புவித்தொகுதியின் மீது அல்லது உயிரின மண்டலத்தில் வாழ்ந்து கொண்டிருக்கும் சகல உயிர்களும் இவற்றின் பிறப்புரிமை பதார்த்தங்களும் இவை காணப்படும் சகல சூழற்தொகுதிகளும் உயிர்ப்பல்வகைமை எனப்படும்.

பூமியில் ஏறத்தாழ 30 மில்லியன் இனங்கள் காணப்படலாமென மதிப்பிடப்பட்டுள்ளது.

பாகுபாட்டியியலாளர்களின் கருத்தின்படி இவற்றில் 12.5 மில்லியன் நம்பகத்தன்மையானவை.

இதுவரை 1.8 மில்லியன் உயிரினங்கள் பாகுபடுத்தப்பட்டுள்ளன.

பூமியில் 1 மில்லியன் வரையில் பூச்சியினங்கள் காணப்படுகின்றன.

இவையே அதிகளவில் அடையாளப்படுத்தப்பட்டுள்ளன.

இவற்றையடுத்து பூக்குந் தாவரங்கள் அதிகளவில் அடையாளப்படுத்தப்பட்டுள்ளன. இவை 250 000 வரையில் காணப்படுகின்றன.

இவற்றினை தொடர்ந்து கிரஸ்தேஸியாக்களும் அடுத்து மொலஸ்காக்களும் பங்கசுகளும் காணப்படுகின்றன.

முள்ளந்தண்டுளிகளில் என்பு மீன்கள் அதிகளவில் காணப்படுகின்றன.

அயனமண்டல காடுகளிலேயே 50% – 90% வரையிலான இனங்கள் காணப்படுகின்றன.

இனப்பல்வகைமையை அதிகளவில் கொண்ட அயனமண்டல காடுகளாக அமேசன் காடுகளும் அடுத்து கொங்கோ காடுகளும் காணப்படுகின்றன.

நீர்ச்சூழலில் முருகைகற்பாறைகளும் கண்டல் தாவர சூழற்தொகுதிகளும் இனச்செறிவு மிக்கவை.

இனச்செறிவு குறைந்த பகுதிகளாக பாலைவனச்சூழற்தொகுதி, Tundra, சமுத்திர பாதாள வலயம் ஆகியன காணப்படுகின்றன.
இனம் என்பது…

தமக்கிடையே பல பொதுவான இயல்புகளை கொண்டதும் ஏனையவற்றிலிருந்து திட்டவட்டமாக வேறுபாடுகளை காண்பிப்பதும் இயற்கையான நிபந்தனைகளில் தமக்கிடையே இனங்கலந்து வளமான எச்சங்களை உருவாக்கக்கூடிய திறனுள்ள, பாகுபாட்டியலில் இயற்கைக்குரிய அடிப்படை மட்டமாக அமைகின்ற அங்கிக்கூட்டம் இனம் எனப்படும்.

உயிரினவியல் பாகுபாடும் பெயரீடும்  

பூமியில் காணப்படும் 30 மில்லியன் வரையிலான அங்கிகளை கற்கதென்பது இலகுவான விடயமல்ல. எனவே அங்கிகளை அவற்றின் பொதுவான இயல்புகளின் அடிப்படையில் கூட்டமாக்கி அவற்றின் இயல்புகளை கற்பதன் மூலம் அங்கிகளை கற்பதே அடிப்படை நோக்கமாகும்.
உயிரினங்களை அவை கொண்டுள்ள பொதுவான வேறுபட்ட இயல்புகளை கருத்தில் எடுத்து பொது இயல்புகளின் அடிப்படையில் ஒழுங்குபடுத்தி அவற்றை கூட்டங்களாக வகைப்படுத்தி அடையாளம் காண்கின்ற, பெயரிடுகின்ற விபரிக்கின்ற செயற்பாடு உயிரினவியல் பாகுபாடு எனப்படும்.

செயற்கை முறை பாகுபாடு

உயிரிகளை அவற்றின் வாழ்விடம், புறவுருவவியல், தொழிற்பாடு போன்ற குறைந்த எண்ணிக்கையான இயல்புகளை கருத்தில் கொண்டு மேல் எழுந்தவாரியாக உருவாக்கப்பட்ட பாகுபாடு செயற்கை முறை பாகுபாடு எனப்படும். ஒரே கூட்ட அங்கிகளிடையே ஒத்த இயல்புகளை விட வேறுபாடுகளே அதிகம் காணப்பட்டமையினால் இம்முறை தற்காலத்தில் பயன்படுத்தப்படுவதில்லை. 18ஆம் நூற்றாண்டுக்கு முன் வரை பயன்பாட்டில் இருந்தது.

இயற்கை முறை பாகுபாடு

உயிரிகளை அவற்றின் உடலமைப்பியல், உடற்தொழிலியல், பிறப்புரிமையியல், முளையவியல், உயிர் இரசாயனவியல் போன்ற பெரும் எண்ணிக்கையான இயல்புகளை கருத்தில் கொண்டு கணவரலாற்றுத் தொடர்புகளையும் கூர்ப்பின் போக்கையும் காண்பிக்கும் விதத்தில் வகைப்படுத்துகின்ற பாகுபாடு இயற்கை முறை பாகுபாடு எனப்படும்.
பூமியில் வாழும் சகல உயிர்களும் ஒரு பொது மூதாதையரிலிருந்து கூர்ப்படைந்தவை என்பதை வலியுறுத்துகிறது.
RNA யின் நைதரசன் மூல ஒழுங்கிலிருந்து கணவரலாற்று தொடர்புகள் அறியப்படக்கின்றன.

