• கலக்கொள்கை Theodor Schwann , Matthias Jakob Schleiden, Virchow ஆகிய மூன்று விஞ்ஞானிகளால் முன்வைக்கப்பட்ட கொள்கை.
• இதில் 3 பிரதான அம்சங்கள் உள்ளடக்கப்பட்டுள்ளன.

1. சகல அங்கிகளும் ஒன்று / பல கலங்களால் ஆக்கப்பட்டவை.
2. அங்கிகளின் அடிப்படைக் கட்டமைப்பு, அடிப்படை தொழிற்பாட்டு அலகு கலம் ஆகும்.
3. சகல கலங்களும் ஏற்கனவே காணப்பட்ட கலங்களிலிருந்து உருவாகின்றன.

• கலக்கொள்கையில் பங்களிப்பு செய்த விஞ்ஞானிகள் பின்வருமாறு :

1. Robert Hooke (1663) : திண்மத் தன்மையான தக்கை நீரில் மிதப்பதற்கான காரணத்தை அறியும் பொருட்டு மெல்லிய வெட்டு முகங்களை நுணுக்குக்காட்டியின் கீழ் அவதானித்தார். அதன் போது தேன் கூட்டு அறைகள் போன்று துளைகள் கொண்ட அமைப்பு அவதானிக்கப்பட்டது. துளை ஒவ்வொன்றையும் கலம் எனப் பெயரிட்டார்.
2. Anton Van Leeuwan Hooke (1650) : நீர்த் துளியை நுணுக்குக்காட்டியின் கீழ் அவதானித்து தனிக்கல அங்கிகளான பற்றீரியா, இயூக்கிளினா ஆகியவற்றை முதன் முதலில் பதிவு செய்தார்.
3. Schleiden (1831) : இவர் தாவரவியலாளர். தாவர இழையங்களை நுணுக்குக்காட்டியின் கீழ் அவதானித்து சகல தாவரங்களும் கலங்களால் ஆனவை என முடிவு செய்தார்.
4. Schwann (1839) : விலங்கியலாளர். விலங்கு இழையங்களை ஆராய்ந்து அவை கலங்களால் ஆனவை என முடிவு செய்தார்.
5. Virchow (1855) : கலப்பிரிவு செய்முறையை ஆராய்ந்து எல்லா கலங்களும் ஏற்கனவே காணப்பட்ட கலங்களிலிருந்து கலப்பிரிவினால் உருவாகின்றது என முடிவு எடுத்தார்.

 

• மூலக்கூறுகளுக்கிடையிலான இடைத்தாக்கங்கள் அனைத்தும் பொதுவாக வன்தர்வாலிசு இடைத்தாக்கங்கள் என அழைக்கப்படும். இவ்விடைத்தாக்கங்கள் ஐந்து வகைகளாகப் பிரிக்கப்படும்.
  • அயன் – இருமுனைவு இடைத்தாக்கங்கள்
  • இருமுனைவு – இருமுனைவு இடைத்தாக்கங்களும் ஐதரசன் பிணைப்புக்களும்
  • அயன் – தூண்டிய இருமுனைவு இடைத்தாக்கங்கள்
  • இருமுனைவு – தூண்டிய இருமுனைவு இடைத்தாக்கங்கள்
  • கலைவு இடை ஈர்ப்புகள் (லண்டன் விசைகள்)

அயன்-இருமுனைவு இடைத்தாக்கங்கள்

• கற்றயன் அல்லது அன்னயன் முனைவு மூலக்கூறுகளைக் கவரும்போது இவ்விடைத் தாக்கங்கள் ஏற்படும். அயன்களின் ஏற்றம் , பருமன் , இருமுனைவுகளின் அளவு என்பவற்றில் இவ்விடைத்தாக்கங்களின் வலிமை தங்கியுள்ளது.

இரு முனைவு – இருமுனைவு இடைத்தாக்கங்கள்

• இவ்வகையான விசைகள் நிலையான முனைவாக்கமுடைய முனைவு மூலக்கூறுகளுக்கிடையே காணப்படும்.
  

ஐதரசன் பிணைப்பு

• ஐதரசன் பிணைப்பு என்பது ஐதரசன் அணு ஒன்று மின்னெதிர்த்தன்மையுடைய மூலகம் ஒன்றுடன் பங்கீட்டுரீதியாகப் பிணைந்துள்ளபோது புளோரீன் , ஒட்சிசன் , நைதரசன் போன்ற ஒன்று அல்லது ஒன்றிற்கு மேற்பட்ட தனிச்சோடி இலத்திரனைக் கொண்ட வேறு ஒரு மின்னெதிர் மூலகம்  உடன் பிணைந்திருக்கும் விசேட வகை நிலைமின்னியல் இடைத்தாக்கமாகும்.

• கூட்டங்கள் 15 , 16 , 17 என்பவற்றின் ஐதரைட்டுக்களின் கொதிநிலைகள் மாற்றமடையும் முறை ஐதரசன் பிணைப்பு இருப்பதை உறுதிப்படுத்துகின்றது.

