A வகைச் சாறுக்கும் B வகைச் சாறுக்கும் இடையிலான விகிதம் 4 : 5 ஆகுமாறு B வகையைச் சேர்ந்த சாறு 7 லீற்றர் அப்பாத்திரத்தில் சேர்க்கப்பட்டது. பாத்திரத்தினுள் ஆரம்பத்தில் A வகைச் சாறு எத்தனை லீற்றர் பயன்படுத்தப்பட்டது?

திருமதி. பெரேரா, மொத்த விற்பனை நிலையமொன்றிலிருந்து ஓர் இறவுக்கை ரூபாய் 375 வீதம் 120 இறவுக்கைகளைக் கொள்வனவு செய்தார். அவற்றை அவரது களஞ்சியசாலைக்கு கொண்டு செல்வதற்கு ரூ. 1200 செலவாகியது. மேலும் அயன் பண்ணுவதற்கு ஒரு இறவுக்கைக்கு ரூ. 25 ம் செலவாகியது. அத்தோடு அவற்றை பொதி செய்வதற்கு ரூ. 2400 இனைச் செலவிட நேர்ந்தது. இப்போது அவர் ஒவ்வொரு இறவுக்கையையும் 30% இலாபத்துடன் விற்பனை செய்யத் திட்டமிட்டுள்ளார் எனின், ஒரு இறவுக்கையின் விற்பனை விலை எவ்வளவாக இருத்தல் வேண்டும்?

இருவர், புகையிரதப் பாதையொன்றிற்கு சமாந்தரமான ஒரே திசையில் 2 km h−¹, 3 km h−¹ வேகங்களில் பயணித்துக்கொண்டிருந்தனர். அதே திசையில் பயணிக்கும் புகையிரத எஞ்சினானது இருவரையும் முறையே 9 செக்கனிலும் 12 செக்கனிலும் முற்றாகக் கடந்துசென்றது. இப்புகையிரத எஞ்சினின் நீளம் யாது?