பாகுபாட்டு செயன்முறை ஒழுங்கு

1. உயிரிகளை பாகுபடுத்தல்
2. அடையாளம் காணுதல்
3. பெயரிடுதல்
4. விபரித்தல்

இயற்கை பாகுபாட்டின் நன்மைகள்

• அங்கிகளை ஆராய்ந்து அவற்றை விபரிப்பதற்கு வசதியளித்தல்
• அங்கிகளை கற்கவும் ஞாபகப்படுத்தவும் இலகுவானது
• உயிரினங்களுக்கிடையில் தொடர்புகளை ஏற்படுத்தி மேலும் தெளிவாக்கல்
• ஓர் இன அங்கத்தவர்களுக்கிடையில் நிலையான தனித்துவமான சர்வதேச பெயரொன்றை ஏற்படுத்தல்
• கணவரலாற்று தொடர்புகளையும் கூர்ப்பின் போக்கினையும் அறிந்து கொள்ளல்
• புதிய அங்கிகளை எளிதாக விபரிக்க முடிதல்
• புதிய கண்டுபிடிப்புகளுக்கேற்ப மாற்றியமைக்கப்படக் கூடியதாகவிருத்தல்.

இயற்கை முறை பாகுபாட்டின் குறைபாடுகள்

• பாகுபடுத்தலில் விஞ்ஞானிகளிடையே கருத்து ஒருமைபாடுகள் காணப்படாமை
• கூர்ப்பின் போக்கில் ஒன்றுக்கு மேற்பட்ட பாகுபாட்டு மட்டங்களுக்குரிய இயல்புகளைக் கொண்டிருக்கும் போது அவற்றை பாகுபடுத்தலிலுள்ள சர்ச்சை.
• இலிங்கமுறை இனப்பெருக்கத்தில் ஈடுபடாத அங்கிகளை நுட்பமாக பரிசோதிக்க வேண்டிய நிலை.

 

இயற்கை முறை பாகுபாடு	செயற்கை முறை பாகுபாடு
கூர்ப்பின் போக்கைக் காட்டக்கூடியது.	கூர்ப்பின் போக்கைக் காட்டாது.
பல இயல்புகளை அடிப்படையாகக் கொண்டது	ஒரு சில இயல்புகளை அடிப்படையாகக் கொண்டது
இலகுவான பாகுபாட்டு முறையன்று	இலகுவான பாகுபாட்டு முறை
இயற்கையானது	செயற்கையானது
Carolus Linnaeus இனால் அறிமுகப்படுத்தப்பட்டது.	18ஆம் நூற்றாண்டுக்கு முற்பட்டது.

சாவிகள்

அங்கிகளை இனங்காணவும் அவற்றை கூட்டமாக பிரிக்கவும் சாவிகள் பயன்படுகின்றன.

பொதுவான சாவிகளாக இணைக்கவர்ச்சுட்டி பயன்படும். இது கூர்ப்பு தொடர்பைக் காட்டாது.

அங்கிகளை விரைவாக அடையாளப்படுத்துவதை இலகுப்படுத்தும் பொருட்டு அடையாளப்படுத்தும் இயல்புகள் இணைக்கவர் சோடிகளாக அமையும் வண்ணம் தயாரிக்கப்படும் ஒரு அட்டவணை இணைக்கவர்சுட்டி இருக்கிளைச்சாவி எனப்படும்.

பெரும்பாலும் புற இயல்புகளை அடிப்படையாகக் கொண்டது. சில நேரங்களில் அக இயல்புகள் பயன்படலாம். ஒருபோதும் உடல் தொழிலியல் இயல்புகள் கருதப்படுவதில்லை. மேலும் பருமன் நிறம் ஆகியனவும் பயன்படுவதில்லை.

இருகிளைச்சாவி அமைக்கும். போது,

• ஏதாவது ஒரு இயல்பு காணப்படுகின்றமை அல்லது காணப்படாமை
• ஒரு இயல்பின் விருத்தி மட்டம்
• ஒரு கட்டமைப்பின் மட்டம் கருத்திற்கொள்ளப்படும்.

 

பாகுபாட்டின் வளர்ச்சியில் விஞ்ஞானிகளின் பங்கு

ஆரம்பக்கால பாகுபாடுகள் யாவும் செயற்கைமுறையானதாகவே அமைந்தன.

மனித நாகரிக ஆரம்பம் தொட்டே மனிதன் தான் தங்கியிருந்த தாவர விலங்குகளை இனங்கண்டு பெயரிட ஆரம்பித்தான்.

முதன்முதலில் தெளிவான அவதானங்கள் மூலம் புற இயல்புகளை அடிப்படையாகக் கொண்டு அங்கிகளை பாகுபடுத்தியவர் அரிஸ்டோட்டில் (384 – 322 B.C) ஆவார்

மேலும்,

• இடம்பெயரும் முறை
• இனப்பெருக்கும் முறை
• செங்குருதி உள்ளவை/இல்லாதவை எனவும் பிரித்தார்.

Theophrastus (370 – 287BC). அரிஸ்டோட்டிலின் மாணவன். தாவரங்களின் தோற்றங்களை பொருத்து மரம், செடி, பூண்டு எனவும், வாழ்வுக்காலத்தை பொருத்து ஓராண்டு, ஈராண்டு, பல்லாண்டு எனவும் பாகுபடுத்தினார்.

இனம் பற்றிய கருத்தை முன்வைத்து புதிய முறையிலான பாகுபாட்டுக்கு வழிவகுத்தவர் John Ray ஆவார்.

அங்கிகளை தாவரம் விலங்கு என இரு இராச்சியங்களாக வகைப்படுத்தியவர் Carolus Linnaeus ஆவார்.