அயன்-தூண்டிய இருமுனைவு இடைத்தாக்கங்கள்

ஏற்றமற்ற முனைவாக்கமற்ற ஒரு மூலக்கூறின் (உதாரணம் விழுமிய வாயுவின் ஒரு அணு) அண்மையில் ஏற்றமுடைய ஒரு துணிக்கையைப் புகுத்தும்போது அது அணு அல்லது மூலக்கூறின் முகிலை திரிபடையச் செய்யும்.
உதாரணம்:- KI நீர்க்கரைசலில் கரைக்கப்பட்ட I₂ ஆனது I₃^– உருவாக்கல்.

இருமுனைவு-தூண்டிய இருமுனைவு இடைத்தாக்கங்கள்

• இவ்வகையான கவர்ச்சி ஏற்றமற்ற முனைவாக்கமற்ற இனத்திற்கும் முனைவாக்கமுடைய இனத்திற்கும் இடையில் காணப்படும்.
  உதாரணம்:- O₂ ,I₂ , Xe போன்ற முனைவாக்கமற்ற இனங்களை நீரில் கரைத்தல்.

கலைவு இடை ஈர்ப்புகள் (லண்டன் விசைகள்)

• முனைவாக்கமற்ற மூலக்கூறுகள் அல்லது அணுக்களுக்கிடையே உள்ள இடைத்தாக்கங்கள் கலைவு இடை ஈர்ப்புகள் எனப்படும்.
• முனைவாக்கமற்ற ஏதாவது ஒரு மூலக்கூறு அதன் கணநிலை இலத்திரன் முகில் உருமாற்றத்தினால் தற்காலிகமாக முனைவாக்கப்படலாம். இவ்வாறான மூலக்கூறின் முனைவாக்கத்தினால் வேறொரு முனைவாக்கமற்ற மூலக்கூறு தற்காலிகமாக முனைவாக்கப்படலாம். இவ்வாறான மூலக்கூறுகளுக்கிடையே உள்ள இடைத் தாக்கங்கள் கலைவு இடை ஈர்ப்புகள் எனப்படும்.
• இவ்வாறான ஈர்ப்பு விசைகள் எவ்வகையான இரு மூலக்கூறுகளுக்கிடையேயும் காணப்படும். எல்லா வகையான வன்தர்வாலிசு விசைகளிலும் பொதுவாக வலிமை குறைந்தது கலைவு இடை ஈர்ப்புகளாகும்.
• எனினும் கலைவு இடை ஈர்ப்பு வலிமை இருமுனைவு-இருமுனைவு இடைத்தாக்கங்களை மீறும் சந்தர்ப்பங்களும் உள்ளன.
  

  சேர்வை	உருகுநிலை	துணையிடை ஈர்ப்பு வகை
  CH3F	-142 ºC	இருமுனைவு-இருமுனைவு இடைத்தாக்கங்கள் , கலைவு இடை ஈர்ப்புகள்
  CCl4	-23 ºC	கலைவு இடை ஈர்ப்புகள்

   

ஓர்  அலகு நேரத்தில்  தாக்கிகள் / விளைவுகளின் செறிவில் ஏற்படும் மாற்றம்  ‘ தாக்கவீதம் ‘ எனப்படும்.

அலகு –  moldm^-3s^-1

 இரசாயன தாக்கமொன்றின் தாக்கவீதத்தை பாதிக்கும் காரணிகள்

• செறிவு
• அமுக்கம்
• ஊக்கி
• ஒளி
• வெப்பநிலை
• திண்மபொருட்களின் மேற்பரப்பு
• செலுத்தப்பட்ட ஏற்றம்
• கலக்குதல், குலுக்குதல்
• கதிர் தொழிற்பாடு

பாரம்பரிய முறையில் மாற்றியமைக்கப்பட்ட அங்கிகளின் உபயோகங்கள்

விவசாயத்துறை

1. பூச்சிப் பீடைகளுக்கான எதிர்ப்புத் திறனை பயிர்களில் விருத்தி செய்தல்.
   உதாரணம் : Bacillus thuringiensis Bacteria வில் இருந்து பெறப்பட்ட பரம்பரை அலகைப் பயன்படுத்தி, பருத்தி, சோயா, Canola போன்ற தாவரங்களின் பூச்சிப் பீடைகளுக்கு எதிர்ப்புத் திறனுடைய பேதங்களை உண்டாக்குதல்.
2. Agrobacterium என்ற Bacteria வில் இருந்து பெறப்பட்ட gene ஐப் பயன்படுத்தி களைநாசினிகளுக்கு எதிர்ப்புத் திறனுடைய பயிர்களை உண்டாக்கல்.
3. Erwina என்ற Bacteria வில் இருந்து பெறப்பட்ட பரம்பரை அலகுகளை நெற்தாவரத்தில் புகுத்தி தங்க அரிசி விருத்தியாக்கப்பட்டது.

மருத்துவத் துறை

1. மனித இன்சுலின் தயாரித்தல்
2. மனித வளர்ச்சி ஓமோன் தயாரித்தல்
3. மனித குருதி உறைதல் காரணிகள் தயாரித்தல்
4. Hepatitis B தடைப்பால் உற்பத்தி
5. பரம்பரையலகு சிகிச்சைகளில் பாவிக்கப்படுகிறது.

கைத்தொழில் துறை

1. இன்வற்டேஸ், கைமோசின், அமிலேஸ், பெக்ரீனேஸ் போன்ற நொதியங்களின் வர்த்தக முறையிலான தயாரிப்பு
2. சில உணவுத் தயாரிப்புகளில் பயன்படுகிறது.
   உதாரணம் : குளுட்டாமேற் தயாரிப்பு

பாரம்பரிய முறையில் மாற்றப்பட்ட அங்கிகளின் பயன்பாட்டினால் உருவாக்கக் கூடிய பிரச்சினைகள்

1. பாரம்பரிய முறையில் மாற்றியமைக்கப்பட்ட அங்கிகளில் இருந்து பெறப்படும் பதார்த்தங்கள் மனிதனில் மனித ஆரோக்கியத்திற்கு தீமை விளைவிக்கக் கூடியவையாக இருக்கின்றன.
2. ஒவ்வாமை விளைவுகள் ஏற்படல்
3.  நுண்ணுயிர் கொல்லிகளுக்கு எதிர்ப்புத் தன்மை மனிதனில் குடலில் வாழுகின்ற Bacteria களுக்கு ஏற்படல்.
4. பாரம்பரிய முறையில் மாற்றம் செய்யப்பட்ட தாவரங்களில் இருந்து அயன் மகரந்த சேர்க்கை மூலம் ஏனைய தாவரங்களுக்கு இப்பரம்பரை அலகுகள் செல்லும் வாய்ப்பு இருப்பதனால் களைநாசினிகளுக்கு எதிர்ப்புத் திறன் உடைய களைகள் தோன்ற முடிதல்.
5. மண் நுண்ணங்கிகள் பாதிப்படையலாம்.
6. உயிர்ப்பல்வகைமை பாதிப்படையலாம்.

பரம்பரையலகு முளைவகைப் பெருக்கம்

• வெளியில் இருந்து அந்நிய பரம்பரை அலகு ஒன்றை மாற்றியமைத்தல் முறையினால் பற்றீரியா போன்ற விருந்து வழங்கி கலம் ஒன்றில் புகுத்தி அக்கலத்தை வளர்ப்பு செய்வதன் மூலம் புகுத்தப்பட்ட பரம்பரை அலகைப் பெருக்கம் அடையச் செய்தல் பரம்பரை அலகு முளைவகைப் பெருக்கம் எனப்படும்.
• இதன் உபயோகங்கள் :

1.  புகுத்தப்பட்ட பரம்பரை அலகின் பல பிரதிகளை பெருக்கம் செய்வதன் மூலம் பெற்றுக் கொள்ளுதல்.
2. முளைவகைப் பெருக்கம் அடையும் பரம்பரை அலகினால் உருவாக்கப்படும் புரதத்தைப் பிரித்தெடுத்தல்.
   உதாரணம் : மனித இன்சுலின் தொகுப்பிற்குரிய பரம்பரை அலகை பிளாஸ்மிட் ஒன்றில் புகுத்தி இதனை Escherichia coli போன்ற ஓர் பற்றீரியாவினுள் புகுத்தி அதனை வளர்ப்பு ஊடகத்தில் வளர்ப்பதன் மூலம் இன்சுலினைப் பெறுதல்

பிரதான இயல்புகள்  

• இயுக்கரியோற்றா கலவகையுடையது.
• யாவும் பலகலமுடையவை.
• கருமென்சவ்வு உண்டு
• கலச்சுவர்கள் உண்டு. பிரதானம் – செலுலோசு மற்றும் அரை செலுலோசு, பெக்ரின்
• யாவும் ஒளிதற்போசணைக்குரியவை.
• உணவு ஒதுக்கு – மாப்பொருள்.
• இடப்பெயர்ச்சி இல்லை. சில புனரிகளில் பிசிர் அல்லது சவுக்குமுளை காணப்படும்.