கூர்ப்புக் கொள்கையின் அடிப்படைக்கு மேற்கூறப்பட்ட வகைப்பாடுகள் இனங்காதலால் அவை செயற்கை முறை பாகுபாடாகவே கருதப்படுகின்றன.

தனிக்கல உயிரிகளின் அறிமுகத்தை தொடர்ந்து Ernest Haeckel இனால் 3 இராச்சிய பாகுபாடு அறிமுகமாகியது. கணம் என்ற மட்டத்தையும் இவரே அறிமுகப்படுத்தினார்.

1956 இல் புரோகரியோற்றா அங்கிகளை வேறுபிரித்து மொனறா இராச்சியமாக 4 இராச்சிய பாகுபாட்டை H.F.Copeland அறிமுகப்படுத்தினார்.

1969 இல் R.H Whittaker இனால் பங்கசு இராச்சியம் உருவாக்கத்துடன் 5 இராச்சிய பாகுபாடு அறிமுகமாகியது.

• Kingdom Plantae              Carolus Linnaeus
• Kingdom Animalia           Carolus Linnaeus
• Kingdom Protista              Ernest Haeckel
• Kingdom Monera              F.Copeland
• Kingdom Fungi                  H Whittaker

R.H Whittaker இன் பாகுபாட்டில் திருத்தங்களை மேற்கொண்டு எளிமையாக L.Morgulis, K.V.Schwarts மாற்றியமைத்தனர்.

மூலக்கூற்று அறிவின் வெளிப்பாட்டால் அவற்றின் ஆரம்ப கூர்ப்பை அடிப்படையாகக் கொண்டு 3 பேரீராச்சியங்களாக Carl woese (1977) பாகுபடுத்தினார்.

நவீன பாகுபாட்டு பிரமானங்கள்

• முக்கிய பரம்பரையலகிலுள்ள DNAயின் மூல ஒழுங்கு
• இழைமணியின் DNA யின் மூல ஒழுங்கு
• Ribosome RNA யின் மூல ஒழுங்கு
• பொதுவான புரதங்களின் அமினோ அமில ஒழுங்கு
• கலக்கூறுகளின் மூலக்கூற்றுக் கட்டமைப்பு

Kingdom Protista ஒரு இயற்கையான கூட்டமல்ல.!  இது வேறு கூர்ப்புத் தோற்றம் கொண்ட அங்கிகளை உள்ளடக்கிய செயற்கையான கூட்டம்.

• அகிலத்திலிருந்து கற்றாய்வதற்காகத் தேர்ந்தெடுத்த பகுதியை தொகுதி  எனப்படும்.
• கற்றலுக்காக அகிலத்திலிருந்து தேர்ந்தெடுத்த பகுதி தவிர்ந்த ஏனைய யாவும் சூழல் எனப்படும்.
• சூழலையும் தொகுதியையும் பிரிக்கும் கோட்டை எல்லை  எனப்படும்.
• எல்லையூடாக சக்தியும் சடப்பொருளும் வேலையும் பரிமாறப்படும் தொகுதி திறந்த தொகுதி எனப்படும்.
• எல்லையூடாக சக்தியும் வேலையும் பரிமாறப்படும் தொகுதி மூடிய தொகுதி எனப்படும். (எல்லை சடப்பொருள் பரிமாற்றத்திற்கு அனுமதிக்காது.)
• எல்லையூடாக சக்தியும் சடப்பொருளும் வேலையும் பரிமாறப்படாத தொகுதி தனிமையாக்கிய தொகுதி எனப்படும்.
• சடப்பொருளின் அளவிற்கேற்ப தீர்மானிக்கப்படும் இயல்புகள் விரி இயல்பு எனப்படும்.
  உதாரணம் :- திணிவு , கனவளவு , வெப்பக் கொள்ளளவு
• சடப்பொருளின் அளவின்படி தீர்மானிக்கப்படாத இயல்புகள் செறி இயல்பு எனப்படும்.
  உதாரணம் :- வெப்பநிலை , அமுக்கம் , அடர்த்தி , பிசுக்குமை , மூலர் கனவளவு ,மூலர் வெப்பக் கொள்ளளவு.
• தொகுதியொன்றின் வெப்பநிலை , அமுக்கம் , தொகுதியின் அமைப்பு ஆகியன பற்றிய விவரங்கள் தொகுதியின் நிலைகள் எனப்படும். குறித்த ஒரு தொகுதி தொடர்பான மேற்படி தகவல்கள் அத்தொகுதிக்கு சிறப்பானவையாகும்.
• தொகுதியொன்றின் குறித்த நிலையொன்றுக்கான சிறப்பான பெறுமானத்துடன் கூடிய இயல்பு நிலைத் தொழிற்பாடு என அழைக்கப்படும். இவை தொகுதியின் வரலாற்றுடன் தொடர்புடையன அல்ல.
• நிலைத் தொழிற்பாடு மாற்றமானது அதன் ஆரம்ப  இறுதி நிலைகளின் மீது மாத்திரம் தங்கியிருக்கும். இது மாற்றத்தை ஏற்படுத்தும் படிமுறையிலிருந்து சுயாதீனமானது.
• கனவளவு , வெப்பநிலை , அடர்த்தி , முறிவுச் சுட்டி , வெப்ப உள்ளுறை , எந்திரப்பி ஆகியன நிலைத் தொழிற்பாடுகளுக்கான உதாரணங்களாகும்.
• மாறா அமுக்கத்தின் கீழ் தொகுதிக்கு வழங்கப்படும் அல்லது தொகுதியொன்றிலிருந்து வெளியேற்றப்படுகின்ற வெப்பத்தின் அளவு வெப்ப உள்ளுறை மாற்றம் (ΔH ) என அழைக்கப்படும். இது வெப்ப இயக்கவியல் இயல்பாகும்.அத்துடன் நிலைத் தொழிற்பாடும் ஆகும்.
• தாக்கம் ஒன்றுடன் தொடர்புடைய வெப்ப உள்ளுறை மாற்றம் ΔH விளைவுகளினதும் தாக்கிகளினதும் வெப்ப உள்ளுறை மாற்றத்தின் மூலம் பெறப்படும்.
  ΔH  = H_{விளைவுகள்} – H_{தாக்கிகள்}
• தாக்கமொன்றுடன் தொடர்புடைய வெப்ப உள்ளுறை மாற்றம்
  ΔH < 0 ஆயின் தாக்கம் புற வெப்பத் தாக்கமாகும்.
  ΔH > 0 ஆயின் தாக்கம் அக வெப்பத் தாக்கமாகும்.
• IUPAC விதந்துரைப்பின்படி  வெப்ப உள்ளுறை மாற்றங்களானது அலகு தாக்கம் நடைபெற்றுள்ள அளவுக்கு (kJ mol^-1) (Unit extent of reaction) அறிக்கைப்படுத்தப்பட்டுள்ளது. IUPAC மூலம் விதந்துரைக்கப்பட்டுள்ளபடியால் அதனைப் பயன்படுத்தி செய்யப்படும் கணிப்பீடுகளும் சரியானவையாக ஏற்றுக் கொள்ளப்படும்.