 

Phylum Bryophyta

• ஈரலிப்பான தரை வாழிடத்தில் பொதுவாக காணப்படும்
• கலனிழையம் இல்லை
• புனரித்தாவரம் ஆட்சியானது. ஒளித்தொகுப்புக்குரியது. வித்தி தாவரம் சுயாதீனமானது. புனரி தாவரத்தில் தங்கி வாழும்.
• ஓரினவித்தி
• கருக்கட்டலுக்கு புற நீர் அவசியம்
• வித்துக்களைத் தோற்றுவிக்காது.
• பூக்களை தோற்றுவிக்காது
• Poganatum (பாசிதாவரம்) , Mosses , Marchantia(ஈரலுருதாவரம்)

 

Phylum Lycophyta

• ஈரலிப்பான தரை வாழிடத்தில் பொதுவாக காணப்படும்
• கலனிழையம் காணப்படும்.
• வேர் தண்டு இலை எனும் பிரிவைக் காட்டக்கூடியது.
• வித்தித்தாவரம் ஆட்சியானது. புனரி தாவரம் வித்தி தாவரத்தில் தங்கி வாழும்.
• ஓரினவித்தி அல்லது பல்லினவித்தி தோற்றுவிக்கும்
• கருக்கட்டலுக்கு புற நீர் அவசியம்
• வித்துக்களைத் தோற்றுவிக்காது.
• பூக்களை தோற்றுவிக்காது
• Sellaginella (ஓரினவித்தி), Lycopodium(பல்லினவித்தி) 

 

Phylum Pterophyta

• தரைவாழ்வுக்கான இசைவாக்கம் காணப்படும்
• கலனிழையம் உண்டு.
• வித்தித்தாவரம் ஆட்சியானது. புனரித்தாவரம் சுயாதீனமானது. இரண்டும் ஒளித்தொகுப்புக்குரியது
• ஓரினவித்தி
• கருக்கட்டலுக்கு புற நீர் அவசியம்
• வித்துக்களைத் தோற்றுவிக்காது.
• பூக்களை தோற்றுவிக்காது
• Nephrolepis (பன்னம்) 

 

Phylum Cycadophyta

• தரைவாழ்வுக்கான இசைவாக்கம் காணப்படும்
• கலனிழையம் உண்டு.
• வித்தித்தாவரம் ஆட்சியானது. இவை ஒளித்தொகுப்புக்குரியது. புனரித்தாவரம் வித்தி தாவரத்தில் தங்கி வாழும்.
• பல்லினவித்தி
• கருக்கட்டலுக்கு புற நீர் அவசியமில்லை
• வித்துக்களைத் தோற்றுவிக்கும். நிர்வாண வித்துக்கள்.
• கிளைக்கொண்ட மகரந்தக் குழாயைத் தோற்றுவிக்கும். இது போசணையை அகத்துறிஞ்சும்.
• மந்தமான துணைவளர்ச்சி நடைபெறும்.
• ஒரு மடிய வித்தகவிழையம் காணப்படும்
• பூக்களை தோற்றுவிக்காது
• Cycas (மடுப்பனை) 

 

Phylum Coniferophyta

• தரைவாழ்வுக்கான இசைவாக்கம் காணப்படும்
• கலனிழையம் உண்டு.
• வித்தித்தாவரம் ஆட்சியானது. இவை ஒளித்தொகுப்புக்குரியது. புனரித்தாவரம் வித்தி தாவரத்தில் தங்கி வாழும்.
• பல்லினவித்தி
• கருக்கட்டலுக்கு புற நீர் அவசியமில்லை
• வித்துக்களைத் தோற்றுவிக்கும். நிர்வாண வித்துக்கள்.
• கிளையற்ற மகரந்தக் குழாயைத் தோற்றுவிக்கும். இது ஆண் புணரிகளை கடத்த உதவும்.
• ஒரு மடிய வித்தகவிழையம் காணப்படும்
• பூக்களை தோற்றுவிக்காது
• Pinus 

 

Phylum Anthophyta

• தரைவாழ்வுக்கான இசைவாக்கம் காணப்படும்
• கலனிழையம் உண்டு.
• வித்தித்தாவரம் ஆட்சியானது. இவை ஒளித்தொகுப்புக்குரியது. புனரித்தாவரம் வித்தி தாவரத்தில் தங்கி வாழும்.
• பல்லினவித்தி
• கருக்கட்டலுக்கு புற நீர் அவசியமில்லை
• வித்துக்களைத் தோற்றுவிக்கும். மூடிய வித்துக்கள். பழங்களினுள் வித்து காணப்படும்.
• இலிங்கமுறை இனப்பெருக்க அலகாக பூக்களைத் தோற்றுவிக்கும்.
• கிளையற்ற மகரந்தக் குழாயைத் தோற்றுவிக்கும். இது ஆண் புணரிகளை கடத்த உதவும்.
• சூல் வித்துக்கள் சூல் வித்திலையால் மூடப்பட்டிருக்கும்.
• மும் மடிய வித்தகவிழையம் காணப்படும்
• பூக்களை தோற்றுவிக்காது
• பூக்கும் தாவரங்கள்

 

Class Monocotyledoneae	Class Dicotyledoneae
முளையம் ஒரு வித்திலையைக் கொண்டது.	முளையம் இரு வித்திலையைக் கொண்டது.
நார்வேர்த்தொகுதி காணப்படும்	ஆணிவேர்த்தொகுதி காணப்படும்
சமாந்தர இலை நரம்பமைப்புள்ள இலை	வலையுரு இலை நரம்பமைப்புள்ள இலை
முப்பாத்துள்ள பூக்கள்	நாற்பாத்துள்ள அல்லது ஐம்பாத்துள்ள பூக்கள்
பூக்களில் பூவுறை உண்டு. (தெளிவான புல்லிவட்டம், அல்லிவட்டம் இல்லை).	தெளிவான புல்லிவட்டம், அல்லிவட்டம் உண்டு.
தண்டில் கலன்கட்டுக்கள் பரந்திருப்பதுடன் மாறிழையமும் காணப்படுவதில்லை.	தண்டில் கலன்கட்டுக்கள் வளையமாகக் காணப்படுவதுடன் மாறிழையமும் உண்டு.
கலன்கட்டுக்கள் அதிக எண்ணிக்கையில் காணப்படும்.	கலன்கட்டுக்கள் அதிக எண்ணிக்கையில் காணப்படும்.
Cocos, புல், நெல், பனை	Rosa, Neem, Peepal

 

அசேதன சேர்வை

நீர்

• நீர் H,O மூலகங்கள் காணப்படுகின்றன.
• அவை H : O = 2 : 1 எனும் விகிதத்தில் காணப்படுகின்றது. எனவே, நீரின் மூலக்கூற்று சூத்திரம் H₂O அதன் மூலக்கூற்று வடிவம்

• இம் மூலக்கூற்று வடிவம் காரணமாக அதாவது ஒட்சிசனின் மின்னொதிரியல்பு காரணமாக நீர் மூலக்கூறில் இரு முனைவுத் தன்மை காணப்படுகின்றது.

• ஒரு மூலக்கூறின் மூலகங்களுக்கிடையில் / அணுக்களுக்கிடையில் நேர், எதிர் ஏற்றங்கள் காணப்படின் முனைவாக்கத் தன்மை காணப்படும். நீரில் இரு H அணுக்களும் நேர்ஏற்றம் பெறுவதால் இது  இரு முனைவாக்கத் தன்மை எனப்படும்.
• நீர் மூலக்கூறின் இரு முனைவாக்கற் தன்மையால் அடுத்துள்ள நீர் மூலக்கூறுக்கிடையில் கவர்ச்சி விசை ஏற்படுத்தப்படும். இக்கவர்ச்சி விசை பிணைவு விசை எனப்படும்.
• இப்பிணைவு விசை காரணமாக அடுத்துள்ள நீர் கூலக்கூறுகளுக்கிடையில் ஏற்படுத்தப்படும் பிணைப்பு ஐதரசன் பிணைப்பு எனப்படும்.

நீரின் உயிரியல் முக்கியத்துவங்கள்

• நீரில் காணப்படும் இரசாயன, பௌதீக இயல்பு காரணமாக உயிர் அங்கிகளில் நீர் பல பிரதான தொழில்களை ஆற்றுகின்றது