ஒளிச்சுவாசம்

• இச்செயன்முறையானது பச்சையவுருமணியின் பஞ்சணையில் CO₂ செறிவு குறைவாகவும் O₂ செறிவு அதிகமாக உள்ளபோதும் நிகழும்.
• இத் செயன்முறையை RUBP Carboxylase ஊக்குவிக்கின்றது.
• இதன் விளைவாக ஒரு மூலக்கூறு 3C PGA உம் ஒரு மூலக்கூறு 2C பொஸ்போகிளைக்கோலேற்றும் உருவாக்கப்படுகின்றது.
• இச் செயன்முறையால் CO₂ பதித்தல் நிரோதிக்கப்படுகின்றது. அத்துடன் C, CO₂ ஆக இழக்கப்படுகின்றது.
• எனவே ஒளிச்சுவாசம் ஒளித்தொகுப்பு வினைத்திறனைக் குறைக்கின்றது.
• இத்தாக்கம் ஒளியுள்ள போது / பகல் வேளையில் நிகழும் அத்துடன் இதன் விளைவான பொஸ்போகிளைக்கோலேற்று பச்சையவுருமணியை விட்டு நீக்கி பேரொக்சிசோம் / இழைமணியினுள் சென்று அங்கு CO₂ ஆக வெளிவிடப்படுகின்றது.
• எனவே ஒளிச்சுவாசத்துடன் தொடர்பான கலப்புன்னங்கங்கள் பச்சையவுருமணி, இழைமணி, பேரொக்சிசோம்.
• ஒளிச்சுவாசம் எனப்படுவது RUBP, RUBP Carboxylase ஊக்குவிப்பால் O₂ ஆல் ஒட்சியேற்றப்பட்டு 3C சேர்வையான PGA யும் 2C சேர்வையான பொஸ்போகிளைக்கோலேற்றையும் தரும் செயன்முறையாகும்.

C₃ தாவர இலை ஒளித்தொகுப்பை வினைத்திறனாக்க கொண்டுள்ள இசைவாக்கங்கள்

• ஒளித்தொகுப்பின் CO₂ பகுதித்தலில் முதல் உறுதியான விளைபொருளாக C₃ சேர்வையான PGA பெறப்பட்டால் அவ் CO₂ பதித்தல் பாதை C₃ பாதை எனப்படும். அதை மேற்கொள்ளும் இலைகள் C₃ இலைகள் எனப்படும். அவ் இலைகளை கொண்டுள்ள தாவரம் C₃ தாவரம் எனப்படும்.
• C₃ தாவர இருவித்திலை இலையிலிருந்து ஒருவித்திலை இலைகள் பின்வரும் இயல்புகளில் வேறுபடுகின்றன.
  1. வேலிக்காற்புடைக்கலவிழையம், கடற்பஞ்சுப் புடைக்கலவிழையம் என வியத்தமடையாத இலைநடுவிழையம் காணப்படல்.
  2. காவற்கலம் டம்பல் வடிவம்.
• C₃ தாவர இலைகளில் இலைநடுவிழையக் கலங்களில் பிரதானமாக பச்சையவுருமணி காணப்படுகின்றது. இதுவே ஒளித்தொகுப்பு இழையம் எனப்படும்.
• சகல பச்சையவுருமணிகளும் அமைப்பில் ஒத்தவை. எனவே ஒரு வகையான பச்சையவுருமணிகளைக் கொண்டவை.
• இச்சிறப்பம்சங்கள் இரு வகைப்படும்.
  1. கட்டமைப்பு சார்ந்த சிறப்பியல்புகள்
  2. உடற்தொழிலியல் சார்ந்த சிறப்பியல்புகள்