நீரின் இயல்பு	உயிரிகளில் நீரின் பங்களிப்பு	உதாரணம்
முனைவாக்கற் தன்மை	சிறந்த கரைப்பானாக தொழிற்படுதல்	கலத்தின் முதலுருவிலும், கலச்சாறிலும் அனேக பதார்த்தங்கள் கரைந்து காணப்படல்
அறைவெப்பநிலையில் நீர் திரவமாக காணப்படல்	முதலுருவின் ஊடகம்	முதலுருவின் 65 – 90% நீர் காணப்படுகின்றது
இரசாயன இயல்பு (H+,OH-ஆக பிரிகையடையும் தன்மை) அயனாக்கமடையும் தன்மை	சில உயிர் இரசாயன செயன் முறைகளில் தாக்கியாக தொழிற்படுகின்றது (உயர் அனுசேப தாக்கங்களில் தாக்கியாக தொழிற்படல்)	ஒளித்தொகுப்பு செயன்முறை
உயர் ஒட்டற்பண்பு, பிணைவு விசை கொண்டிருத்தல்	கலங்களில் வீக்கத்தை பேணல்    அங்கிகளில் பதார்த்தங்கள் கொண்டுசெல்லலும், தாவரங்களில் அகத்துறிஞ்சலும் கொண்டுசெல்லலும்	கலவிரிவு பூண்டு தாவரங்களில் ஆதாரம் அளித்தல் வீக்க அசைவுகள் (தொட்டாற்சுருங்கி) காவற்கலத்தின் அசைவு பூக்கள் மலர்தல் தாவரங்களில் நீரின் அகத்துறிஞ்சலும் சாற்றேற்றமும். தாவரங்களில் உணவு கொண்டு செல்லல் மண் கரைசலிலிருந்து கனியுப்பு அகத்துறிஞ்சப்படல் விலங்குகளில் குருதியூடாக பதார்த்தங்கள் கொண்டு செல்லல்
உயர் தன்வெப்ப கொள்ளளவு (ஓர் அலகு திணிவுடைய நீரின் வெப்பநிலையை உயர்த்துவதற்கு அதிகளவு வெப்பம் வழங்கப்பட வேண்டும்)	ஒரு குறித்தளவு வெப்பம் நீர் சூழலுக்கு வழங்கப்பட்டாலோ / இழக் கப்பட்டாலோ நீரில் வெப்பநிலை மாற்றம் ஏற்படாது	சகல விலங்குகளினதும் உடல் வெப்பநிலையை ஒரு சிறிய வெப்பநிலை வீச்சத்தினுள் பேணப்படுகின்றது
உயர் ஆவியாதலின் மறை வெப்பம்  (குறித்தளவு நீர் திரவத்திலிருந்து நீராவியாக மாறுவதற்கு கணிசமான வெப்பம் வழங்கப்பட வேண்டும்)	உடல் மேற்பரப்பில் குளிர்ச்சியை ஏற்படுத்தல்	விலங்குகளில் வியர்த்தலின் போதும் தாவரங்களில் ஆவியுயிர்ப்பின் போதும் குளிர்ச்சியை ஏற்படுத்தல்.
உயர் மேற்பரப்பு இழுவிசை	சில நீர்வாழ் பூச்சிகளுக்கு வாழிடம் வழங்கல்	நீர்ச்சறுக்கி பூச்சி (நீர்படகோட்டி)
உயர் உருகலின் மறைவெப்பம்	உறையும் போது அதிகளவு வெப்பம் விரயமாக்கப்படுகின்றது,எனவே, நீர் உறைதல் தடுக்கப்படுகின்றது	நீர் சூழலிலும், கலங்களிலும் நீர் உறையாது திரவமாக காணப்படுகின்றது
உறையும்போது ஏற்படும் கனவளவு அதிகரிப்பு	நீர் நிலைகள் உறையும் போது உருவாகும் பனிக் கட்டிகள் நீர் சூழலின் மேற்புரத்திலும் திரவ நிலையில் காணப்படும் நீர் அடியிலும் காணப்படும்	பனிக்காலங்களிலும் நீர்வாழ் அங்கிகள் தப்பி பிழைக்க கூடியதாக காணப்படல்
ஒளி ஊடுபுகவிடும் தன்மை	நீர் சூழலில் ஒளி செல்ல கூடியதாக இருத்தல்	நீர் தாவரங்களும், அல்காக்களும் குறித்த ஆழம் வரை வாழக்கூடியதாக இருத்தல்

அங்கிகளில் நீரின் பிரதான தொழில்களாவன :

1. முதலுருவின் உள்ளடக்கம்
2. கரைப்பான்
3. தாக்கி
4. விறைப்புத் தன்மை / வீக்கம் வழங்கல்

 

• உயர் தாவரங்களில் பதியமுறை இனப்பெருக்கமே மிகச் சாதாரணமான இலிங்கமில்முறை இனப்பெருக்கமாகும்.
• தாவரங்களின் பதியப் பகுதிகள் இனம்பெருக்கும் அங்கங்களை உருவாக்கும்.
• வேர்த்தண்டுக் கிழங்கு , தண்டுக்கிழங்கு , குமிழ் , முகிழ் போன்றன நிலக்கீழ்த் தண்டுகள்.தரை மட்டத்தில் கிடையாக வளர்பவை ஓடிகள். குமிழம் காற்றுக்குரிய பகுதிகளில் இருந்து தோற்றுவிக்கப்படும். இடமாறிப் பிறந்த அரும்புகள் தண்டு தவிர்ந்த தாவரத்தின் ஏனைய பகுதிகளில் இருந்து தோற்றுவிக்கப்படும்.
• இவற்றுள் சில உணவைச் சேமித்து பல்லாண்டு வாழுகின்ற அங்கமாகக் காணப்பட்டு தகாத காலங்களைக் கழிக்கும்.

வேர்த்தண்டுக் கிழங்கு

• கிடையாக வளரும் நிலக்கீழ்த்தண்டு. பெரும்பாலும் மண் மேற்பரப்பை அண்மித்து இருக்கும். காற்றுக்குரிய அங்குரம் , செதிலிலைகள் , உறங்குநிலையிலுள்ள அரும்புகள் , வேர்கள் என்பவற்றுடன் இடம்மாறிப் பிறந்த வேர்களையும் கொண்டது.
• வேர்த்தண்டுக் கிழங்கிற்கான உதாரணங்கள் :- Musa, Zingiber, Curcuma, Canna

தண்டுக் கிழங்கு

• குறுகிய புடைத்த நிலைக்குத்தாக வளரும் நிலக்கீழ்த் தண்டு உறங்கு நிலையிலுள்ள அரும்புகள் , செதிலிலைகள் , காற்றுக்குரிய அங்குரம் , வேர்கள் ,இடம் மாறிப்பிறந்தவேர்கள் என்பவற்றைக் கொண்டவை.
• தண்டுக் கிழங்குக்கான உதாரணங்கள் :- Colocasia, Alocacia, Gladiolus