கட்டமைப்பு சார்ந்த

இசைவாக்கம்	ஒளித்தொகுப்பை வினைத்திறனாக்கும் முறை
மெல்லிய தட்டையான இலைகள்	இதன் மூலம் மேற்பரப்பு அதிகரிக்கப்பட்டு ஒளி அகத்துறிஞ்சல் வீதம் அதிகரிக்கப்படும்
ஒளி ஊடுபுகவிடக் கூடிய புறத்தோல், மேற்றோல் காணப்படுதல்	ஒளிக்கதிர்கள் இலகுவாக ஊடுருவி ஒளித்தொகுப்பு வீதம் அதிகரிக்கப்படுதல். (ஒளி ஊடுருவல் வீதம் அதிகரிக்கப்படும்)
வேலிக்காற் புடைக்கலவிழையக் கலங்கள் நிலைக்குத்தாக, நெருக்கமாக ஒழுங்குபடுத்தப்பட்டிருத்தல்	நிலைக்குத்தாகக் காணப்படுவதால் அதிக எண்ணிக்கையான வேலிக்காற் புடைக்கலவிழையக் கலங்கள் காணப்படுகின்றன நெருக்கமாகக் காணப்படுவதால் ஒளி வீண்விரயம் தடுக்கப்படும்
வேலிக்காற் புடைக்கலவிழையக் கலங்கள் அதிக எண்ணிக்கையான பச்சையவுருமணிகளால் நிரப்பப்பட்டு இருத்தல்	ஒளி அகத்துறிஞ்சல் வீதம் அதிகரிக்கப்படும்
கடற்பஞ்சுப் புடைக்கலவிழையக் கலங்கள் கலத்திடைவெளியுடன் ஒழுங்கற்றுக் காணப்படல். காற்று இடைவெளி கொண்டிருத்தல்	வாயுப்பரிமாற்ற வினைத்திறன் அதிகரிக்கப்படும்
வலையுருவான / ஒன்றுடன் ஒன்று இணைக்கப்பட்ட காழ், உரிய இழையம் கொண்ட கலன்கட்டு காணப்படுதல்	காழ் இழையம் ஒளித்தொகுப்பு மூலப்பொருளான நீரை வினைத்திறனாக வழங்குகின்றது உரிய இழையம் தொகுக்கப்பட்ட உணவை வினைத்திறனாக அகற்றுகின்றது. இதனால் ஒளித்தொகுப்பு வீதம் அதிகரிக்கப்படும்
அதிக எண்ணிக்கையான பெரிய இலைவாய்கள் காணப்படல்	வாயுப்பரிமாற்ற வினைத்திறன் அதிகரிக்கப்படுகின்றது

உடற்தொழிலியல் சார்ந்த

Firstname	Lastname
தாவர இலைகளின் மேற்பரப்பு ஒளியை நோக்கி ஒழுங்குபடுத்தப்பட்டிருத்தல் அல்லது இலையின் ஒளித்திருப்பம் / இலையின் ஒளித் திசைகோட் சேர்க்கை காணப்படல்	ஒளி அகத்துறிஞ்சல் வீதம் அதிகரிக்கப்படும்
வேலிக்காற்புடைக்கலவிழையக்கலங்களில் காணப்படும் பச்சையவுருமணிகள் குறைவான ஒளிச்செறிவில் ஒளியை நோக்கி மேற்பரப்பிற்கு அசைதல்	வாயுப்பரிமாற்ற வினைத்திறன் ஒளி உள்ளபோது அதிகரிக்கப்படுதல்
ஒளி உள்ளபோது இலைவாய் திறக்கப்படலும் ஒளியில்லாத போது இலைவாய் மூடுதலும்	வாயுப்பரிமாற்ற வினைத்திறன் ஒளி உள்ளபோது அதிகரிக்கப்படுதல்

C₄ தாவர இலை, C₄ பாதை, C₄ தாவரம் 

• ஒளித்தொகுப்பின் CO₂ பதித்தலில் முதல் உறுதியான விளைப்பொருளாக 4C சேர்வையான OAA (ஒக்சலோ அசற்றிக்கமிலம்) பெறப்படின் அவ் CO₂ பதித்தல் பாதை C₄ பாதை எனப்படும். இப் பாதையைக் காண்பிக்கும் இலைகள் C₄ தாவர இலை எனப்படும். அத்தாவரம் C₄ தாவரம் எனப்படும்.
  C₄ தாவர இலைகள் C₃ தாவர இலைகளிலிருந்து கட்டமைப்பில் வேறுபாட்டைக் காட்டுகின்றன.
• C₄ தாவர இலையின் குறுக்குவெட்டு முகத்தோற்றம்
• C₃ தாவர இலைக்கும் C₄ தாவர இலைக்கும் இடையிலான வேறுபாடுகள்

C3 தாவர இலை	C4 தாவர இலை
ஒரு வகையான பச்சையவுருமணி	2 வகையான பச்சையவுருமணிகள் காணப்படும். அவையாவன 1. கட்டுமடல்கல பச்சையவுருமணி 2. இலைநடுவிழையப் பச்சையவுருமணி
Kranz கட்டமைப்பு இலையில் காணப்படுவது இல்லை. அதாவது கலன்கட்டைச் சூழ ஒரு வளையத்தில் கட்டுமடல் கலங்கள் மட்டும் காணப்படும்	Kranz கட்டமைப்பு காணப்படும் அதாவது கலன்கட்டைச் சூழ 2 வலயக் கலங்கள் காணப்படும். உள்வளையம் கட்டுமடல் கலங்கள், வெளிவளையம் இலைநடுவிழையக் கலங்கள்
இலைநடுவிழையக் கலங்களில் மட்டும் பச்சையவுருமணி காணப்படும்	இலைநடுவிழையக் கலங்களிலும் கட்டுமடல்கலங்களிலும் பச்சையவுருமணிகள் காணப்படும்

• வேறுபாடுகள்

இலைநடுவிழையக்கலப் பச்சையவுருமணி	கட்டுமடல்கலப் பச்சையவுருமணி
பருமனில் சிறியவை	பருமனில் பெரியவை
நன்கு விருத்தியடைந்த மணியுருக்கள்	மிகவும் ஒடுக்கமடைந்த மணியுருக்கள்
பஞ்சணை ஒடுக்கப்பட்டது RUBP Carboxylase இல்லை / குறைந்த செறிவு	நன்கு விருத்தியடைந்த பஞ்சணை RUBP Carboxylase உயர் செறிவு
மாப்பொருள் மிகக் குறைவுஅதிகளவில்	மாப்பொருள் மணிகள் காணப்படும்

• C₄ தாவர இலைகளில் இலைநடுவிழையக் கலங்களும் கட்டுமடல் கலங்களிலும் தொழிற்பங்கீடு காணப்படுகின்றது அதாவது ஒளித்தாக்கத்திற்கு இலைநடுவிழையப் பச்சையவுருமணிகளும் Calvin வட்ட CO₂ பதித்தலுக்கு கட்டுமடல் பச்சையவுருமணிகளும் சிறத்தலடைந்துள்ளது.

C₄ பாதை

• C₄ தாவர இலைகளில் ஒளித்தாக்கம் இலை நடுவிழையக் கலத்தின் பச்சையவுருமணியில் நிகழும். இது C₃ தாவர ஒளிதாக்கத்திற்கு ஒத்தது.
• ஆனால் CO₂ பதித்தல் இலைநடுவிழையக் கலங்களின் குழியவுருவிலும் கட்டுமடல்கலத்தின் பச்சையவுருமணியிலும் நிகழ்கின்றது. எனவே, இரு கலங்களிலும் நிகழ்கின்றது.
• CO₂ பதித்தல் முதலில் இலைநடுவிழையக் கலத்தில் நடைபெறும் வளிமண்டல CO₂ அக்கலக் குழியவுருவிலுள்ள 3C சேர்வையான PEP இனால் வாங்கப்பட்டு 4C உறுதியான சேர்வையான OAA உருவாக்கப்படும். இதுவே முதல் உறுதி விளைபொருள் ஆகும். இவ்மாற்றத் தாக்கமானது PEP Carboxylase நொதியத்தால் ஊக்குவிக்கப்படுகின்றது.
• OAA,Malate (4C) ஆகத் தாழ்த்தப்படுகின்றது. இத்தாழ்த்தலுக்குH⁺ வழங்கியாக NADPH தொழிற்பட்டு NADP ஆக மாற்றப்படுகின்றது.
• Malate முதலுரு இணைப்பினூடாக கட்டுமடல் கலத்தை அடைகின்றது. அங்கு ஒட்சியேற்றத்திற்கும் CO₂ அகற்றலுக்கும் உட்பட்டு 3C Pyruvate மூலக்கூறையும் CO₂ ஐயும் உருவாக்கும். இவ் ஒட்சியேற்றத்தில் H வாங்கியாக NADP தொழிற்பட்டு NADPH ஆக மாற்றமடைகின்றது.
• 3C Pyruvate ATP ஐ பயன்படுத்தி PEP ஆக புத்துயிர்ப்பு அடைகின்றது.
• Malate இலிருந்து விடுவிக்கப்பட்ட CO₂ கட்டுமடல் கலத்தின் பச்சையவுருமணியின் பஞ்சணையிலுள்ள 5C CO₂ வாங்கியான RUBP ஆல் பதிக்கப்பட்டு உறுதியான சேர்வையான 2 மூலக்கூறு 3C PGA ஆக மாற்றப்படும். இத்தாக்கத்தை RUBP Carboxylase ஊக்குவிக்கும்.
• PGA Calvin வட்டத்தைத் தொடரும்.
• C₃, C₄ தாவரங்களுக்கிடையிலான வேறுபாடு

C3 தாவரம்	C4 தாவரம்
Eg: மாமரம் , செவ்வரத்தை	Eg: கரும்பு,சோளம்,கீரை,சில புற்கள்
ஒரு வகைப் பச்சையவுருமணி	இருவகைப் பச்சையவுருமணி
இலையில் Kranz கட்டமைப்பு காணப்படாது	Kranz கட்டமைப்பு காணப்படும்
CO2 ஒரு தடவை பதிக்கப்படும்	CO2 இரு தடவை பதிக்கப்படும்
முதல் உறுதியான விளைபொருள் 3C PGA	முதல் உறுதியான விளைபொருள் 4C OAA
ஒளிச்சுவாசம் நிகழும் .	ஒளிச்சுவாசம் நிகழ்வதில்லை
வெப்பநிலை அதிகரித்து உயர் வெப்பநிலையில் ஒளித்தொகுப்பு வீதம் குறைவடையும் (இலைவாய் மூடப்படுவதால்)	உயர் வெப்பநிலையிலும் ஒளித்தொகுப்பு வினைத்திறனாக நிகழும். (உயர் வெப்பத்திற்கு இசைவாக்கப்பட்ட தாவரங்கள்)
ஒளித்தொகுப்பு வினைத்திறன் ஒப்பீட்டளவில் குறைவு           (C இழப்பு உண்டு)	ஒப்பீட்டளவில் கூட (C இழப்பு இல்லை)
உயர் ஒளிச் செறிவிலும் ஒளித்தொகுப்பு வீதம் குறைவடையும்	பாதிப்படையாது
நீர் இழப்பு அதிகம்	நீர் இழப்பு குறைவு

• C₃ தாவர இலைகளில் ஒரு பச்சையவுருமணியினுள் ஒளித்தாக்கமும் CO₂ பதித்தலும் நிகழ்வதால் O₂ செறிவு அதிகரித்து CO₂ செறிவு குறையும் சந்தர்ப்பம் காணப்படுகின்றது. ஆனால் C₄ தாவர இலைகளில் ஒளித்தாக்கம் இலைநடுவிழையக்கலப் பச்சையவுருமணியிலும் CO₂ பதித்தல் / Calvin வட்டம் கட்டுமடல் கலத்தில் நிகழ்வதால் கட்டுமடல் கலப் பச்சையவுருமணியில் O₂ செறிவு அதிகரிக்கும் சந்தர்ப்பம் குறைவு. அத்துடன் இப் பச்சையவுருமணியில் Malate இலிருந்து விடுவிக்கப்படும் CO₂ உம் வளிமண்டல CO₂ உம் காணப்படுவதால் CO₂ செறிவு எப்போதும் உயர்வாகக் காணப்படும். எனவே C₄ தாவர இலைகளில் ஒளிச்சுவாசம் நிகழ்வதில்லை.