குமிழ்

• புடைத்த இலையடிகளால் தோற்றுவிக்கப்பட்ட குமிழ் கொண்ட மிகக் குறுகிய நிலக்கீழ்த் தண்டு.
• குமிழிற்கான உதாரணங்கள்:- Allium , Crinum

ஓடிகள்

• மண் மேற்பரப்பின் மேல் கிடையாக வளரும் பக்கக் கிளைகள் நிமிர்ந்த தண்டின் கக்கவரும்பில் இருந்து தோற்றுவிக்கப்படும். புதிய அங்குரங்கள் இடம் மாறிப்பிறந்த வேர்கள் என்பன கக்கவரும்பில் இருந்து தோன்றும்.
• ஒடிகளிற்கான உதாரணங்கள்:- Centella, Cyperus, Pistia

முகிழ்

• நிலக்கீழான தண்டின் கிளைகள் பருத்து சேமிப்பு அங்கமாகப் பயன்படும்.
• இவை உறங்கு நிலையிலுள்ள கக்கவரும்புகளையும் , செதிலிலைகளையும் கொண்டவை. பல்லாண்டு வாழும் அங்கமாகப் பயன்படும்.
• முகிழிற்கான உதாரணங்கள்:- Solanum

குமிழம்

• காற்றுக்குரிய தண்டுகளின் கக்கவரும்பு , இலைகள் கொண்ட சிறிய அங்குரமாக வளர்ச்சி அடையும். இவை பிரதான தண்டுகளில் இருந்து வேறாக்கப்பட்டு புதிய தாவரத்தை உற்பத்தியாக்கும்.
• குமிழத்திற்கான உதாரணங்கள்:- Ananas, Dioscoria

இடம்மாறிப் பிறந்த அரும்புகள்

• தண்டு தவிர்ந்த தாவரத்தின் ஏனைய பதியப் பாகங்களில் இருந்து அரும்புகள் உருவாதல். இலைகளில் இருந்து புதிய தாவரங்கள் தோன்றுதல்.
• இடம்மாறிப் பிறந்த அரும்புகளிற்கான உதாரணங்கள்:-Bryophyllum, Begonia

தாவரங்களைப் பதியமுறையில் இனப்பெருக்கும் முறைகள்

வெட்டுத் தண்டு

• கக்கவரும்புகள் கொண்ட தண்டுகளின் வெட்டுத் துண்டுகள் செயற்கையாக மண்ணில் நாட்டப்படுதல்.சிலவேளைகளில் ஒட்சின்களும் பயன்படுத்தப்படுகின்றது.
• வெட்டுத் தண்டின் பயன்பாட்டிற்கான உதாரணங்கள்:- Manihot, Ipomoea, Camelia , Rosa

அரும்பொட்டுதல்

• ஒரு தாவரத்தின் கக்கவரும்பை இன்னுமொரு வேருள்ள தாவரத்தின் தண்டிற்கு மாற்றி நடுதல்.
• மாற்றி நடப்படும் அரும்பு – ஒட்டுமுளை
  ஒட்டுமுளை  ஒட்டுக்கட்டையின் மீது ஒட்டப்படும் ஒட்டுமுளை , ஒட்டுக்கட்டை என்பன வேறுபட்ட பேதங்களை அல்லது நெருக்கமான உறவுள்ள இனங்களைச் சேர்ந்தவையாக இருக்கலாம்.
• ஒட்டுதல் முறையில் கக்கவரும்பு கொண்ட மரவுரித் துண்டைக் கவனமாக வெட்டியெடுத்தல் கூரிய கத்தியினால் ஒட்டுக்கட்டையின் மரவுரியைத் திறத்தல் , மாறிழையங்கள் தொடர்புறத்தக்கவாறு ஒட்டுமுளையை மாற்றி நடுதல் , ஒட்டுநாடாவினால் சுற்றிக்கட்டி ஒட்டுமுளையானது ஒட்டுக்கட்டையுடன் இணையும் வரை விடுதல் என்பன அடங்கும்.
• அரும்பொட்டுதலின் அனுகூலங்களாவன் தாவரங்களை விரைவாக இனப்பெருக்குதல் , தாய்த் தாவரத்தை ஒத்த இயல்புடைய தாவரங்களைப் பெறுதல் , வேறுபட்ட பேதங்களின் வேர்களையும் அங்குரங்களையும் இணைத்தல் போன்றன.
• அரும்பொட்டலிற்கான உதாரணங்கள் :-  Rosa போன்ற அழகிற்காக வளர்க்கப்படும் தாவரங்கள் Mangifera போன்ற கனி கொடுக்கும் தாவரங்கள்.

தண்டொட்டுதல்

• ஒட்டுமுளையாக அரும்புகளிற்குப் பதிலாக அங்குரங்கள் பயன்படுத்தப்படுவது தவிரப் பல வழிகளில் அரும்பொட்டுதலை ஒத்தது.