C₃ தாவர ஒளித்தொகுப்பை விட C₄ தாவர ஒளித்தொகுப்பு வினைத்திறனானது. இதற்கான காரணங்கள்

1. PEP / PEP Carboxylase, RUBP /  RUBP Carboxylase ஐ விட CO₂ பதித்தலில் வினைத்திறனானது அதாவது PEP குறைந்த CO₂ செறிவிலும் அதனை வாங்கி OAA யாக மாற்றும். ஆனால் RUBP குறைந்த செறிவில் தன்னுடன் சேர்க்காது இதனால் C₄ ஒளித்தொகுப்பு வினைத்திறன் ஆக்கப்படுகின்றது.
2. C₄ தாவரத்தில் இரு தடவை CO₂ பதிக்கப்படுகின்றது. C₃ தாவரத்தில் ஒரு தடவை CO₂ பதிக்கப்படுகின்றது. இதனால் C₄ தாவரத்தின் கட்டுமடல் கலத்தின் பச்சையவுருமணியில் CO₂ செறிவு உயர்வாகக் காணப்படும். (Malate இலிருந்து விடுவிக்கப்பட்ட CO₂ + வளிமண்டல் CO₂) எனவே C₃ தாவர RUBP யின் CO₂ பதித்தலை விட C₄ தாவரத்தில் RUBP யின் CO₂ பதித்தல் வினைத்திறன் ஆக்கப்படுகின்றது.
3. C₄ தாவரத்தில் ஒளிச்சுவாசம் நடைபெறுவதில்லை. காரணம் கட்டுமடல் கலப் பச்சையவுருமணியில் CO₂ செறிவு உயர்வாகக் காணப்படும். எனவே CO₂ பதித்தல் பாதிக்கப்படுவதில்லை. காபன் இழப்பு ஏற்படுவதில்லை. ஆனால், C₃ தாவரத்தில் ஒளிச்சுவாசம் நிகழ்கின்றது. எனவே RUBP யின் CO₂ பதித்தல் பாதிக்கப்படுகின்றது. C இழப்பு ஏற்படுகின்றது.
4. C₄ தாவரம் உயர் ஒளிச்செறிவிலும் ஒளித்தொகுப்பை வினைத்திறனாக மேற்கொள்கின்றது.

ஒளித்தொகுப்பைப் பாதிக்கும் காரணிகள்

• ஒளித்தொகுப்பைப் பாதிக்கும் புறக்காரணிகளாவன
  1. சூழல் ஒளிச்செறிவு
  2. சூழல் வெப்பநிலை
  3. CO₂ செறிவு
  4. (மண்ணிலுள்ள) நீரின் அளவு
• அகக்காரணி – பச்சையம்

Blackmann இன் எல்லைப்படுத்தும் காரணிக் கொள்கை.

• ஒரு இரசாயனத் தாக்கமானது ஒன்றுக்கு மேற்பட்ட காரணிகளால் பாதிக்கப்படும் போது குறைந்த செறிவில் உள்ள காரணி அத்தாக்கத்தை எல்லைப்படுத்தும்.
• எனவே இத்தகைய இரசாயனத் தாக்கங்களுக்கு ஒரு காரணியின் அளவை மட்டும் அதிகரிக்கும் போது தாக்கவீதம் அதிகரித்துப் பின் மாறாது இருக்கும் மாறாது இருப்பதற்குக் காரணம் மற்றைய காரணிகளில் ஒன்று எல்லைப்படுத்துவதாகும்.

ஒளிச்செறிவு

• A பகுதியில் ஒளிச்செறிவு, தாக்கத்தை எல்லைப்படுத்துகின்றது.
  B பகுதியில் ஒளிச்செறிவுடன் வேறு ஒரு காரணியும் எல்லைப்படுத்துகின்றது.
  C பகுதியில் முற்றிலுமாக வேறு ஒரு காரணி எல்லைப்படுத்துகின்றது.
• பொதுவாக தரைத்தாவரங்களில் ஒளித்தொகுப்பை ஒளிச்செறிவு எல்லைப்படுத்துவதில்லை.
• நீர்த் தாவரங்களில் ஒளிச்செறிவு எல்லைப்படுத்துகின்றது.
• குறைந்த ஒளிச்செறிவில் ஒளித்தொகுப்பு வீதம் குறைவடையும் காரணம் ஒளிச்சக்தியைப் பயன்படுத்த உற்பத்தியாகும் ATP,NADPH இன் அளவு குறையும். அதைப் பயன்படுத்தி உற்பத்தியாகும் Glucose /  காபோவைதரேற்றின் அளவு குறையும். ஃ ஒளித்தொகுப்பு வீதம் குறையும்.
• ஒளிச்செறிவைக் கூட்டும் போது ஒளித்தொகுப்பு வீதமும் அதிகரிக்கும்.
• அதிகூடிய / மிகையான ஒளிச்செறிவில் குளோரபில் வெளிற்றப்படுவதில் ஒளித்தொகுப்பு பாதிப்படையும்.