தாவர இழைய வளர்ப்பு

• கிருமியழிக்கப்பட்ட , செயற்கையான வளர்ப்பு ஊடகங்களில் உள்ளக நிபந்தனையின் கீழ் தாவர இழையங்களை வளர்த்தல்.
• அநேகமான தாவரக் கலங்கள் totipotent அதாவது தாவரக் கலங்களிற்குப் பொருத்தமான நிபந்தனைகள் வழங்கப்படும் போது அவை பூரணமான தாவரமாக வளரக் கூடிய தகைமை உள்ளவை.
• வளர்ப்பு ஊடகங்களில் தாவர வளர்ச்சிப் பதார்த்தங்களின் பங்கு சைற்றோகைனினும் , ஒட்சின்களும் கலப்பிரிவிலும் , கலங்களினது வியத்தத்திலும் பங்கெடுக்கும். ஒட்சின் வேரினது வளர்ச்சியையும் , சைற்றோகைனின் அங்குர வளர்ச்சியையும் தூண்டும்.
• வளர்ப்பு ஊடகத்தின் கூறுகளாக நீர் , அசேதன போசணைப் பொருட்கள் , ஒரு காபன் மூலம் (சுக்குரோசு பெரும்பாலும் பயன்படுத்தப்படும்) , தாவர வளர்ச்சிப் பதார்த்தங்கள் , வேறு தேவையான சேதன போசணைப் பதார்த்தங்கள் என்பன உள்ளடக்கப்படும்.
• வளர்ப்பு ஊடகத்தில் ஒட்சின் , சைற்றோகைனின்கள் என்பவற்றின் விகிதங்கள் வளர்ச்சி இயல்புகளைத் தீர்மானிக்கும்.
• முனையரும்பு , கக்கவரும்பு , தண்டு , இலை , கேசரம் , முளையம் உள்ளடங்கலாக பல்வேறுபட்ட தாவரப் பாகங்கள் , ஆரம்பத் தாவரப் பகுதிகளாக இழையவளர்ப்பை ஆரம்பித்து வைப்பதற்குப் பயன்படுத்தலாம்.
• ஊடகத்தைக் கிருமியழிக்கப்பட்ட நிபந்தனையில் பேணுதலும் தொற்று நீக்கப்பட்ட நிபந்தனையைப் பயன்படுத்தலும் முக்கியமானவை.இழைய வளர்ப்பில் ஆரம்பத் தாவரப் பகுதிகளில் இருந்து தோற்றுவிக்கப்படும் வியத்தமடையாத பிரிகையடையக் கூடிய கலங்களின் திணிவு மூடுபடை (Callus) எனப்படும்.
• வளர்ப்பு ஊடகத்தையும் , நிபந்தனைகளையும் திறமையாகக் கையாளுவதன் மூலம் மூடுபடை மீது வேர்கள் , அங்குரங்கள் என்பவற்றின் உருவாக்கத்தைத் தூண்ட முடியும்.

நுண்பெருக்கத்தின் படிகளும் , செயன்முறைகளும்.

• கூடிய எண்ணிக்கையில் தாவரங்களை உற்பத்தியாக்க நுண்பெருக்கம் (Micro Propogation) இழையவளர்ப்புத் தொழில்நுட்பத்தில் பயன்படுத்தப்படுகின்றது.
• பொருத்தமான ஆரம்பத் தாவரப் பகுதிகளைத் தயார்ப்படுத்தல் , ஒரு பொருத்தமான வளர்ப்பு ஊடகத்தைத் தொற்று நீக்கித் தயார்ப்படுத்தல் , வளர்ப்பு ஊடகத்தைத் தொடக்கி வைத்தல் , அங்குரங்களைத் தூண்டல் , அங்குரங்களைப் பெருக்குதல் , வேர்களைத் தூண்டுதல் , சிறு தாவரங்களைக் (Plantlets) காலவிணக்கப்படுத்தல் என்பன உள்ளடக்கப்படும்.
• நுண்பெருக்கத்தின் நன்மைகளாவன சிறிய பிரதேசத்தில் விரைவாக  ஓரே பிறப்புரிமையமைப்பு உடைய தாவரங்களை கூடுதலான எண்ணிக்கையில் உற்பத்தி செய்தல் , நோயற்ற தாவரங்களை உற்பத்தியாக்கல் , வாழ்தகவு உள்ள வித்துக்களைத் தோற்றுவிக்க முடியாத தாவரங்களின் இனப்பெருக்கம் என்பவற்றுடன் இந்நுட்பமுறையில் காலநிலை நிபந்தனைகள் பற்றிக் கருத்திலெடுக்கவும் தேவையில்லை.
• நுண்பெருக்கம் தவிர மூலவுயிருருவின் உறைகனிக் காப்பு (Cryopreservation of germ plasm),பாரம்பரிய மாற்றியமைப்பு செய்யப்பட்ட தாவரங்களின் உற்பத்தி , ஒரு மடியத தாவரங்களைப் பெறுதல் போன்ற வேறு நோக்கங்களுக்காகவும் இழைய வளர்ப்பு பயன்படுத்தப்படுகின்றது.