CO₂ செறிவு

• CO₂ செறிவை அதிகரிக்கும் போது ஒளித்தொகுப்பு வீதமும் அதிகரிக்கும். (ஏனைய காரணிகள் எல்லைப்படுத்தாதவிடத்து)
• குறைந்த CO₂ செறிவில் CO₂ பதித்தல் குறைக்கப்படுவதால் உற்பத்தியாக்கப்படும் PGA,PGAL,Glucose இன் அளவு குறைக்கப்படும் அதாவது ஒளித்தொகுப்பு குறைக்கப்படும்.
• தரைத் தாவரங்களில் பொதுவாக ஒளித்தொகுப்பை எல்லைப்படுத்தும் காரணி CO₂ ஆகும்.

வெப்பநிலை

• ஒளித்தொகுப்பில் ஒளித்தாக்கம் குறைந்து நொதியக்கட்டுப்பாட்டுக்கும் இருள் தாக்கம் அதிகளவு நொதியக் கட்டுப்பாட்டுக்குமுரியது. எனவே முதல் 35°C மட்டும் வெப்பநிலையை அதிகரிக்கும் போது ஏனைய காரணிகள் எல்லைப்படுத்தாதவிடத்து தாக்கவீதம் மடங்காக அதிகரிக்கும். அதன்பின் நொதியங்கள் / புரதங்கள் அமைப்பழியத் தொடங்குவதால் ஒளித்தொகுப்பு வீதம் குறைவடைந்து 60°C யில் முற்றாக அமைப்பழிவதால் தாக்க வீதம் நிறுத்தப்படும்.

குளோரபில்

• பொதுவாகப் பச்சையம் எல்லைப்படுத்தும் காரணியாகத் தொழிற்படுவதில்லை. சில சமயங்களில் குளோரபிலின் அளவு குறைக்கப்படுகின்றது. குறைக்கப்படும் முறைகளாவன
  1. கனியுப்புகளின் (அயன்களின் குறைபாடு – N,Mg,Fe,K)
  2. ஒளிச்செறிவு இல்லாமை – குளோரபில் உற்பத்திக்கு ஒளிச்செறிவு அவசியம்
  3. சில நோய்கள் – வைரஸ்
  4. வயதாதல்
• இலைகளில் குளோரபில் குறைவடைதல் இலையை மஞ்சள் நிறமாக மாற்றமடையச் செய்யும். இவ் இலை வெண்பச்சை இலை எனப்படும்.

வெளிவிடப்படும் O₂ வாயுவின் அளவைக் கொண்டு நீர்த் தாவரத்தின் ஒளித்தொகுப்பு வீதத்தைத் துணிதல் (Audus கருவியை பயன்படுத்தி)

• நீர்த் தாவரம் ஐதரில்லா / இலோடியா தேர்ந்தெடுக்கப்பட்டு 5cm நீளம் இலைகளைக் கொண்ட கிளை ஒன்று நீருக்கு அடியில் வைத்து வெட்டப்பட்டு வெட்டப்பட்ட பகுதி நீருக்கு மேல் இருக்குமாறு அதன் வாழிடநீர் கொண்ட பரிசோதனைக் குழாயினுள் வைக்கப்பட்டு கருவியுடன் பொருத்தப்படும்.
• பொருத்துவதற்கு முன்பாக Audus கருவி முற்றாக நீரினால் நிரப்பப்படும். புகுத்தி உள்நோக்கித் தள்ளப்பட்டுக் காணப்பட வேண்டும் பரிசோதனைக் குழாய் நீரினுள்,

1. NaHCO₃ சிறிதளவு கரைக்கப்பட வேண்டும் → CO₂ செறிவை அதிகரிக்க.
2. வளியூட்டம் செய்யப்பட வேண்டும் → அவ் நீரை O₂ ஆல் நிரம்பலடையச் செய்து தண்டிலிருந்து வெளிவரும் O₂ அந்நீரில் கரைவதைத் தடுப்பதற்காக.
3. ஒன்று / இரண்டு துளி சவர்க்காரநீர் சேர்க்க வேண்டும் – வெளியேறும் O₂ குமிழ்கள் கண்ணாடியினுள் ஒட்டுவதைத் தடுப்பதற்கு

• குறித்த நேரத்தில் சேகரிக்கப்படும் O₂ வாயுக்குமிழ்கள் புகுத்தி இழுக்கப்படுவதன் மூலம் அளவிடைக்குக் கொண்டுவரப்பட்டு அதன் நீளம் அறியப்படும்.
  அக்குறித்த நேரம் t ஆகவும் சேகரிக்கப்பட்ட நீளம் l ஆகவும் இருப்பின்,
• ஒளித்தொகுப்பு வீதம் = l/t
• இப்பரிசோதனை அமைப்பை ஒளித்தொகுப்பைப் பாதிக்கும் புறக்காரணிகள் எவ்வாறு பாதிக்கின்றன என்பதை அறிந்து கொள்ளவும் பயன்படுத்தலாம். (உ – ம்)
  1. CO₂ செறிவின் பாதிப்பு எனில் கரைக்கப்படும் NaHCO₃ இன் அளவுகள் அதிகரிக்கப்பட்டு வெவ்வேறு அளவுகளில் சேகரிக்கப்படும் வாயு நிரலின் நீளங்கள் அறியப்படும்.
  2. வெப்பநிலை எனில் நீர் கொண்ட முகவையை வெவ்வேறு வெப்பநிலையில் பேணி நீளங்கள் அறியப்படும்.
  3. ஒளிச்செறிவு எனில் இப்பரிசோதனை அமைப்பு இருட்டறையில் மேற்கொள்ளப்பட்டு மின்குமிழ்களின் எண்ணிக்கையை மாற்றுவதன் மூலம் / குறித்த மின்குழிழ்களின் எண்ணிக்கையைப் பயன்படுத்தி அவற்றின் தூரங்களை மாற்றுவதன் மூலம் ஒளிச்செறிவை மாற்றி நிரலின் நீளங்கள் அறியப்படும்.